ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

​ສປ ຈີນ-​ສສ ຫວຽດນາມ ເຊັນ​ບົດ​ບັນທຶກ​ຊ່ວຍ​ຈຳ​ ກ່ຽວ​ກັບ​ການ​ແປ-ພິມ​ຈຳໜ່າຍ
ເວລາອອກຂ່າວ: 2023-12-22 08:58:48 | ຜູ້ຂຽນ : admin3 | ຈຳນວນຄົນເຂົ້າຊົມ: 198 | ຄວາມນິຍົມ:



ວິທະຍຸ​ສາກົນ​ແຫ່ງ ​ສປ ຈີນ, ລາຍ​ງານ​ເມື່ອ​ບໍ່​ດົນ​ມາ​ນີ້, ຄະນະ​ໂຄສະນາ​ອົບຮົມ​ສູນ​ກາງ​ພັກ​ກອມ​ມູ​ນິດ​ຈີນ ແລະ ຄະນະ​ໂຄສະນາ​ອົບຮົມ​ສູນ​ກາງ​ພັກ​ກອມ​ມູ​ນິດຫວຽດນາມ ໄດ້​ເຊັນ​ບົດ​ບັນທຶກ​ຊ່ວຍ​ຈຳ ກ່ຽວ​ກັບ ການ​ແປ ແລະ ພິມ​ຈຳໜ່າຍ​ຜົນງານ​ອະມະຕະ​ເຊິ່ງ​ກັນ ແລະ ກັນ. ໃນ​ໄລຍະ ທ່ານ ສີ ຈິ້ນ​ຜິງ, ເລຂາທິການ​ໃຫຍ່​ຄະນະ​ກຳມະ ການ​ສູນ​ກາງ​ພັກ​ກອມ​ມູ​ນິດ​ຈີນ, ປະທານປະເທດ​ຈີນ ຢ້ຽມຢາມ ຫວຽດນາມ ທາງ​ລັດ​ຖະ​ກິດ ແລະ ພົບ​ປະ​ກັບ ​ທ່ານ ຫງວ​​ຽນ ຟູ​ຈ້ອງ, ເລຂາທິການ​ໃຫຍ່ ຄະນະ​ບໍລິ ຫານ​ງານ​ສູນ​ກາງ​ພັກ​ກອມມູ​ ນິດຫວຽດນາມ. ຈາກ​ນັ້ນ ເລຂາ ທິການ​ໃຫຍ່ທັງ​ສອງ​ປະເທດໄດ້​ເຂົ້າ​ຮ່ວມ​ເປັນ​ສັກຂີ​ພິຍານ ໃນ​ພິທີ​ລົງ​ນາມ​ເອກະສານ​ການ​ຮ່ວມ​ມື​ສອງ​ຝ່າຍ, ລວມ​ທັງ “ບົດ ບັນທຶກ​ຊ່ວຍ​ຈຳ​ລະຫວ່າງຄະ ນະໂຄສະນາ​ອົບຮົມ​ສູນ​ກາງ​ພັກ​ກອມ​ມູ​ນິດ​ຈີນ ແລະ ຄະນະ​ໂຄສະນາ​ອົບຮົມ​ສູນ​ກາງ​ພັກ ກອມ​ມູ​ນິດຫວຽດນາມ ກ່ຽວ​ກັບ ການ​ແປ ແລະ ພິມ​ຈຳໜ່າຍ​ຜົນງານ​ອະມະຕະ​ເຊິ່ງ​ກັນ ແລະ​ກັນ”. ໃນ​ບົດ​ບັນທຶກ​ສະບັບ​ດັ່ງກ່າວ, ໃນ​ໄລຍະ 5 ປີ​ຕໍ່ໜ້າ, ​ສປ ຈີນ ແລະ ​ສສ ຫວຽດນາມ ຈະ​ຮ່ວມ​ກັນ​ແປ ແລະ ພິມ​ຈຳໜ່າຍ​ຜົນງານ​ອະມະຕະ 30 ເລື່ອງ​ຂອງ​ສອງ​ປະເທດ, ຊຸກຍູ້​ການ​ແລກປ່ຽນ ແລະ ຖອດ​ຖອນບົດຮຽນ​ດ້ານ​ອະລິຍະ​ທຳ​ເຊິ່ງ​ກັນ ແລະ ກັນ​ດ້ວຍ​ການ​ແປ​ຜົນງານ​ດີເດັ່ນ​ຫຼາຍ​ກວ່າ​ເກົ່າ, ປະກອບສ່ວນພະລັງ​ແຮງ​ດ້ານ​ວັດທະນະທຳເຂົ້າ​ໃນ​ການ​ສ້າງ​ປະຊາ​ຄົມ​ຮ່ວມ​ຊະ​ຕາ​ກຳ ຈີນ-ຫວຽດນາມ ທີ່​ມີ​ຄວາມ​ໝາຍຍຸດ​ທະ​ສາດ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ