POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກັນຍາ 2024

ການປະທະກັນລະຫວ່າງກຸ່ມ ຮາມາດ ກັບ ອິດສະຣາແອນ ສົ່ງຜົນກະທົບໄປທົ່ວພາກພື້ນຕາເວັນອອກກາງ
ເວລາອອກຂ່າວ: 2023-12-26 08:59:41 | ຜູ້ຂຽນ : admin3 | ຈຳນວນຄົນເຂົ້າຊົມ: 1515 | ຄວາມນິຍົມ:

ຕາມຂ່າວສານຊິນຮວາ ໄດ້ ເຜີຍແຜ່ບບົດຄວາມໃນວັນທີ 21 ທັນວາ ນີ້ວ່າ: ການປະທະກັນລະຫວ່າງກຸ່ມຮາມາດ ກັບ ອິດສະຣາແອນ ແມ່ນການຜັນແປພູມີສາດການເມືອງທີ່ປົກຄຸມທົ່ວພາກພື້ນຕາເວັນອອກກາງໃນປີນີ້. ນີ້ແມ່ນການປະທະກັນໃຫຍ່ສຸດໃນ 2-3 ທົດສະວັດຜ່ານມາ ລະຫວ່າງ ອິດສະຣາແອນກັບຂະບວນການ ຮາມາດ ອິດສະລາມ, ເຮັດໃຫ້ປະຊາຊົນສອງປະເທດເສຍຊີວິດເປັນຈຳນວນຫຼາຍ, ພ້ອມທັງນາບຂູ່ເຖິງການທຳລາຍສະພາບຄວາມໝັ້ນຄົງທີ່ບອບບາງຢູ່ພາກພື້ນຕາເວັນອອກກາງ. ວັນທີ 7 ຕຸລາ, ຂະບວນການ ຮາມາດ ອິດສະລາມ ຢູ່ເຂດກາຊາ ໄດ້ເປີດບັ້ນບຸກໂຈມຕີຂະໜາດ ໃຫຍ່ແບບກະທັນຫັນເລັ່ງໃສ່ບັນດາເຂດຊຸມຊົນ ແລະ ຄ້າຍທະຫານອິດສະຣາແອນ ຢູ່ໃກ້ເຂດກາຊາ, ເຮັດໃຫ້ຫຼາຍຄົນເສຍຊີວິດ ແລະ ຈັບຄົນເປັນຕົວປະກັນນັບຮ້ອຍຄົນ. ເພື່ອໂຕ້ຕອບຄືນ, ລັດຖະບານ ອິດສະຣາແອນ ກໍເປີດບັ້ນຮົບຕໍ່ຕ້ານ ເຊິ່ງມີຂອບຂະໜາດໃຫຍ່ສຸດນັບແຕ່ປີ 1973 ມາຮອດປັດຈຸບັນ ເພື່ອແນໃສ່ເຂດກາຊາ, ເຮັດໃຫ້ເຂດດັ່ງກ່າວຕົກເຂົ້າສູ່ສະພາບປະທະກັນດ້ານການທະຫານຂະໜາດໃຫຍ່ສຸດໃນຫຼາຍປີຜ່ານມາ. ພາຍຫຼັງເກີດຂຶ້ນໄດ້ປະມານ 2 ເດືອນກວ່າ, ການປະທະກັນລະຫວ່າງ ຮາມາດ ກັບ ອິດສະຣາແອນ ຍັງບໍ່ທັນມີສັນຍານຢຸດຕິເທື່ອ, ໂດຍບໍ່ສົນໃຈເຖິງການເສຍຊີວິດຢ່າງໜັກໜ່ວງຈາກທັງ 2 ຝ່າຍ ແລະ ວິກິດການດ້ານມະນຸດສະທຳທີ່ນັບມື້ນັບຮີບດ່ວນ. ໄລ່ຮອດກາງເດືອນທັນວາ, ບັນດາຕົວເລກຈາກ ສປຊ, ອົງການສາທາລະນະສຸກ ເຂດ ກາຊາ ກໍຄື ອຳນາດການປົກ ຄອງ ອິດສະຣາແອນ ຊີ້ໃຫ້ເຫັນວ່າ ມີຜູ້ເສຍຊີວິດເກືອບ 20.000 ຄົນ. ນີ້ແມ່ນຕົວເລກຜູ້ເສຍຊີວິດທີ່ຮ້າຍແຮງທີ່ສຸດສຳລັບທັງ 2 ຝ່າຍ ນັບແຕ່ປີ 1948. ບໍ່ພຽງແຕ່ຖືກຜົນເສຍຫາຍກ່ຽວກັບຊີວິດອິນຊີເທົ່ານັ້ນ, ການປະທະກັນກໍພວມມ້າງທຳລາຍພື້ນຖານໂຄງລ່າງທັງໝົດ ແລະ ພື້ນຖານເສດຖະກິດ-ສັງຄົມຂອງເຂດ ກາຊາ, ເຊິ່ງເປັນບ່ອນດຳລົງຊີວິດຂອງປະຊາຊົນກວ່າ 2,3 ລ້ານຄົນ ກ່ອນການປະທະກັນເກີດຂຶ້ນ. ຕໍ່ໜ້າສະພາບການປະທະກັນທີ່ດຸເດືອດຢູ່ເຂດ ກາຊາ ນັ້ນ, ບັນດາຄວາມມານະພະຍາຍາມທາງການທູດຢູ່ພາກພື້ນ ແລະ ສາກົນ ໄດ້ຮັບການປະຕິບັດຢ່າງຕໍ່ເນື່ອງໃນໄລຍະ 2 ເດືອນກວ່າຜ່ານມາຢູ່ເຂດຕາເວັນອອກກາງ. ສປຊ ໄດ້ຈັດຕັ້ງກອງປະຊຸມດ່ວນຫຼາຍກວ່າ 10 ຄັ້ງ ເພື່ອປຶກສາຫາລືກ່ຽວກັບສະພາບການເພື່ອຮັບຮອງເອົາມະຕິ 2 ສະບັບ ແນໃສ່ຊຸກຍູ້ການບັນລຸໄດ້ຄຳສັ່ງຢຸດຍິງຍາວນານ, ໃນນັ້ນ ສາມາດຍູ້ແຮງການເຄື່ອນໄຫວຊ່ວຍເຫຼືອມະນຸດສະທຳ ແລະ ຍິ່ງໄປກວ່ານັ້ນແມ່ນຊອກຫາບັນດາມາດຕະການດ້ານການເມືອງ. ເຖິງຢ່າງໃດກໍຕາມ, ໂດຍບໍ່ສົນໃຈເຖິງຄຳຮຽກຮ້ອງຈາກຫຼາຍຝ່າຍ, ໃນປີ ອິດສະຣາແອນ ແລະ ຮາມາດ ພຽງແຕ່ເຫັນດີຢຸດຍິງຊົ່ວຄາວປະມານ 7 ມື້ (ແຕ່ວັນທີ 24 ພະຈິກ-1 ທັນວາ) ເພື່ອແລກປ່ຽນຕົວປະກັນ ແລະ ປະຕິບັດການຊ່ວຍເຫຼືອມະນຸດ ສະທຳ. ທ່ານ ໂຈເຊບ ໂບເຣວ ເຈົ້າໜ້າທີ່ຂັ້ນສູງຮັບຜິດຊອບນະໂຍບາຍການຕ່າງປະເທດ ແລະ ຄວາມໝັ້ນ ຄົງຂອງສະຫະ ພາບເອີຣົບ (ອີຢູ) ໃຫ້ຂໍ້ສັງເກດວ່າ: “ສປຊ ໄດ້ພັນລະນາສະພາບການປັດຈຸບັນຢູ່ເຂດ ກາຊາ ຢ່າງຈະແຈ້ງ. ຍ້ອນການບັນລຸໄດ້ຂໍ້ຕົກລົງຢຸດຍິງບໍ່ມີຄວາມເປັນໄປໄດ້, ບັນດາປະເທດຕ້ອງເຫັນດີເປັນເອກະພາບນຳກັນກ່ຽວກັບຄຳຮຽກຮ້ອງຈຳນວນໜຶ່ງ, ເພື່ອບັນລຸໄດ້ບັນດາໄລຍະຢຸດການປະທະກັນຊົ່ວຄາວ, ເພື່ອຊ່ວຍໃຫ້ສະພາບການມະນຸດສະທຳຫຼຸດຜ່ອນຄວາມຮ້າຍແຮງລົງ”. ໃນສະພາບການປະທະກັນຢູ່ ເຂດ ກາຊາ ມີການຜັນແປຍາກທີ່ຈະຄາດຄະເນລ່ວງໜ້າໄດ້ນັ້ນ, ສະພາບຄວາມໝັ້ນຄົງ ແລະ ເສດຖະກິດຢູ່ພາກພື້ນນັບມື້ນັບຖືກຜົນກະທົບຢ່າງຮ້າຍແຮງ. ກ່ຽວກັບວຽກງານຕ່າງປະ ເທດ, ບັນດາຄວາມມານະພະຍາ ຍາມ ແລະ ຜົນງານການປັບປຸງສາຍພົວພັນລະຫວ່າງ ອິດສະຣາແອນ ກັບບັນດາປະເທດ ອາຣັບ ໃນພາກພື້ນ ກໍມີຄວາມສ່ຽງຖືກແຕກແຍກ. ວັນທີ 14 ຕຸລາ, ອຳນາດການປົກຄອງ ອາຣາບີ ຊາອຸດິດ ຖະແຫຼງຢຸດຕິຊົ່ວຄາວໃນໄລຍະປຶກສາຫາລືກ່ຽວກັບຄວາມເປັນໄປໄດ້ຂອງການຫັນການພົວພັນກັບ ອິດສະຣາແອນ ເປັນປົກກະຕິ. ໃນໄລຍະຍາວ, ວົງການນັກສັງເກດການ ໃຫ້ຂໍ້ສັງເກດວ່າ: ຖ້າຫາກວ່າ ການປະທະກັນຢູ່ເຂດ ກາຊາເໜືອ ກວ່າ ການຄວບຄຸມ ແລະ ຈຳນວນສາມັນຊົນ ປາແລັດສະຕິນ ເສຍຊີວິດ ແລະ ບາດເຈັບຫຼາຍເກີນໄປ, ນັບທັງ ສັນຍາ Abraham ປະຫວັດສາດ, ທີ່ໄດ້ລົງນາມໃນເດືອນ ກັນຍາ 2020 ກ່ຽວກັບການຫັນການພົວພັນລະຫວ່າງ ອິດສະຣາແອນ ກັບ UAE, ບາເຣນ ເປັນປົກກະຕະ ກໍມີຄວາມສ່ຽງລົ້ມລະລາຍ. ກ່ຽວກັບດ້ານເສດຖະກິດ, ບັນດາຜົນກະທົບຈາກການປະທະກັນຢູ່ເຂດ ກາຊາ ກໍນັບມື້ນັບໃຫຍ່ຂຶ້ນ. ທ້າຍເດືອນພະຈິກ, ທະນາຄານສູນກາງ ອິດສະຣາແອນ ຄາດວ່າ: ເສດຖະກິດປະ ເທດນີ້ຖືກເສຍຫາຍຢ່າງໜ້ອຍ ສຸດ 53 ຕື້ໂດລາ ແລະ ຖ້າຫາ ກວ່າການປະທະກັນສືບຕໍ່ແກ່ ຍາວ, ຕົວເລກນີ້ຈະສູງກວ່າອີກ. ໃນຂະນະນັ້ນ, ລະບົບເສດຖະກິດຢູ່ເຂດກາຊາ ກໍໄດ້ຮັບການຕີລາ ຄາວ່າ ລົ້ມລະລາຍແລ້ວ. ນອກ ຈາກບັນດາການບຸກໂຈມຕີນັບມື້ນັບສູງຂອງກຳລັງ ຮູຕິ ຢູ່ ເຢເມນ ໃສ່ບັນດາກ່ຳປັ່ນບັນທຸກສິນຄ້າຢູ່ທະເລແດງ, ດ້ວຍສາເຫດ ສະກັດກັ້ນກຳປັ່ນລຳຕ່າງໆມາ ແລະ ອອກຈາກ ອິດສະຣາແອນ, ພວມເຮັດໃຫ້ເສັ້ນທາງເດີນເຮືອສຳ ຄັນຂອງໂລກຖືກຢຸດສະງັກ, ຍິ່ງສົ່ງຜົນກະທົບຢ່າງແຮງຕໍ່ການ ຄ້າຂອງພາກພື້ນ ແລະ ໂລກ. ຕໍ່ໜ້າສະພາບການປັດຈຸບັນ, ປະຊາຄົມສາກົນສ່ວນຫຼາຍ ລ້ວນແຕ່ຖືວ່າ: ການປະທະກັນຢູ່ ກາຊາ ຈະສາມາດແກ້ໄຂໄດ້ຢ່າງເຖິງກົກເຖິງປາຍກໍຕໍ່ເມື່ອທຸກຝ່າຍມານະພະຍາຍາມຊຸກຍູ້ການປະຕິບັດມາດຕະການຄົງຕົວ 2 ລັດ ອິດສະຣາແອນ ແລະ ປາແລັດສະຕິນ ໃນຕົວຈິງ. ທ່ານ ຊາເມ ຊູກຣີ ລັດຖະມົນຕີການຕ່າງປະເທດ ເອຢິບ ຖະແຫຼງວ່າ:“ພວກເຮົາບໍ່ສາມາດືບຕໍ່ພຽງແຕ່ເວົ້າເຖິງມາດຕະການສອງລັດແບບຫຼີ້ນໆເທົ່ານັ້ນ, ຫາກປະຊາຄົມສາກົນ ແລະ ສະພາຄວາມໝັ້ນຄົງ ສປຊ ຕ້ອງມີການກຳນົດ ແລະ ພາຫະນະທີ່ຈຳເປັນເພື່ອຜັນຂະຫຍາຍຄວາມເຫັນດີເຫັນພ້ອມສາກົນ ທີ່ໄດ້ຮັບການຮັບຮອງຢ່າງກວ້າງຂວາງ ເພື່ອຢຸດຕິການປະທະກັນ, ນັ້ນແມ່ນພື້ນຖານຂອງມາດຕະການຄົງຕົວ 2 ລັດ, ດຳລົງຊີວິດຢູ່ຮ່ວມກັນມີສັນຕິພາບ ແລະ ຄວາມໝັ້ນຄົງ.” ປັດຈຸບັນ, ຍ້ອນມີຄວາມມານະພະຍາຍາມ ແລະ ຄວາມອົດກັ້ນຈາກຫຼາຍຝ່າຍ, ການປະທະກັນຢູ່ ກາຊາ ຍັງຄົງໄດ້ຮັບການຄວບຄຸມໃນຂອບເຂດພູມີສາດ. ເຖິງຢ່າງໃດກໍຕາມ, ວົງການນັກຊ່ຽວຊານ ກໍມີຄວາມວິຕົກກັງວົນ ຖ້າຫາກວ່າ ການປະທະກັນສືບຕໍ່ແກ່ຍາວ ສະພາບຄວາມໝັ້ນຄົງທີ່ບອບບາງຢູ່ຕາເວັນອອກກາງ ຈະຖືກທຳລາຍ. ໃນຂະນະນັ້ນ, ການສົ່ງຜົນ ກະທົບຫຍໍ້ທໍ້ຕໍ່ໂລກຈະຫຼາຍຂຶ້ນ ຍ້ອນວ່າ ຕາເວັນອອກກາງ ແມ່ນບ່ອນຜະລິດນ້ຳມັນ 35% ແລະ ຈຳນວນສົ່ງອອກ 14% ຂອງ ປະລິມານເຊື້ອໄຟສົ່ງອອກທົ່ວໂລກ.

news to day and hot news