ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ມອບ-ຮັບ ຂົວອູ່ບ້ານນາຈອນ ເມືອງສົບເບົາ ແຂວງຫົວພັນ ແຫ່ງໃໝ່
ເວລາອອກຂ່າວ: 2023-11-16 15:30:03 | ຜູ້ຂຽນ : admin2 | ຈຳນວນຄົນເຂົ້າຊົມ: 2027 | ຄວາມນິຍົມ:



ພິທີ ມອບ-ຮັບ ຂົວອູ່ບ້ານນາຈອນ ເມືອງສົບເບົາ ແຂວງຫົວພັນ ໄດ້ຈັດຂື້ນໃນວັນທີ 13 ພະຈິກ 2023 ນີ້ ຢູ່ທີ່ຂົວອູ່ໃໝ່ແຫ່ງດັ່ງກ່າວ ໂດຍການເຂົ້າຮ່ວມ ພິທີຂອງ ສະຫາຍ ພົນຕີ ວົງຄຳ ພົມມະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ, ມີສະຫາຍ ໄຊຍະແສງ ຊົງຢົງຢາ ກຳມະການພັກແຂວງ ເລຂາພັກເມືອງເຈົ້າເມືອງ ເມືອງສົບເບົາ ມີບໍລິສັດ ລາວີນາໂກ 36 ແລະ ບໍລິສັດ ສະຕາໂທລະຄົມ ມີການນໍາແຂວງ, ການນຳເມືອງ ພ້ອມດ້ວຍອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມເປັນສັກຂີພິຍານ. ໃນພິທີ ສະຫາຍ ບຸນມີ ມາລາວົງ ຜູ້ຕາງໜ້າບໍລິສັດຮັບເໝົາກໍ່ສ້າງ ຂື້ນສະຫຼຸບຜ່ານການກໍ່ສ້າງຂົວອູ່ຂ້າມນໍ້າ ລະຫວ່າງ ບ້ານນາພາມ ໄປຫາບ້ານນາຈອນ ແຫ່ງໃໝ່ ເຊິ່ງໄດ້ເລີ່ມລົງມື້ກໍ່ສ້າງນັບແຕ່ວັນທີ 20 ເມສາ 2023 ມາເຖິງວັນທີ 20 ຕຸລາ 2023 ໄດ້ສຳເລັດຕາມແຜນການ ໂດຍແມ່ນທຶນຊ່ວຍເຫຼືອ ຈາກພັກ ແລະ ລັດຖະບານ ຜູ້ຮັບເໝົາກໍ່ສ້າງ ແມ່ນບໍລິສັດ ລາວີນາໂກ 36 ແລະ ຜູ້ໃຫ້ທຶນຊ່ວຍເຫຼືອໃນການກໍ່ສ້າງແມ່ນບໍລິສັດ ສະຕາໂທລະຄົມ ຈຳກັດ ລວມມູນຄ່າການກໍ່ສ້າງທັງໝົດ 6 ຕື້ກີບ ທັງນີ້ກໍ່ເພື່ອເປັນ ການແກ້ໄຂຄວາມຫຍຸ້ງຍາກ ໃນການເດີນທາງໄປມາ, ຂົນສົ່ງສິນຄ້າຜະລິດກະສິກໍາ ໃຫ້ແກ່ປະຊາຊົນ ໄດ້ເດີນແມ່ນແລ່ນສະດວກ, ໂດຍ: ນາງ ຄຳມະນີ ແສງມະນີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ