POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ກອງທັບປະຊາຊົນຫວຽດນາມ ບົນເສັ້ນທາງຕໍ່ສູ້ ຢ່າງລະອິດລະອ້ຽວຂ້ຽວຂາດ ພິລະອາດຫານ 79 ປີ
ເວລາອອກຂ່າວ: 2023-12-25 09:03:52 | ຜູ້ຂຽນ : admin3 | ຈຳນວນຄົນເຂົ້າຊົມ: 1361 | ຄວາມນິຍົມ:

ໜັງສືພິມກອງທັບປະຊາຊົນຫວຽດນາມ ເປີດເຜີຍບົດຄວາມ ໃນໂອກາດວັນສ້າງຕັ້ງກອງ ທັບປະຊາຊົນຫວຽດນາມ ຄົບ ຮອບ 79 ປີ (22/12/1944-22/12/2023) ວ່າ: ກອງທັບປະຊາຊົນຫວຽດນາມ ແມ່ນກຳ ລັງຫຼັກແຫຼ່ງຂອງ ກຳລັງປະກອບອາວຸດປະຊາຊົນຫວຽດນາມ, ມາຈາກປະຊາຊົນ, ເພື່ອປະຊາຊົນ ແລະ ຮັບໃຊ້ປະຊາຊົນ, ກຽມພ້ອມສູ້ຮົບເສຍສະຫຼະເພື່ອເອກະລາດ ອິດສະຫຼະພາບຂອງຊາດ, ເພື່ອ ສັງຄົມນິຍົມ ແລະ ຄວາມສະ ຫງົບສຸກຂອງປະຊາຊົນ. ຕົ້ນກຳເນີດຂອງກອງທັບປະຊາຊົນຫວຽດນາມ ແມ່ນມາຈາກກອງໂຄສະນາປະກອບອາວຸດປົດປ່ອຍຫວຽດນາມ, ເຊິ່ງເປັນກອງກຳລັງທະຫານຫຼວງກອງທຳອິດໄດ້ຮັບການສ້າງຕັ້ງຂຶ້ນໃນວັນທີ 22/12/1944 ຕາມການຊີ້ນຳຂອງ ປະທານໂຮ່ຈິມິນ. ນັບແຕ່ມື້ສ້າງຕັ້ງທຳອິດ ມີກຳລັງພົນ ພຽງ 34 ຄົນເທົ່ານັ້ນ, ແຕ່ບັນດາພະນັກງານ-ນັກຮົບເຫຼົ່ານັ້ນ ໄດ້ເຊື່ອມຊຶມມູນເຊື້ອຕໍ່ສູ້ເດັດດ່ຽວ ຕໍ່ສູ້ຕ້ານການຮຸກຮານຈາກພາຍນອກ ກໍຄື ຍຸດທະວິທີສູ້ຮົບເອົາໜ້ອຍຕີຫຼາຍ, ເອົານ້ອຍຕີໃຫຍ່ຂອງບັນພະບູລຸດຂອງຕົນ,ນັບແຕ່ມື້ອອກຮົບຄັ້ງທຳອິດກອງກຳລັງນີ້ກໍ່ສ້າງໄດ້ວິລະກຳອັນໂດດເດັ່ນຕີຊະນະສັດຕູນັບແຕ່ບັ້ນຮົບທຳອິດ ແລະ ສາມາດປົດປ່ອຍເຂດແດນເປັນບໍລິເວນກວ້າງ ເພື່ອສ້າງເປັນເຂດທີ່ໝັ້ນການຕໍ່ສູ້ປົດປ່ອຍຊາດ, ຖັດມາໃນວັນທີ 15 ພຶດສະພາ 1945, ກອງໂຄສະນາປະກອບອາວຸດປົດປ່ອຍຫວຽດນາມ ໄດ້ໂຮມເຂົ້າກັບກອງກຳລັງກູ້ຊາດຫວຽດນາມ ແລະ ປ່ຽນຊື່ມາເປັນກອງທັບປົດປ່ອຍຫວຽດນາມ, ກາຍເປັນກອງກຳລັງທະຫານຫຼັກແຫຼ່ງຂອງແນວໂຮມຫວຽດມິນ ເພື່ອດຳເນີນການເຄື່ອນໄຫວການລຸກຮືຂຶ້ນ ຍາດອຳນາດໃນການປະຕິວັດ ເດືອນສິງຫາ ປີ 1945 ຫວຽດນາມ. ໄລຍະແຕ່ປີ 1945-1954, ເປັນໄລຍະທີ່ກອງທັບປະຊາຊົນຫວຽດນາມ ມີການເຕີບໃຫຍ່ຂະຫຍາຍຕົວຢ່າງກ້າວກະໂດດທາງດ້ານຈຳນວນ ແລະ ຄວາມສາມາດສູ້ຮົບ,ເປັນໄລຍະເວລາສັ້ນໆ ນັບແຕ່ປະເທດຫວຽດນາມຍາດໄດ້ເອກະລາດ ມາຮອດເດືອນ ພະຈິກ ປີ 1945 ກອງທັບປົດປ່ອຍຫວຽດນາມ, ເວລານັ້ນມີກຳລັງເພີ່ມຂຶ້ນກາຍເປັນກອງທັບແຫ່ງຊາດຫວຽດນາມ ມີຈຳນວນພົນປະມານ 50.000 ຄົນ. ປີ 1950 ກອງທັບແຫ່ງຊາດຫວຽດນາມໄດ້ປ່ຽນຊື່ມາເປັນກອງທັບປະຊາຊົນຫວຽດນາມ, ໃນໄລຍະນີ້ບັນດາກອງພົນຕ່າງໆໄດ້ຮັບການສ້າງຕັ້ງຂຶ້ນຢ່າງຕໍ່ເນື່ອງ ເຊັ່ນ: ກອງພົນ 308, ກອງພົນ 304, ກອງພົນ 312, ກອງພັນ 320, ກອງພົນ 316, ກອງພົນ 325, ກອງພົນ 351 ແລະ ອຶ່ນໆ, ເຊີ່ງມາເຖິງປັດຈຸບັນນີ້ບັນດາກົມກອງເຫຼົ່ານີ້ ກໍຍັງເປັນກຳປັ້ນເຫຼັກຕົ້ນຕໍຂອງກອງທັບປະຊາຊົນຫວຽດນາມ, ຈາກກອງກຳລັງທະຫານມີພຽງ ສອງສາມຮ້ອຍຄົນເວລາເຂົ້າຮ່ວມຂະບວນການລຸກຮືຂຶ້ນໃນປີ 1945 ນັ້ນ, ໄດ້ກາຍມາເປັນກອງທັບໜຶ່ງທີ່ເຕີບໃຫຍ່ ເຂັ້ມແຂງ ຈັດຕັ້ງມີຫຼາຍກອງພົນ ແລະ ເຂົ້າຮ່ວມສູ້ຮົບບຸກຕີສັດຕູຢ່າງເດັດດ່ຽວພິລາດອາດຫານທົນທານໜຽວແໜ້ນ, ສ້າງວິລະກຳອັນສະຫງ່າອົງອາດທີ່ສຸດ,ໂດດເດັ່ນທີ່ສຸດ ແມ່ນໄຊຊະນະບັ້ນຮົບດຽນບຽນຝູ ໃນວັນທີ 07 ພຶດສະພາ 1954, ອັນດັງກ້ອງໄປທົ່ວທຸກມູມໂລກ, ທຳລາຍກົນອຸບາຍຟື້ນຟູຍຸດທະສາດການປົກຄອງຫົວເມືອງຂຶ້ນຂອງພວກລ່າເມືອງຂຶ້ນຝຣັ່ງໃຫ້ປະລາໄຊລົງ, ພາຍຫຼັງສັນຍາເຊີແນວປີ 1954 ໄດ້ເຊັນກັນ, ປະເທດຫວຽດນາມ ໄດ້ຖືກຕັດແບ່ງຊົ່ວຄາວເປັນ 02 ພາກ (ເໜືອ-ໃຕ້) ປະຊາຊົນຫວຽດນາມຍັງສືບຕໍ່ ດຳເນີນ 02 ໜ້າທີ່ຍຸດທະສາດສຳຄັນຄື: ກໍ່ສ້າງສັງຄົມນິຍົມຢູ່ພາກເໜືອ ແລະ ຕໍ່ສູ້ເພື່ອເອກະພາບແຫ່ງຊາດ, ໜ້າທີ່ຂອງກອງທັບໄລຍະນີ້ແມ່ນກໍ່ສ້າງກອງທັບໃຫ້ເຂັ້ມແຂງປົກປັກຮັກສາສັງຄົມນິຍົມຢູ່ພາກເໜືອ ທັງເຂົ້າຮ່ວມການສູ້ຮົບປົດປ່ອຍພາກໃຕ້ ຫວຽດນາມ ເພື່ອທ້ອນໂຮມປະເທດຊາດເປັນເອກະພາບ. ວັນທີ 15 ກຸມພາ 1961 ກອງທັບປົດປ່ອຍພາກໃຕ້ຫວຽດນາມ, ເຊິ່ງເປັນກອງກຳລັງທະຫານຂອງແນວໂຮມປົດປ່ອຍພາກໃຕ້ຫວຽດນາມໄດ້ຮັບການສ້າງຕັ້ງຂຶ້ນບົນພື້ນຖານຈາກກຳລັງກັບທີ່ ແລະ ການສະໜັບສະໜູນຈາກພາກເໜືອຫວຽດນາມ. ຕໍ່ໜ້າການແຊກແຊງຂອງກອງທັບອາເມຣິກາ ກອງທັບປະຊາຊົນຫວຽດນາມ ໄດ້ຄຽງບ່າຄຽງໄຫຼ່ສູ້ຮົບກັບກຳລັງປະກອບອາວຸດ ແລະ ປະຊາຊົນພາກໃຕ້ດຳເນີນສົງຄາມທົ່ວປວງຊົນຮອບດ້ານ, ຍາວນານ ແລະ ທໍລະຫົດອົດທົນກັບສັດຕູຜູ້ຮຸກຮານ, ສ້າງໄດ້ວິລະກຳ ແລະ ໄຊຊະນະອັນສະຫງ່າອົງອາດ ແລະ ເລື່ອງລື, ເດັ່ນກວ່າໝູ່ແມ່ນບັ້ນບຸກໂຈມຕີຂະໜານໃຫຍ່ໃນລະດູບານໃໝ່ປີ 1968 ຕ້ານການໂຈມຕີທາງອາກາດຂອງທະຫານອາກາດ, ທະຫານເຮືອອາເມຣິກາ ເຂົ້າໃສ່ພາກເໜືອຫວຽດນາມ ເຊິ່ງຈຸດສູງສຸດກໍແມ່ນບັ້ນຮົບດຽນບຽນຝູເທິງອາກາດ ໃນເດືອນ 12 ປີ 1972, ຈົນເຖິງບັ້ນຮົບປິດທ້າຍແຫ່ງໄຊຊະນະໃນບັ້ນຮົບໂຮ່ຈິມິນ ໃນວັນທີ 30/04/1975 ປົດປ່ອຍປະເທດຊາດຢ່າງສົມບູນ, ທ້ອນໂຮມປະເທດຊາດຫວຽດນາມເປັນເອກະພາບ ແລະ ເປີດສັງກາດໃໝ່ແຫ່ງການພັດທະນາປະເທດຫວຽດນາມໃນໄລຍະໃໝ່, ກ້າວເຂົ້າໄລຍະໃໝ່ແຫ່ງການພັດທະນາປະເທດຊາດໃນເງື່ອນໄຂສັນຕິພາບ, ກອງທັບປະຊາຊົນຫວຽດນາມໄດ້ມີການປະຕິຮູບປັບປຸງລະບົບການຈັດຕັ້ງພາຍໃນຫຼຸດຜ່ອນກຳລັງພົນລົງເກືອບ 2 ສ່ວນ 3 ຂອງຈຳນວນພົນທັງໝົດ, ບັນດານາຍ ແລະ ພົນທະຫານແຕ່ລະຮຸ່ນໄດ້ປ່ຽນແທນກັນເຂົ້າປະຕິບັດປ່ຽນແທນໜ້າທີ່ ຈາກຮຸ່ນນີ້ສູ່ຮຸ່ນໃໝ່, ຮັບພາລະກິດສືບຕໍ່ມູນເຊື້ອອັນດີງາມຂອງທະຫານລຸງໂຮ່, ເຮັດໜ້າທີ່ເປັນກຳລັງສູ້ຮົບ, ລົງກໍ່ສ້າງຮາກຖານຊ່ວຍເຫຼືອປະຊາຊົນ ແລະ ເພີ່ມພູນຜະລິດຜົນ. ສົມແລ້ວທີ່ໄດ້ຮັບການສັນລະເສິນຈາກປະທານ ໂຮ່ຈິມິນ ວ່າ: “ກອງທັບເຮົາຈົງຮັກພັກດີຕໍ່ພັກ, ຮັບໃຊ້ປະຊາຊົນ, ກຽມພ້ອມສູ້ຮົບເສຍສະຫຼະເພື່ອເອກະລາດອິດສະຫຼະພາບຂອງຊາດ, ເພື່ອສັງຄົມນິຍົມໜ້າທີ່ໃດກໍສຳເລັດ, ອຸປະສັກໃດກໍຜ່ານຜ່າ ສັດຕູໃດກໍຕີເອົາຊະນະ, ກອງທັບປະຊາຊົນຫວຽດນາມ ຍາມໃດກໍຮັກສາມູນເຊື້ອການພົວພັນທີ່ສະໜິດແໜ້ນກັບປະຊາຊົນ”,ເອົາກຳລັງທະຫານເປັນກຳລັງຕົ້ນຕໍໃນການລົງເຖິງຮາກຖານປະຊາຊົນ ຂົນຂວາຍປະຊາຊົນຊ່ວຍເຫຼືອປະຊາຊົນຟື້ນຟູຊີວິດຄວາມເປັນຢູ່ໃຫ້ນັບມື້ດີຂຶ້ນ, ປັດໄຈຕົ້ນຕໍ ກໍແມ່ນການນຳພາປະຊາຊົນທຳການຜະລິດ ພັດທະນາເສດຖະກິດ ເລັ່ງໃສ່ເຂດຫ່າງໄກສອກຫຼີກຊົນເຜົ່າ, ແກ້ໄຂຊ່ວຍເຫຼືອຫຼຸດ ຜ່ອນຜົນກະທົບຂອງໄພພິບັດທາງທຳມະຊາດ ແລະ ອື່ນໆ. ກອງທັບປະຊາຊົນຫວຽດ ນາມ, ບໍ່ພຽງແຕ່ເປັນກຳລັງປ້ອງ ກັນຊາດເທົ່ນນັ້ນ, ແຕ່ຍັງເຮັດໜ້າທີ່ພັດທະນາເສດຖະກິດນຳ ໃຊ້ກຳລັງແຮງພາຍໃນທັງຊັບພະ ຍາກອນມະນຸດ ແລະ ຊັບພະຍາ ກອນທຳມະຊາດທີ່ມີຂອງຕົນ ເພື່ອສ້າງໃຫ້ເກີດມີລາຍຮັບໃຫ້ແກ່ງົບປະມານຂອງຊາດ ແລະ ຂອງກອງທັບ, ບັນດາໂຮງຈັກ ໂຮງງານກອງທັບຫຼາຍໆແຫ່ງ ນອກຈາກຜະລິດຕະພັນສິນຄ້າ ເພື່ອຮັບໃຊ້ສັງຄົມ ແລະ ການສົ່ງອອກແລ້ວ, ຍັງສາມາດຜະລິດອຸປະກອນທາງທະຫານເຄື່ອງ ອຸປະໂພກ-ບໍລິໂພກ ແລະ ອາວຸດກະສຸນທີ່ທັນສະໄໝເໝາະສົມກັບສະພາບແວດລ້ອມການກຽມພ້ອມສູ້ຮົບ ແລະ ສູ້ຮົບໃນ ເງື່ອນໄຂໃໝ່ຂອງກອງທັບ, ກອງທັບປະຊາຊົນຫວຽດນາມ ມີເກືອບ100 ບໍລິສັດທີ່ເຄື່ອນໄຫວດ້ານເສດຖະກິດໃນຂົງເຂດທຸລະກິດທີ່ແຕກຕ່າງກັນ ໃນນັ້ນຍັງມີຂົງເຂດບໍລິການການບິນ, ບໍລິການທ່າເຮືອ, ໂທລະຄົມມະ ນາຄົມ ແລະ ການສື່ສານ, ການຜະລິດກຳປັ່ນການຕໍ່ເຮືອ ແລະ ອື່ນໆ. ປັດຈຸບັນນີ້ກອງທັບປະຊາ ຊົນຫວຽດນາມ ມີກຳລັງປະຈຳ ການທີ່ເປັນທະຫານຫຼວງ ແລະ ທະຫານທ້ອງຖິ່ນປະມານ 450.000 ສະຫາຍ ແລະ ກຳລັງສຳຮອງປະມານ 5.000.000 ສະຫາຍ, ທະຫານຫຼວງແມ່ນເປັນກຳລັງຕົ້ນຕໍ ຂອງກອງທັບປະຊາຊົນຫວຽດນາມ ລວມມີກຳລັງເຄື່ອນທີ່ໄວຂອງບັນດາແມ່ທັບ, ເຫຼົ່າທັບ, ເຫຼົ່າຮົບ ແລະ ຂອງບັນດາທະຫານເຂດຕ່າງໆ ຍາມໃດກໍມີໜ້າທີ່ເຝິກແອບຮ່ຳ ຮຽນກຽມພ້ອມສູ້ຮົບ ແລະ ສູ້ຮົບໄດ້ຕະຫຼອດເວລາ ເມື່ອມີຄຳສັ່ງ ທັງນີ້ກໍເພື່ອເຮັດສຳເລັດໜ້າທີ່ ປົກປ້ອງປະເທດຊາດຫວຽດນາມ ສັງຄົມນິຍົມໃຫ້ໝັ້ນຄົງຍືນຍົງ.

news to day and hot news