ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ກອງພັນ​ໃຫຍ່ 605 ເປີດ​ເຝິກອົບຮົມ​ວຽກ​ງານ​ ມາດຕະຖານວັດແທກ ຄຸນ​ນະ​ພາບ ໄລຍະ​ສັ້ນ
ເວລາອອກຂ່າວ: 2023-11-16 08:53:17 | ຜູ້ຂຽນ : admin1 | ຈຳນວນຄົນເຂົ້າຊົມ: 57 | ຄວາມນິຍົມ:



ໃນ​ວັນ​ທີ 13 ພະຈິກ 2023 ນີ້, ກົມ​ມາດຕະຖານກົມ ​ໃຫຍ່​ເຕັກນິກ​ກອງທັບ ໄດ້​ເປີດ​ ການ​ເຝິກອົບຮົມ​ວຽກ​ງານ​ມາດ ຕະຖານ ວັດແທກ ຄຸນ​ນະ​ພາບ ຢູ່​ກອງພັນ​ໃຫຍ່ 605, ໂດຍ​ການ​ເປັນ​ປະທານ​ຂອງ ສະຫາຍ ພັນ​ເອກ ຄຳ​ສົດ ລາດ​ສະ​ພົງ ຮອງ​ຫົວໜ້າ​ກົມ​ມາດຕະຖານ ​ກົມ​ໃຫຍ່​ເຕັກນິກ​ກອງທັບ, ມີ​ສະຫາຍ ພັນ​ໂທ ຈອມ​ພູ​ວຽງ ແສນ​ວິເສດ ຮອງ​ຫົວໜ້າ​ພະ​ແນກ​ເຕັກນິກ​ກອງພັນ​ໃຫຍ່ 605, ມີ​ຄະນະ​ພັກ-ຄະນະ​ບັນຊາ, ​ຜູ້ຕາງໜ້າ​ຂະແໜງການ ແລະ ພະນັກ ງານ-ນັກ​ຮົບ​ເຂົ້າ​ຮ່ວມ. ການ​ເປີດ​ເຝິກອົບຮົມ​ຄັ້ງ​ນີ້, ໄດ້​ປະຕິບັດ​ຕາມ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ອະນຸມັດ​ເປີດ​ເຝິກອົບຮົມ ໄລຍະ​ສັ້ນ​ວຽກ​ງານ​ມາດຕະ​ຖານ ວັດແທກ ຄຸນ​ນະ​ພາບ, ຄະນະ​ວິຊາ​ການ ກົມ​ມາດຕະຖານ​ກົມ​ໃຫຍ່​ເຕັກນິກ​ກອງທັບ ໄດ້​ຜັດ​ປ່ຽນ​ກັນ​ບັນລະຍາຍເອກະສານ​ນິຕິ​ກຳປະກອບ​ມີ 4 ເອກະສານ​ຄື: ​ຂໍ້​ກຳນົດ​ທີ່​ຕັ້ງ, ພາລະ​ບົດບາດ, ຂໍ້​ກຳນົດ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ວຽກ​ງານ​ມາດຕະຖານ, ວັດແທກ, ຄຸນ​ນະ​ພາບ, ຂໍ້​ຕົກລົງ ​ວ່າ​ດ້ວຍ​ການ ເຄື່ອນໄຫວ​ວຽກ​ງານ​ວັດແທກ ແລະ ບົດ​ແນະນຳ​ຂໍ້​ກຳ ນົດ​ວຽກ​ງານ​ເຕັກນິກ​ກອງທັບ​ປະຊາຊົນ​ລາວ. ຈາກ​ນັ້ນ, ໄດ້​ອະທິບາຍ​ພາກ​ທິດ​ສະ​ດີ ແລະ ປະ ຕິບັດ​ຕົວ​ຈິງ​ກ່ຽວ​ກັບ​ການ​ນຳ​ໃຊ້​ເຄື່ອງ​ກວດກາ​ເຕິກ​ນິກ ປືນ​ຮາບ​ໃຫ້​ນັກ​ເຝິກອົບຮົມ​ຕື່ມ​ອີ​​ກ. ໃນ​ພິທີ​ຍັງ​ໄດ້​ມອບ​ເຄື່ອງ​ກວດກາ​ວັດແທກຄຸນ​ນະ​ພາບ ສ້ອມແປງ​ອາວຸດ​ຍຸດ​ໂທ​ປະກອນ​ເຕັກນິກ ແລະ ເອກະສານ​ຈຳນວນ​ໜຶ່ງ​ໃຫ້​ພະ​ແນກ​ເຕັກນິກ ​ກອງພັນ​ໃຫຍ່ 605 ເພື່ອ​ນຳ​ໃຊ້​ໃນ​ການ​ກວດກາ​ມາດຕະຖານ ວັດແທກ ຄຸນ​ນະ​ພາບ​ຂອງ​ກົມ​ກອງ​ໃຫ້​ມີ​ຄວາມ​ສະດວກ​ວ່ອງໄວ, ທັນ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ວຽກ​ງານ​ທີ່​ພັກ-ລັດ​ມອບ​ໝາຍ​ໃຫ້. ໂດຍ: ໜູ​ແດງ ລາດ​ສະ​ແກ້ວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ