ກອງທັບປະຊາຊົນລາວ
 
ວັນພະຫັດ, ວັນທີ 23 ພຶດສະພາ 2024

  

ຮອງຫົວໜ້າກົມໃຫຍ່ເສນາທິການກອງທັບ ໂອ້ລົມພະນັກງານຫຼັກແຫຼ່ງ ກອງພັນໃຫຍ່ 941
ເວລາອອກຂ່າວ: 2023-10-13 10:49:24 | ຜູ້ຂຽນ : admin2 | ຈຳນວນຄົນເຂົ້າຊົມ: 336 | ຄວາມນິຍົມ:



ໃນວັນທີ 12 ເດືອນ ຕຸລາ 2023 ທີ່ຜ່ານມານີ້, ສະຫາຍພົນຕີ ພັນແສງ ບຸນພັນ ກໍາມະການປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບພ້ອມຄະນະ ໄດ້ເຄື່ອນໄຫວພົບປະໂອ້ລົມພະນັກງານຫຼັກແຫຼ່ງຢູ່ກອງພັນໃຫຍ່ 941 ໂດຍການຕ້ອນຮັບຂອງສະຫາຍ ພັນເອກ ພູໂຂງ ມະໂນລາ ເລຂາຄະນະພັກ ຫົວໜ້າການເມືອງກອງພັນໃຫຍ່ 941 ພ້ອມດ້ວຍຄະນະພັກ-ຄະນະບັນຊາ, ມີຄະນະກອງພັນນ້ອຍຂື້ນກັບຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ. ສະຫາຍ ພົນຕີ ພັນແສງ ບຸນພັນ ກໍາມະການປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ແລະ ຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນຕ້ອງເອົາໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານສະມາຊິກພັກ-ນັກຮົບເປັນປົກກະຕິ, ກຳແໜ້ນແນວທາງນະໂບຍາຍຂອງພັກ, ກົດໜາຍຂອງລັດ, ກຳແໜ້ນນິຕິກຳຂອງຄະນະພັກຂັ້ນເທິງມາຈັດຕັ້ງປະຕິບັດເຊື່ອມຊືມໃຫ້ພະນັກງານ-ນັກຮົບເຂົ້າໃຈຢ່າງຈະແຈ້ງຕໍ່ແນວທາງການປ່ຽນໄໝ່ຂອງພັກ ປະຕິບັດກົດໜາຍຂອງລັດ, ຂໍ້ກຳນົດກົດລະບຽບຂອງກອງທັບວາງອອກຢ່າງເຂັ້ມງວດ, ມີນໍ້າໃຈຮັກຊາດຮັກມູນເຊື້ອການປະຕິວັດຢ່າງແທ້ຈິງ, ສຸ່ມໃສ່ຈັດຕັ້ງປະຕິບັດຕາມຄຳສັ່ງແນະນຳກະຊວງປ້ອງກັນປະເທດກຽ່ວກັບການຄັດເລືອກຜົນງານ 5 ປີ ເພື່ອຂໍ່ານັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ ທີ່ີຈະໜູນວຽນມາເຖິງໃນມໍ່ໆໃຫ້ມີບັນຍາກາດຟົດຟື້ນມ່ວນຊື່ນກ້ວາງຂວາງ, ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂື້ນ, ພ້ອມນັ້ນກໍ່ຕ້ອງໄດ້ເອົາໃຈໃສ່ປັບປຸງແບບແຜນວິທີເຮັດວຽກຂອງຄະນະພັກຄະນະບັນຊາແຕ່ລະຂັ້ນໃຫ້ສອດຄ່ອງກັບໜ້າທີ່ວຽກຕົວຈິງ ແລະ ມີຄວາມເປັນເອກະພາບໂດຍການຍົກສູງການລວມສູນປະຊາທິປະໄຕເຮັດວຽກເປັນໜູ່ຄະນະແບ່ງບຸກຄົນຮັບຜິດຊອບຢ່າງລະອຽດ, ເອົາໃຈໃສ່ກໍ່ສ້າງວຽກງານພັກ-ພະນັກງານໃຫ້ໜັກແໜ້ນເຂັ້ມແຂງຊຸກຍູ້ຂະບວນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຖືເອົາຄຸນນະພາບເປັນຫຼັກຕິດພັນກັບການສ້າງກອງ 3 ປອດ ປອດໃສ ປອດໄພ ປອດຄະດີ ແລະ ສ້າງກົມກອງວັດທະນະທຳ-ນັກຮົບວັດທະນະທຳພ້ອມທັງສ້າງພະນັກງານລຸ້ນສືບທອດປ່ຽນແທນ ແລະ ຕ້ອງໄດ້ສຸມໃສ່ວຽກງານການອົບຮົມ-ຫັດແອບປັບປຸງລະບຽບແບບແຜນຝືກຝົນກຳກັງແຮງກາຍໃຫ້ມີຄວາມຊໍານິຊຳນານທາງດ້ານການນຳໃຊ້ອາວຸດຍຸດໂທປະກອນ ແລະ ສິນລະປະຍຸດ-ຍຸດທະວິທີໃຫ້ຄ່ອງແຄ້ວວ່ອງໄວເພື່ອນຳພາກົມກອງກ້າວຂື້ນຢ່າງບໍຢຸດຢັ້ງ. ຂ່າວ: ໂດຍ ນາງທອງສີ ພາບ: ໂດຍ ຮອ້ຍເອກ ວິສອນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ