ກອງທັບປະຊາຊົນລາວ
 
ວັນຈັນ, ວັນທີ 22 ກໍລະກົດ 2024

  

ວປກ ມອບເງິນນະໂຍບາຍ ອຸດໜູນ ບຳນານ
ເວລາອອກຂ່າວ: 2023-09-28 11:44:05 | ຜູ້ຂຽນ : admin2 | ຈຳນວນຄົນເຂົ້າຊົມ: 604 | ຄວາມນິຍົມ:



ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ ມອບເງິນອຸດໜູນ ໃຫ້ນາຍທະຫານພັກການຮັບບຳນານ ໂດຍການເປັນປະທານຂອງ ສະຫາຍ ພົນຈັດຕະວາ ປອ ສົມພອນ ສີສຸວັນນະ ຮອງຫົວໜ້າການເມືອງ ວປກ, ມີພະແນກການທີ່ກ່ຽວຂ້ອງ ແລະ ພະນັກງານທີ່ໄດ້ຮັບເງິນອຸດໜູນບຳນານເຂົ້າຮ່ວມ. ສະຫາຍ ພັນໂທ ດວງຕາ ສຸຂະວົງ ຫົວໜ້າພະແນກປະກັນສັງຄົມ ກົມການເມືອງ ວປກ ໄດ້ຜ່ານໜັງສືສະເໜີຂໍອະນຸມັດຈ່າຍເງິນອຸດໜູນບຳນານ ແລະ ເງິນຊົດເຊີຍພັກການຮັບບຳນານ ສະບັບເລກທີ 224/ພປຄ, ລົງວັນທີ 20/09/2023, ອີງຕາມຄໍາສັ່ງແນະນໍາຂອງກະຊວງປ້ອງກັນປະເທດ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍປະກັນສັງຄົມໃນກອງທັບ, ສະບັບເລກທີ 675/ກປທ, ລົງວັນທີ 20/02/2019, ອີງຕາມໜັງສືສະເໜີຂອງວິທະຍາຄານປ້ອງກັນຊາດ ໄກສອນ ພົມວິຫານ ສະບັບເລກທີ 3217/ວປກ, ລົງວັນທີ 19/09/2023 ວ່າດ້ວຍການເບີກຈ່າຍເງິນອຸດໜູນບໍານານ 15% ແລະ ເງິນຊົດເຊີຍພັກການຮັບບຳນານໃຫ້ພະນັກງານຂັ້ນການນຳ-ບັນຊາ ຢູ່ ວປກ. ດັ່ງນັ້ນ ຈຶ່ງໄດ້ອະນຸມັດເບີກຈ່າຍເງິນອຸດໜູນບຳນານ 15% ແລະ ເງິນຊົດເຊີຍພັກການຮັບບຳນານໃຫ້ພະນັກງານ ຈຳນວນ 12 ສະຫາຍ, ລວມເປັນເງິນທັງໝົດຈຳນວນ ສອງຮ້ອຍກວ່າລ້ານກີບ. ເປັນກຽດມອບໂດຍ ສະຫາຍ ພົນຈັດຕະວາ ປອ ສົມພອນ ສີສຸວັນນະ. ໂອກາດດັ່ງກ່າວ ສະຫາຍ ປະທານ ກໍໄດ້ກ່າວຍ້ອງຍໍຊົມເຊີຍຕໍ່ພະນັກງານພັກການຮັບບຳນານທີ່ໄດ້ອຸທິດກຳລັງແຮງ, ສະຕິປັນຍາ, ຄວາມຮູ້ຄວາມສາມາດປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ. ພ້ອມທັງໄດ້ຮຽກຮ້ອງໃຫ້ບັນດາສະຫາຍທີ່ພັກການຮັບບຳນານ ພ້ອມກັນສືບຕໍ່ເສີມຂະຫຍາຍມູນເຊື້ອດັ່ງກ່າວໃຫ້ສູງຂຶ້ນ, ເປັນແບບຢ່າງທີ່ດີໃຫ້ແກ່ພະນັກງານ, ລູກຫຼານຮຸ່ນສືບທອດຕໍ່ໄປ, ປະຕິບັດກົດໝາຍບ້ານເມືອງ, ພັດທະນາບ້ານເມືອງໃຫ້ມີຄວາມເຂັ້ມແຂງ, ເປັນລະບຽບຮຽບຮ້ອຍ ແລະ ມີຄວາມສະຫງົບສຸກ. ໂດຍ : ພິດສະໄໝ ແກ້ວມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ