POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ຕຸລາ 2024

ແຂ່ງຂັນກິລາເຕະບານມິດຕະພາບ
ເວລາອອກຂ່າວ: 2023-09-28 14:42:08 | ຜູ້ຂຽນ : admin1 | ຈຳນວນຄົນເຂົ້າຊົມ: 163 | ຄວາມນິຍົມ:

ວັນທີ 26 ກັນຍາ 2023 ນີ້, ອົງການໄອຍະການທະຫານຂັ້ນສູງ ໄດ້ເປີດຂະບວນການກິລາ ເຕະບານມິດຕະພາບຮ່ວມກັບສະຖາບັນວິທະຍາສາດ ເສດ ຖະກິດ ແລະ ສັງຄົມ ແຫ່ງຊາດ ເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນສ້າງຕັ້ງອົງການໄອຍະການທະຫານຂັ້ນສູງ ຄົບຮອບ 30 ປີ, ໂດຍມີ ສະຫາຍ ພົນຈັດຕະວາ ສີໄຫວ ໄມພອນ ຮອງຫົວໜ້າອົງການໄອຍະການປະຊາຊົນສູງສຸດ, ຫົວໜ້າອົງການໄອຍະການທະຫານຂັ້ນສູງ ແລະ ສະຫາຍ ກິແກ້ວ ຈັນທະບູລີ ຮອງປະທານສະຖາບັນວິທະຍາສາດ, ເສດຖະກິດ ແລະ ສັງຄົມ ແຫ່ງຊາດ, ມີຄະນະນຳອົງການໄອຍະການທະຫານຂັ້ນສູງ, ຄະນະນຳສະຖາບັນວິທະຍາສາດ ເສດຖະກິດ ແລະ ສັງຄົມ ແຫ່ງຊາດ ພ້ອມດ້ວຍພະນັກງານຫຼັກແຫຼ່ງ ແລະ ນັກກິລາທັງສອງພາກສ່ວນ ເຂົ້າຮ່ວມ. ສະຫາຍ ພົນຈັດຕະວາ ສີໄຫວ ໄມພອນ ໄດ້ກ່າວວ່າ: ການເປີດຂະ ບວນການແຂ່ງຂັນກິລາເຕະບານມິດຕະພາບຮ່ວມກັບສະຖາບັນວິທະຍາສາດ ເສດຖະກິດ ແລະ ສັງຄົມ ແຫ່ງຊາດ ໃນຄັ້ງນີ້, ເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງຊາດ, ຂອງພັກ ເວົ້າລວມ, ເວົ້າສະເພາະ ຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ວັນສ້າງຕັ້ງອົງການໄອຍະການທະຫານ ຄົບຮອບ 30 ປີ ທີ່ຈະມາເຖິງນີ້ ໃຫ້ມີບັນຍາກາດຟົດຟື້ນແຂງແຮງ ແລະ ຕໍ່ເນື່ອງ ທັງເປັນການເຝິກຝົນກຳລັງແຮງກາຍຂອງພະນັກງານ-ນັກຮົບ ໃຫ້ມີສຸຂະພາບແຂງແຮງ ເພື່ອພ້ອມກັນເຮັດ ສຳເລັດໜ້າທີ່ທີ່ການຈັດຕັ້ງຂັ້ນເທິງມອບໝາຍໃຫ້ ນອກນີ້, ຍັງເປັນການຮັດແໜ້ນຄວາມສາມັກຄີລະຫວ່າງ ອົງການໄອຍະການທະຫານຂັ້ນສູງກັບສະຖາບັນວິທະຍາສາດ ເສດຖະກິດ ແລະ ສັງຄົມ ແຫ່ງຊາດ ໃຫ້ນັບມື້ແໜ້ນແຟ້ນຍິ່ງໆ ຂຶ້ນ ພ້ອມນີ້, ສະຫາຍຍັງຮຽກຮ້ອງມາຍັງຄະນະຊີ້ນຳ ແລະ ຄະນະຮັບຜິດຊອບຈັດການແຂ່ງຂັນກິລາໃນຄັ້ງນີ້ເອົາໃຈໃສ່ຕິດຕາມການເຄື່ອນໄຫວແຂ່ງຂັນກິລາ ໃຫ້ໄດ້ຮັບຜົນດີ ຮັບປະກັນໃຫ້ມີຄວາມປອດໄພ 100% ແລະ ສ້າງໄດ້ຄວາມສາມັກຄີຮັກແພງເຊິ່ງກັນ ແລະ ກັນ. ໂອກາດນີ້, ສະຫາຍ ກິແກ້ວ ຈັນທະບູລີ ໄດ້ມີເຫັນ ແລະ ກ່າວມອບເຄື່ອງກິລາໃຫ້ອົງການໄອຍະການທະຫານຂັ້ນສູງ ເພື່ອປະກອບສ່ວນຊຸກຍູ້ໃຫ້ຂະບວນການແຂ່ງຂັນກິລາໃນຄັ້ງນີ້ ໃຫ້ມີຄວາມເປັນເອກະພາບ, ຈົບງາມ ແລະ ເປັນລະບຽບຮຽບຮ້ອຍດີ.

news to day and hot news