POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ໜ່ວຍພັກບໍລິສັດລັດວິສາຫະກິດນໍ້າມັນເຊື້ອໄຟວຽງຈັນ, ດໍາເນີນກອງປະຊຸມໃຫຍ່ຄັ້ງທີ VI.
ເວລາອອກຂ່າວ: 2023-09-28 14:13:56 | ຜູ້ຂຽນ : admin2 | ຈຳນວນຄົນເຂົ້າຊົມ: 713 | ຄວາມນິຍົມ:

ໃນວັນທີ 28 ກັນຍາ 2023 ນີ້, ໜ່ວຍພັກບໍລິສັດລັດວິສາຫະກິດນໍ້າມັນເຊື້ອໄຟວຽງຈັນ, ໄດ້ດໍາເນີນກອງປະຊຸມໃຫຍ່ຄັ້ງທີ VI ຂອງຕົນຂື້ນ ແລະ ໄດ້ສໍາເລັດຜົນລົງຢ່າງຈົບງາມໂດຍການເປັນປະທານຂອງສະຫາຍພົນຈັດຕະວາ ຈັນດີ ສຸລິວົງສັກ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ພະລາທິການກອງທັບ, ມີພະແນກຈັດຕັັ້ງພັກ, ພະແນກກວດກາພັກ-ລັດຫ້ອງການເມືອງກົມໃຫຍ່ພະລາທິການ, ຄະນະພັກ-ຄະນະບັນຊາ ແລະ ສະມາຊິກພັກພາຍໃນໜ່ວຍເຂົ້າຮ່ວມ. ສະຫາຍ ພັນເອກ ບຸນທົງ ກອງເທດມະນີ ເລຂາໜ່ວຍພັກ ຫົວໜ້າອໍານວຍການບໍລິສັດລັດວິສາຫະກິດນໍ້າມັນເຊື້ອໄຟວຽງຈັນ, ໄດ້ຜ່ານບົດລາຍງານການເມືອງທັງສອງພາກ, ຕີລາຄາໝາກຜົນແຫ່ງການຊີ້ນໍາ-ນໍາພາການຈັດຕັ້ງປະຕິບັດກອງປະຊຸມໃຫຍ່ຄັ້ງທີ V ຂອງໜ່ວຍພັກໃນໄລຍະຜ່ານມາ, ເຊິ່ງໜ່ວຍພັກບໍລິສັດລັດວິສາຫະກິດນໍ້າມັນເຊື້ອໄຟວຽງຈັນ ເປັນໜ່ວຍພັກໜື່ງ ຢູ່ພາຍໃຕ້ການຊີ້ນຳ-ນໍາພາໂດຍກົງຮອບດ້ານຈາກຄະນະພັກອົງການກົມໃຫຍ່ພະລາທິການກອງທັບ, ໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານ, ສະມາຊິກພັກເປັນກົກ, ເຊື່ອມຊຶມ, ມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ຄັ້ງທີ VI ຂອງຄະນະພັກອົງການກົມໃຫຍ່ພະລາທິການ, ກໍ່ຄືການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດ, ກົດລະບຽບຂອງກອງທັບ, ເຮັດໃຫ້ຖັນແຖວສະມາຊິກພັກມີຄວາມເຂົ້າໃຈຕໍ່ອຸດົມການຂອງພັກ, ພາຍໃນພັກມີຄວາມສະຫງົບ, ຮັກສາໄດ້ຄວາມໜັກແໜ້ນທາງດ້ານຄຸນທາດການເມືອງ, ຄວາມຈົງຮັກພັກດີຕໍ່ພັກ, ຕໍ່ປະເທດຊາດ ຕໍ່ປະຊາຊົນບັນລາວດາເຜົ່າ, ປັບປຸງກໍ່ສ້າງພັກໄປພ້ອມກັນທັງສາມດ້ານ, ການເມືອງ, ແນວຄິດ ແລະ ການຈັດຕັ້ງ, ຕິດພັນກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ການກໍ່ສ້າງພັກແມ່ນຖືເອົາຄຸນນະພາບເປັນກົກ, ຮັບປະກັນລັກສະນະພະນັກງານສືບທອດປ່ຽນແທນ, ປະຕິບັດແນວທາງການຕ່າງປະເທດ, ຕາມທິດຊີ້ນໍາຂອງຂັ້ນເທິງໃນການພົວພັນກັບສາກົນ, ວຽກງານແກ້ໄຂຊີວິດການເປັນຢູ່ ດ້ວຍການປູກຝັງ-ລ້ຽງສັດ, ມີໜອງປາ 1 ໜອງ ແລະ ປ່ອຍປາລົງໜອງ 17.000 ກວ່າໂຕ, ລ້ຽງກົບ 16.000 ໂຕ, ເປັດ, ໄກ່ 75 ໂຕ, ລ້ຽງແບ້ 19 ໂຕ, ປູກຜັກລົ້ມລຸກຕາມລະດູການເຂົ້າເຮືອນຄົວລວມ ໄດ້ 97 ກິໂລ, ສາມາດສະໜອງເຂົ້າເຮືອນຄົວລວມ ເພື່ອປຸງແຕ່ງອາຫານຮັບປະກັນຄາບທ່ຽງໃນແຕ່ລະທຸກຄາບເຂົ້າ ຂອງກົມກອງ, ຄຸ້ມຄອງທາງການເງິນ, ລາຍຮັບ-ລາຍຈ່າຍຢ່າງຮັດກຸມ, ຊັດເຈນ ແລະ ປະຢັດ, ຮັບປະກັນພາຫະນະເຕັກນິກ, ອຸປະກອນຮັບໃຊ້ວຽກງານຕ່າງໆຂອງກົມກອງ,,ຂົນສົ່ງນໍ້າມັນເຊື້ອໄຟ ຮັກສາໄດ້ຄວາມປອດໄພ100%, ກອງປະຊຸມດັ່ງກ່າວ, ສະມາຊິກພັກໄດ້ຂື້ນປະກອບຄໍາຄິດຄໍາເຫັນໃສ່ບົດລາຍງານການເມືອງທັງສອງພາກຢ່າງກົງໄປກົງມາ, ພ້ອມທັງເຫັນດີເປັນເອກະພາບຕໍ່ທິດທາງແຜນການ ແລະ ມະຕິການນໍາຂອງຄະນະພັກຊຸດໃໝ່ໃນຕໍ່ໜ້າ, ຈາກນັ້ນກອງປະຊຸມ ໄດ້ປ່ອນບັດຄັດເລືອກເອົາຄະນະໜ່ວຍພັກບໍລິສັດລັດວິສາຫະກິດນໍ້າມັນເຊື້ອໄຟວຽງຈັນຊຸດໃໝ່, ເຊິ່ງເລືອກເອົາ 5 ສະຫາຍຄື: ພັນເອກ ບຸນທົງ ກອງເທດມະນີ ເປັນເລຂາໜ່ວຍພັກ, ພັນໂທ ສີຫາ ພົມພັກດີ ເປັນຮອງເລຂາ, ພັນໂທ ອາລີ ສີວົງໄຊ, ທ່ານ ວົງແກ້ວ ນະວົງສາ ແລະ ພັນໂທ ສົມສະນິດ ສິນັນຍາ ເປັນກໍາມະການ. ໂອກາດນີ້, ສະຫາຍ ພົນຈັດຕະວາ ຈັນດີ ສຸລິວົງສັກ ປະທານກອງປະຊຸມ ກໍໄດ້ໃຫ້ກຽດໂອ້ລົມ, ເຊິ່ງສະຫາຍໄດ້ຊີ້ທິດເຍືອງ ແລະ ຮຽກຮ້ອງໃຫ້ຄະນະໜ່ວຍພັກຊຸດໃໝ່ ພ້ອມດ້ວຍສະມາຊິກພັກທຸກສາຍຂອງບໍລິສັດລັດວິສາຫະກິດນໍ້າມັນເຊື້ອໄຟວຽງຈັນ, ຈົ່ງເອົາໃຈໃສ່ສືບຕໍ່ເຮັດວຽກງານສຶກສາອົບຮົມການເມືອງນໍາແນວຄິດໃຫ້ສະມາຊິກພັກ-ພະນັກງານເປັນວຽກງານແຖວໜ້າ ແລະ ສອດຫ້ອຍເຂົ້າກັບທຸກຂົງເຂດວຽກງານຕ່າງໆຂອງກົມກອງ, ປະຕິບັດ 5 ຫຼັກການ 3 ທິດນໍາຂອງພັກວາງອອກຢ່າງເຂັ້ມງວດ, ມີຄວາມບໍລິສຸດສັດຊື່ຕໍ່ການຈັດຕັ້ງພັກ, ເຄົາລົບສິດເປັນເຈົ້າຂອງປະຊາຊົນ, ມີແບບແຜນການດໍາລົງຊີວິດທີ່ປອດໃສຂາວສະອາດ, ດຸໝັ່ນຮໍ່າຮຽນສະແຫວງຫາຄວາມກ້າວໜ້າໃສ່ຕົນເອງ, ກ້າຮັບ ແລະ ກ້າຕັດສິນໃຈຕໍ່ວຽກງານ, ເປັນແບບຢ່າງນໍາໜ້າໃນທຸກຂົງເຂດວຽກງານຂອງກົມກອງ, ປະຕິບັດກົດລະບຽບຂອງພັກ, ກົດໝາຍຂອງລັດ ຂອງກອງທັບ ຢ່າງເຂັ້ມງວດ, ບໍ່ໃຊ້ສິດອຳນາດ ແລະ ສວຍໃຊ້ໜ້າທີ່ຕຳແໜ່ງ ເພື່ອຫາຜົນປະໂຫຍດສ່ວນຕົວ, ເຮັດວຽກເປັນໜູ່ຄະນະ, ແບ່ງວຽກງານໃຫ້ບຸກຄົນຮັບຜິດຊອບລະອຽດຈະແຈ້ງ, ບົນພື້ນຖານປະຕິບັດຫຼັກການລວມສູນປະຊາທິປະໄຕຂອງພັກ, ຕ້ານທຸກໄດ້ປະກົດການຫຍໍ້ທໍ້ຕ່າງໆ ທີ່ຈະເກີດຂື້ນພາຍໃນພັກ, ຮັກສາ ແລະ ເສີມຂະຫຍາຍນໍ້າໃຈເປັນເຈົ້າຕົນເອງ, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຈຳກັດແນວຄິດທີ່ຂັດກັບແນວທາງນະໂຍບາຍຂອງພັກ-ລັດ, ປັບປຸງແບບແຜນການນໍາພາຂອງໜ່ວຍພັກ, ສະມາຊິກພັກ, ປະຕິບັດລະບອບດໍາເນີນຊີວິດການເມືອງພາຍໃນພັກຢ່າງເປັນປົກກະຕິ ແລະ ເສຍເງິນບໍາລຸງສະຕິພັກໃຫ້ຖືກຕ້ອງຕາມຂໍ້ກໍານົດ, ກົດລະບຽບຂອງພັກບໍ່ໃຫ້ຂາດ, ເຄື່ອນໄຫວຕາມພາລະບົດບາດຂອງພັກ, ມີການສະຫຼຸບຖອດຖອນບົດຮຽນ, ສ່ອງແສງລາຍງານໃຫ້ຄະນະພັກຂັ້ນເທິງຂອງຕົນຢ່າງເປັນປະຈໍາ, ສືບຕໍ່ພົວພັນກັບປະເທດໃກ້ຄຽງ ເພື່ອຈັດຊື້ນໍ້າມັນມາສະໜອງຂາຍຮັບໃຊ້ສັງຄົມ ແລະ ປະຕິບັດຕາມລະບຽບຫຼັກການຂອງລັດທີ່ໄດ້ກຳນົດໄວ້. ໂດຍ: ຄໍາປະສົງ ລາດຊະວົງ.

news to day and hot news