ວັນພຸດ, ວັນທີ 11 ກັນຍາ 2024
ຫ້ອງການ ຖວທ ເມືອງຜາອຸດົມ ມອບອຸປະກອນ ໂທລະໂຄ່ງໃຫ້ກອງພັນໃຫຍ່ 302
ເວລາອອກຂ່າວ: 2023-09-28 14:29:46 | ຜູ້ຂຽນ : admin1 | ຈຳນວນຄົນເຂົ້າຊົມ: 135 | ຄວາມນິຍົມ: 
ໃນວັນທີ 22 ກັນຍາ 2023 ນີ້, ຫ້ອງການຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງຜາອຸດົມ ໄດ້ນຳ ເອົາອຸປະກອນໂທລະໂຄ່ງຈຳ ນວນ 2 ໜ່ວຍ, ສາຍໄຟ 1 ກໍ້ ຍາວ 200 ແມັດ ລວມມູນຄ່າ 2.000.000 ກວ່າກີບ ມາມອບໃຫ້ກອງພັນໃຫຍ່ 302 ກອງພົນທີ 3, ໂດຍການກ່າວມອບຂອງ ສະຫາຍ ແສງອາລຸນ ສຸພາພອນ ຫົວໜ້າຫ້ອງການ ຖວທ ເມືອງຜາອຸດົມ,
ກ່າວຮັບໂດຍ ສະ ຫາຍ ພັນໂທ ຄຳພູ ພັນທະມາດ ກໍາມະການຄະນະພັກ
ກອງພັນໃຫຍ່, ຫົວໜ້າພະແນກການເມືອງ ກອງພັນໃຫຍ່ 302 ພ້ອມດ້ວຍຄະນະ, ມີທີມງານເມືອງຜາອຸດົມ, ຂະແໜງການທີ່ກ່ຽວຂ້ອງ ແລະ ພະນັກງານວິຊາການ ເຂົ້າຮ່ວມ.
ໂອກາດດັ່ງກ່າວ, ສະຫາຍ ພັນໂທ ຄຳພູ ພັນທະມາດ ໄດ້ສະແດງຄວາມຂອບໃຈມາຍັງ ສະຫາຍ ແສງອາລຸນ ສຸພາພອນ ພ້ອມດ້ວຍທີມງານທີ່ໄດ້ນຳເອົາອຸປະກອນໂທລະໂຄ່ງມາມອບໃຫ້ກອງພັນໃຫຍ່ 302 ໃນຄັ້ງນີ້, ພ້ອມທັງໃຫ້ຄຳໝັ້ນສັນຍາວ່າຈະປົກປັກຮັກສາ ແລະ ນຳໃຊ້ເຄື່ອງດັ່ງກ່າວເຂົ້າ ໃນການຮັບໃຊ້ໜ້າທີ່ວຽກງານລວມຂອງກົມກອງຢ່າງມີປະ ໂຫຍດ ແລະ ນຳໃຊ້ໄດ້ຍາວນານ.
ທັງນີ້ ເພື່ອຮັດແໜ້ນຄວາມສາມັກຄີລະຫວ່າງກອງທັບປະຊາຊົນລາວ ກັບຫ້ອງການອ້ອມ ຂ້າງເມືອງ ເວົ້າລວມ, ເວົ້າສະເພາະ ກໍຄືກອງພັນໃຫຍ່ 302
ກັບ ຫ້ອງການຖວທ ເມືອງຜາອຸດົມໃຫ້ນັບມື້ແໜ້ນແຟ້ນຂຶ້ນກວ່າເກົ່າ ທັງເປັນການຊຸກຍູ້ຂະບວນການແນວຄິດຂອງພະນັກງານ-ນັກຮົບພາຍໃນກົມກອງໃຫ້ມີ
ບັນຍາກາດຟົດຟື້ນ ໄດ້ຮັບ ຟັງບັນດາຂໍ້ມູນຂ່າວສານການ ເຄື່ອນໄຫວຂອງກົມກອງ ແລະ ບັນດາແຈ້ງການຕ່າງໆ ໄດ້ຢ່າງທົ່ວເຖິງ ແລະ ສະດວກດີຂຶ້ນກວ່າເກົ່າ.
ໂດຍ: ພອນແກ້ວ ວິໄລສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
