ກອງທັບປະຊາຊົນລາວ
 
ວັນພະຫັດ, ວັນທີ 23 ພຶດສະພາ 2024

  

ເຜີຍແຜ່ເຊື່ອມຊຶມຄຳສັ່ງ ນາຍົກລັດຖະມົນຕີ ແລະ ມະຕິຕົກລົງ ກອງປະຊຸມລັດຖະບານ ປະຈໍາເດືອນສິງຫາ
ເວລາອອກຂ່າວ: 2023-10-12 15:05:22 | ຜູ້ຂຽນ : admin2 | ຈຳນວນຄົນເຂົ້າຊົມ: 660 | ຄວາມນິຍົມ:



ກອງປະຊຸມ ເຜີຍແຜ່ເຊື່ອມຊຶມ ຄຳສັ່ງນາຍົກລັດຖະມົນຕີ ແລະ ມະຕິຕົກລົງ ກອງປະຊຸມລັດຖະບານປະຈຳເດືອນສິງຫາ 2023 ໄດ້ຈັດຂຶ້ນໃນວັນທີ 12 ຕຸລາ 2023 ນີ້, ໂດຍການເປັນປະທານຂອງສະຫາຍ ພົນຕີ ວໍລະສານ ວິລັດດາວົງ ກໍາມະການຄະນະປະຈໍາພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາບັນດາກົມ, ຫ້ອງການ, ກອງ ແລະ ພະນັກງານ-ນັກຮົບ ທົ່ວກົມໃຫຍ່ການເມືອງກອງທັບ ເຂົ້າຮ່ວມ. ການຈັດຕັ້ງເຜີຍແຜ່ເຊື່ອມຊຶມ ຄຳສັ່ງນາຍົກລັດຖະມົນຕີ ວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ແລະ ມະຕິຕົກລົງ ກອງປະຊຸມລັດຖະບານປະຈຳເດືອນສິງຫາ 2023 ໃນຄັ້ງນີ້ ກໍເພື່ອສຶກສາອົບຮົມການເມືອງແນວຄິດ ໃຫ້ພະນັກງານ-ນັກຮົບ ພ້ອມກັນອົດທົນຜ່ານຜ່າຄວາມຫຍຸ້ງຍາກ ດ້ານເສດຖະກິດ-ການເງິນ ດ້ວຍການສຸມໃສ່ປຸກລະດົມທົ່ວສັງຄົມ ເຂົ້າຮ່ວມຂະບວນການແກ້ໄຂບັນຫາທີ່ເຄັ່ງຮ້ອນທາງດ້ານເສດຖະກິດ-ການເງິນ, ຖືວຽກງານດັ່ງກ່າວ ເປັນສະໜາມຮົບອັນດັບໜຶ່ງ ທີ່ຈະຕ້ອງໄດ້ຮ່ວມແຮງຮ່ວມໃຈກັນຈັດຕັ້ງປະຕິບັດໃຫ້ເປັນຈິງ ແລະ ມີການຫັນປ່ຽນຢ່າງຈະແຈ້ງ, ພ້ອມດຽວກັນ ກໍຍູ້ແຮງການພັດທະນາຊົນນະບົດ, ແກ້ໄຂຄວາມທຸກຍາກ ແລະ ຍົກລະດັບຄຸນນະພາບຊີວິດການເປັນຢູ່ຂອງປະຊາຊົນໃຫ້ມີປະສິດທິຜົນ, ເຮັດໃຫ້ປະຊາຊົນຕື່ນຕົວປະກອບສ່ວນ ເຂົ້າຮ່ວມແກ້ໄຂບັນຫາຫຍໍ້ທໍ້ຕ່າງໆ ຢູ່ຮາກຖານໃຫ້ໄດ້ດີ ເປັນຕົ້ນແມ່ນ ໃຫ້ການຮ່ວມມື, ອໍານວຍຄວາມສະດວກ, ສະໜອງຂໍ້ມູນ ແລະ ຮ່ວມປຶກສາຫາລືກັບຄະນະສະເພາະກິດກ່ຽວກັບການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ໃຫ້ມີຜົນສໍາເລັດຢ່າງມີປະສິດທິພາບ, ພ້ອມກັນຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ທີ່ກຽ່ວຂ້ອງກັບຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ, ໜີ້ສິນຕ່າງປະເທດ ແລະ ແກ້ໄຂຄວາມຫຍຸ້ງຍາກຝືດເຄືອງໃນການດໍາລົງຊີວິດ, ການເຄື່ອນໄຫວດຳເນີນການຜະລິດ, ທຸລະກິດ ແລະ ການບໍລິການຕ່າງໆ ເຊິ່ງສົ່ງຜົນກະທົບຕໍ່ສະຖຽນລະພາບທາງດ້ານການເມືອງ, ການພັດທະນາເສດຖະກິດ-ສັງຄົມ, ສິ່ງແວດລ້ອມ, ຄວາມເປັນລະບຽບຮຽບຮ້ອຍ, ຄວາມສະຫງົບປອດໄພໃນສັງຄົມ ແລະ ພ້ອມກັນນໍາເອົາມະຕິຕົກລົງ ກອງປະຊຸມລັດຖະບານ ສະໄໝສາມັນ ປະຈໍາເດືອນ ສິງຫາ 2023 ໄປຈັດຕັ້ງຜັນຂະຫຍາຍໃຫ້ຖືກຕ້ອງ, ສອດຄ່ອງກັບສະພາບເງື່ອນໄຂຕົວຈິງຂອງແຕ່ລະໜ້າວຽກໃຫ້ໄດ້ຮັບຜົນດີ. ໂອກາດນີ້, ສະຫາຍ ພົນຕີ ວໍລະສານ ວິລັດດາວົງ ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ ແລະ ພະນັກງານ-ນັກຮົບແຕ່ລະສະຫາຍ, ຈົ່ງພ້ອມກັນຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ ເພື່ອເຮັດສຳເລັດໜ້າທີ່ຕາມການຈັດຕັ້ງມອບໝາຍໃຫ້, ເອົາໃຈໃສ່ຢ່າງຕັ້ງໜ້າໃນການຈັດຕັ້ງປະຕິບັດນະໂຍບາຍປະຢັດ ແລະ ຕ້ານການຟູມເຟືອຍ ໂດຍການຫຼຸດລາຍຈ່າຍ ທີ່ບໍ່ຈຳເປັນຂອງພາກລັດ ແລະ ຄົວເຮືອນ ເພື່ອບໍ່ໃຫ້ລະດັບເງິນເຟີ້ເພີ່ມຂຶ້ນ, ພ້ອມທັງ ໂຄສະນາເຜີຍແຜ່ໃຫ້ສັງຄົມມີຄວາມຮັບຮູ້, ເຂົ້າໃຈຢ່າງຖືກຕ້ອງ ແລະ ຈັດຕັ້ງປະຕິບັດຢ່າງເຂັ້ມງວດ. ໂດຍ: ເພັດ ສົມນໍວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ