ວັນຈັນ, ວັນທີ 14 ຕຸລາ 2024
ໜ່ວຍຊາວໜຸ່ມ ກອງບັນຊາການທະຫານເມືອງບຸນເໜືອ ສຳເລັດກອງປະຊຸມໃຫຍ່ ຄັ້ງທີ X
ເວລາອອກຂ່າວ: 2023-09-28 14:44:52 | ຜູ້ຂຽນ : admin1 | ຈຳນວນຄົນເຂົ້າຊົມ: 183 | ຄວາມນິຍົມ: 
ສະຫາຍ ຮ້ອຍໂທ ຄຳແສງ ດວງພະສຸກ ເລຂາໜ່ວຍຊາວໜຸ່ມ ກອງບັນຊາການທະຫານເມືອງບຸນເໜືອ ແຂວງຜົ້ງສາລີ ໃຫ້ຮູ້ວ່າ: ໜ່ວຍຊາວໜຸ່ມກອງບັນຊາການທະຫານເມືອງບຸນເໜືອ ເປັນໜ່ວຍຊາວໜຸ່ມຮາກຖານກຳລັງປະກອບອາວຸດທ້ອງຖິ່ນ ມີພາລະບົດບາດເປັນເສນາທິການ ໃຫ້ແກ່ຄະນະພັກ-ຄະນະ
ບັນຊາ ກອງບັນຊາການທະຫານເມືອງ ເຮັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອຕອບຕ້ານທຸກກົນອຸບາຍຂອງພວກກຸ່ມຄົນບໍ່ຫວັງດີ ທີ່ຫວັງມ້າງເພທຳລາຍແນວທາງອັນຖືກຕ້ອງຂອງພັກ-ລັດ, ຄະນະໜ່ວຍຊາວໜຸ່ມໄດ້ຢຶດໝັ້ນທັດສະນະຂອງພັກ ໄດ້ເອົາໃຈໃສ່ວຽກງານສຶກສາອົບຮົມການ ເມືອງ-ແນວຄິດເປັນກົກ ນຳເອົາແນວທາງແຜນນະໂຍບາຍຂອງພັກ, ກົດໝາຍຂອງລັດ, ຂໍ້ກຳນົດ, ກົດລະບຽບຂອງກອງທັບ ໂດຍສະເພາະກົດລະບຽບຂອງສູນກາງຊາວໜຸ່ມປະຊາຊົນປະຕິວັດລາວວາງອອກ, ມະຕິ, ຄຳສັ່ງ ຂອງຂັ້ນເທິງມາສຶກສາອົບຮົມໃຫ້ແກ່ສະມາຊິກຊາວໜຸ່ມພາຍໃນໜ່ວຍໄດ້ຮັບຮູ້ ແລະ ເຂົ້າໃຈ, ເຝິກຝົນຫຼໍ່ຫຼອມທາງດ້ານຄຸນສົມບັດສິນທຳປະຕິວັດ, ຮ່ຳຮຽນມູນເຊື້ອຂອງພັກ, ຂອງຊາດ ເຮັດໃຫ້ຊາວໜຸ່ມມີແນວຄິດຮັກເຊື້ອແພງຊາດ, ຮັກລະບອບໃໝ່, ມີວິໄສທັດເບິ່ງກວ້າງມອງໄກ, ມີແບບແຜນວິທີເຮັດວຽກ, ຊີ້ນຳສະມາຊິກດຳເນີນຊີວິດການເມືອງ ແລະ ເສຍເງິນສະຕິເປັນປົກກະຕິ. ປັດຈຸບັນໜ່ວຍ ຊາວໜຸ່ມມີຄະນະໜ່ວຍ 3 ສະ ຫາຍ, ຍິງ 1 ສະຫາຍ, ສະມາຊິກ ຊາວໜຸ່ມທັງໝົດ 37 ສະຫາຍ, ຍິງ 9 ສະຫາຍ, ລະດັບການສຶກສາ ປະລິນຍາຕີ 4 ສະຫາຍ, ຊັ້ນສູງ 13 ສະຫາຍ, ຍິງ 6 ສະ ຫາຍ, ຊັ້ນກາງ 11 ສະຫາຍ, ຍິງ 1 ສະຫາຍ, ຊັ້ນຕົ້ນ 6 ສະ ຫາຍ, ຍິງ 1 ສະຫາຍ ບໍ່ມີຊັ້ນ 2 ສະຫາຍ, ລະດັບທິດສະດີ ຊັ້ນກາງ 1 ສະຫາຍ, ມີສະມາຊິກພັກ 23 ສະຫາຍ, ຍິງ 6 ສະຫາຍ ທຽບໃສ່ໄລຍະຜ່ານມາເພີ່ມຂຶ້ນ 9 ສະຫາຍ ແລະ ເປັນສະມາຊິກສະຫະພັນແມ່ຍິງ 9 ສະຫາຍ; ຜ່ານການເຄື່ອນໄຫວ ແລະ ປັບປຸງກໍ່ສ້າງເຮັດໃຫ້ການຈັດຕັ້ງໜ່ວຍຊາວໜຸ່ມມີຄວາມໜັກແໜ້ນທາງດ້ານການເມືອງ ໂດຍສະເພາະແມ່ນກໍ່ສ້າງສະມາຊິກຊາວໜຸ່ມຜູ້ທີ່ດີ ເດັ່ນ, ມີຄວາມກ້າວໜ້າ ສະເໜີ ຂັ້ນເທິງຂະຫຍາຍເຂົ້າອົງການ ຈັດຕັ້ງພັກຈຳນວນ 13 ສະຫາຍ, ຍິງ 3 ສະຫາຍ ແລະ ໄດ້ຮັບການຍ້ອງຍໍເລື່ອນຊັ້ນຂັ້ນຕ່າງໆຈຳນວນ 27 ສະຫາຍ, ຍິງ 3 ສະຫາຍ ຄຽງຄູ່ຂະບວນການແຂ່ງ ຂັນເນື້ອໃນຂໍ້ແຂ່ງຂັນ 4 ບຸກ ສະມາຊິກຊາວໜຸ່ມໄດ້ຮັບໃບຍ້ອງ ຍໍຈາກຂັ້ນຕ່າງໆ ຈຳນວນ 97 ໃບ ແລະ ໄດ້ຮັບໃບຢັ້ງຢືນ 4 ບຸກທຸກປີ. ວຽກງານຫາລາຍໄດ້ໃນໄລຍະຜ່ານມາ ສຸມໃສ່ການປູກຝັງ-ລ້ຽງສັດ ແລະ ບໍລິການຕ່າງໆ ຕາມເງື່ອນໄຂທ່າແຮງບົ່ມຊ້ອນຂອງຕົນ ໃນນີ້, ມີເງິນກອງທຶນຂອງຊາວໜຸ່ມ 19.342.000 ກີບ ແລະ ປ່ອຍກູ້ໃຫ້ສະມາຊິກໄດ້ກູ້ຢືມເຂົ້າໃນການພັດທະນາຕົນເອງ ແລະ ຄອບຄົວ ດ້ວຍອັດຕາດອກເບ້ຍຕ່ຳ.
ພ້ອມນັ້ນ, ກອງປະຊຸມໄດ້ຜ່ານມາດຖານເງື່ອນໄຂຂອງຜູ້ຮັບສະໝັກເລືອກຕັ້ງເຂົ້າໃນຄະນະໜ່ວຍຊຸດໃໝ່ ໃນນີ້, ມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ ໃນກອງປະຊຸມໄດ້ເປັນເອກະສັນເລືອກເອົາ ສະຫາຍ ຮ້ອຍໂທ ຄຳແສງ ດວງພະຈັນ ເປັນເລຂາໜ່ວຍ, ສະຫາຍ ຮ້ອຍເອກ ນາງ ດວງມະນີ ລາວລີນ ເປັນຮອງ ແລະ ສະຫາຍ ຮ້ອຍໂທ ຄຳຫຼ້າ ປີ່ນພະຍາ ເປັນກຳມະການ.
ໃນໂອກາດທີ່ ສະຫາຍ ສົມເລີດ ໄຊກອງ ກໍາມະການຄະນະບໍລິຫານງານຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມເມືອງບຸນເໜືອ ແຂວງຜົ້ງສາລີ ເປັນປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຄະນະຊາວໜຸ່ມຊຸດເກົ່າສ້າງໄດ້ໃນໄລຍະຜ່ານມາ ແລະ ເນັ້ນໜັກໃຫ້ຄະນະໜ່ວຍຊາວໜຸ່ມຊຸດໃໝ່ ສືບຕໍ່ສຶກສາອົບຮົມການເມືອງ-ນຳພາແນວໃຫ້ສະມາຊິກຊາວໜຸ່ມມີຄວາມໜັກແໜ້ນ ເຂັ້ມແຂງ ທາງດ້ານການເມືອງ, ມີຄວາມຈົງຮັກພັກ ດ ີຕໍ່ພັກ, ຕໍ່ປະເທດຊາດ, ສືບຕໍ່ເຕົ້າ ໂຮມຄວາມສາມັກຄີພາຍໃນ ໜ່ວຍ, ແບ່ງໜ້າທີ່ວຽກງານໃຫ້ ລະອຽດຈະແຈ້ງ, ນຳເອົາເນື້ອຂໍ້ແຂ່ງຂັນ 4 ບຸກ ຂອງສູນກາງຊາວໜຸ່ມປະຊາຊົນປະຕິວັດລາວວາງອອກ ແລະ ເນື້ອໃນກອງປະຊຸມຄັ້ງນີ້ ໄປຈັດຕັ້ງປະຕິບັດໃຫ້ປະກົດຜົນເປັນຈິງ.
ໂດຍ: ບົວສະຫວັນ ສີຫາປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
