ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ອີ​ຣານ ຈັດ​ກອງ​ປະຊຸມ​ສາກົນ ກ່ຽວ​ກັບ​ສະພາບ​ການ​ຢູ່​ເຂດ ກາ​ຢາ
ເວລາອອກຂ່າວ: 2023-12-26 08:59:10 | ຜູ້ຂຽນ : admin3 | ຈຳນວນຄົນເຂົ້າຊົມ: 473 | ຄວາມນິຍົມ:



ຕາມ​ຂ່າວສານ​ຊິນ​ຮວາ​ລາຍ​ງານ​ວັນ​ທີ 24 ທັນວາ ນີ້​ວ່າ:ເມື່ອ​ວັນ​ທີ 23 ທັນວາ, ກະຊວງ​ການ​ຕ່າງປະເທດ ອີ​ຣານ ໄດ້​ປະກາດ​ວ່າ: ປະເທດ​ນີ້ ໄດ້​ຈັດ​ກອງ​ປະຊຸມ​ສາກົນ ຢູ່​ນະຄອນຫຼວງ ເຕ​ເຮ​ຣານ, ເພື່ອ​ຮຽກຮ້ອງ​ຍົກເລີກ​ຄຳ​ສັ່ງ​ປິດ​ລ້ອມ​ຢູ່​ເຂດ ກາ​ຢາ ແລະ ຮັບປະກັນ​ສະໜອງ​ການ​ໜູນ​ຊ່ວຍ​ມະນຸດສະທຳ ໃຫ້​ແກ່​ເຂດ​ຜືນ​ແຜ່ນດິນ ແຄມ​ທະເລ ທີ່​ພວມ​ຖືກ​ປິດ​ລ້ອມ ຂອງ ປາ​ແລັດ​ສະ​ຕິນ. ທີ່​ກອງ​ປະຊຸມ, ບັນດາ​ຜູ້​ແທນ ໄດ້​ປຶກສາ​ຫາລື​ບັນດາ​ບັນຫາ​ຮີບ​ດ່ວນ ທີ່​ກ່ຽວຂ້ອງ​ເຖິງ​ສະພາບ​ການ​ຢູ່​ເຂດ ກາ​ຢາ ແລະ ພິຈາລະນາ ບັນດາ​ມາດ​ຕະການ​ສະກັດ​ກັ້ນ​ການ​ປະ​ທະ​ກັນ​ໃນ​ວົງ​ກວ້າງ. ເຫດການ​ນີ້ ແມ່ນ​ສ່ວນ​ໜຶ່ງ​ໃນ​ບັນດາ​ຄວາມ​ມານະ​ພະຍາຍາມ​ທາງ​ການ​ທູດ ຂອງ ອີ​ຣານ ເພື່ອ​ແນໃສ່​ໜູນ​ຊ່ວຍ ຊາວ ປາ​ແລັດ​ສະ​ຕິນ. ເຂົ້າ​ຮ່ວມ​ກອງ​ປະຊຸມ ມີ​ເຈົ້າ​ໜ້າທີ່, ນັກ​ການເມືອງ, ນັກ​ສາສະໜາ, ນັກ​ຂ່າວ ແລະ ນັກຮຽນ​ຮູ້​ຈາກ​ກວ່າ 50 ປະເທດ ແລະ ເຂດ​ແຄວ້​​ນ​ໃນ​ທົ່ວ​ໂລກ. ກອງ​ປະຊຸມ​ໄດ້​ຈັດ​ຂຶ້ນ​ໃນ​ສະພາບ​ການ​ວິ​ກິດ​ການ​ດ້ານ​ມະນຸດສະທຳ​ຢູ່​ເຂດ ກາ​ຢາ ນັບ​ມື້​ນັບ​ຊົ່ວ​ຮ້າຍ​ລົງ. ຕາມ​ການ​ຄາດ​ຄະເນ​ຂອງ ​ສປຊ, ມີ​ຊາວ​ປາ​ແລັດ​ສະ​ຕິນ ປະມານ 1,9 ລ້ານ​ຄົນ​ຢູ່​ເຂດ ກາ​ຢາ ໃນ​ຈຳນວນ 2,4 ລ້ານ​ຄົນ​ຕ້ອງ​ອົບ​ພະ​ຍົບ​ລີ້​ໄພ​ອອກ​ຈາກ​ເຂດ​ປະ​ທະ​ກັນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ