ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ພິທີເຊັນສັນຍາໂຄງການ ລົງທຶນຮ່ວມພັດທະນາສະໜາມຍິງປືນອາຊຽນ
ເວລາອອກຂ່າວ: 2023-12-25 15:05:34 | ຜູ້ຂຽນ : admin2 | ຈຳນວນຄົນເຂົ້າຊົມ: 1100 | ຄວາມນິຍົມ:



ວັນທີ 22 ທັນວາ 2023 ນີ້, ຢູ່ທີ່ຫ້ອງປະຊຸມ ກົມໃຫຍ່ເສນາທິການກອງທັບ ໄດ້ເຊັນສັນຍາໂຄງການ ລົງທຶນຮ່ວມພັດທະນາສະໜາມຍິງປືນ ອາຊຽນ ຫຼັກ 27 ລະຫວ່າງ ກົມໃຫຍ່ເສນາທິການກອງທັບ (ເຈົ້າຂອງໂຄງການ) ກັບ ບໍລິສັດ ທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ (ຜູ້ຮ່ວມລົງທຶນພັດທະນາ ), ໂດຍການເຂົ້າຮ່ວມ ຂອງ ສະຫາຍ ພົນຕີ ພັນແສງ ບຸນພັນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນນາທິການກອງທັບ, ມີ ທ່ານ ໂຍມາ ອິນທະວົງ ປະທານບໍລິສັດ ທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ ພ້ອມດ້ວຍຄະນະ, ຜູ້ຕາງໜ້າບັນດາກົມ, ຫ້ອງການ, ພະແນກການ, ກົມກອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ພັນໂທ ໄຊຊະນະ ມະນີວັນ ຫົວໜ້າພະແນກສັງລວມ ກົມຊ່າງແສງ ກົມໃຫຍ່ເສນາທິການ ໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາ, ຊ່ວຍວຽກ ຕິດຕາມການລົງທຶນຮ່ວມພັດທະນາສະໜາມຍິງປືນອາຊຽນ ສ້າງເປັນເຂດບໍລິການ-ທ່ອງທ່ຽວ ຈັດກິດຈະກໍາກິລາປະເພດຕ່າງໆ ຂອງບໍລິສັດທ່ອງທ່ຽວລ້ານຊ້າງຊຽງທອງ ຈໍາກັດ ແລະ ແກ້ໄຂຊົດເຊີຍຜົນກະທົບທີ່ດິນບຸກຄົນ, ອີງຕາມຫນັງສືສະເຫນີຂອງບໍລິສັດທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ ວ່າດ້ວຍການສະເຫນີຂໍ້ລົງທຶນຮ່ວມພັດທະນາໃນກິດຈະການສະຫນາມຍິງ ປືນອາຊຽນ ຫລັກ 27 ຂອງກະຊວງປ້ອງກັນປະເທດ, ອີງຕາມຂໍ້ຕົກລົງຂອງກົມໃຫຍ່ເສນາທິການ ສະບັບເລກທີ 2419/ກສນ, ວ່າດ້ວຍການແຕ່ງຕັ້ງຄະນະຊີ້ນໍາ, ຊ່ວຍວຽກ ສົມທົບກັບບໍລິສັດທ່ອງທ່ຽວຊຽງທອງລ້ານຊ້າງຈໍາ ກັດຜູ້ດຽວ ລົງສໍາຫລວດ, ກວດກາ ແລະ ເກັບກໍາຂໍ້ມູນຕ່າງໆ ຢູ່ພາຍໃນສະຫນາມຍິງປືນອາຊຽນ, ອີງຕາມ ມະຕິກອງປະຊຸມຄະນະປະຈໍາພັກກົມໃຫຍ່ເສນາທິການ ແລະ ມະຕິກອງປະຊຸມຄະນະປະຈໍາພັກກະຊວງປ້ອງກັນປະເທດ ເຫັນດີໃຫ້ການຮ່ວມມືກັບບໍລິສັດທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ ເພື່ອລົງທຶນພັດທະນາສະຫນາມຍິງປືນອາຊຽນ ສ້າງເປັນເຂດບໍລິການ -ທ່ອງທ່ຽວ ແລະ ຈັດກິດຈະກໍາກິລາປະເພດຕ່າງໆ, ເພື່ອເຮັດໃຫ້ການຊີ້ນໍາ, ຄຸ້ມຄອງ, ຕິດຕາມ, ກວດກາໂຄງການຂໍລົງທຶນ ຮ່ວມພັດທະນາສະຫນາມຍິງປືນອາຊຽນຂອງບໍລິສັດ ກັບ ກະຊວງປ້ອງກັນປະເທດ ແລະ ການຊົດເຊີຍດ້ານການເງິນໃຫ້ບັນດາຄອບຄົວ, ບຸກຄົນທີ່ຖືກຜົນກະທົບ ໃຫ້ຖືກຕ້ອງຕາມກົດໝາຍ ແລະ ໄດ້ຮັບໜານຜົນ, ຈາກນັ້ນ ສະຫາຍ ພັນເອກ ສີແພງ ອ່ອນປະເສີດ ຮອງຫົວໜ້າຫ້ອງການ ກົມໃຫຍ່ເສນາທິການ ໄດ້ຜ່ານເນື້ອໃນໜັງສືສັນຍາ ການຮ່ວມທຶນພັດທະນາໂຄງການ, ໂອກາດດັ່ງກ່າວ, ສະຫາຍ ພົນຕີ ພັນແສງ ບຸນພັນ ຫົວໜ້າຄະນະຊີ້ນໍາການຕິດຕາມ ເຈົ້າຂອງໂຄງການ ແລະ ທ່ານ ໂຍມາ ອິນທະວົງ ປະທານບໍລິສັດ ທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ ຜູ້ຮ່ວມລົງທຶນພັດທະນາ ໄດ້ລົງນາມເສັນສັນຍາຮ່ວມກັນຢ່າງເປັນທາງການ, ພ້ອມນັ້ນ ບໍລິສັດ ທ່ອງທ່ຽວລ້ານຊ້າງຊຽງທອງ ຈໍາກັດຜູ້ດຽວ ຍັງໄດ້ມອບເງິນພັນທະໃຫ້ ກົມໃຫຍ່ເສນາທິການກອງທັບ ຈໍານວນ 200.000 ໂດລາ ສະຫະລັດ. ໂດຍ: ພຸດທະວອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ