ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ສູນ​ເຝິກອົບຮົມ ​ກອງ​ພົນ​ທີ 3 ອົບຮົມ-ຫັດ​ແອບ ລະບຽບ​ວິຊາ​ງົດ​ງາມ
ເວລາອອກຂ່າວ: 2023-12-26 09:00:34 | ຜູ້ຂຽນ : admin1 | ຈຳນວນຄົນເຂົ້າຊົມ: 522 | ຄວາມນິຍົມ:



ໂດຍ​ປະຕິບັດ​ຕາມ​ທິດ​ຊີ້​ນຳຂອງ​ຄະນະ​ພັກ-ຄະນະ​ບັນຊາ​ກອງ​ພົນ​ທີ 3 ວ່າ​ດ້ວຍ​ ການ​ຫັດ​ແອບ​ການ​ເດີນ​ຂະ​ບວນ​ສວນສະໜາມ​ສະເຫຼີມສະຫຼອງ​ວັນ​ສ້າງ ຕັ້ງ​ກອງທັບ​ປະຊາຊົນ​ລາວ ຄົບຮອບ 75 ປີ, ໃນ​ວັນ​ທີ 20 ທັນວາ 2023, ສູນ​ເຝິກອົບຮົມ ກອງ​ພົນ​ທີ3 ໄດ້​ຈັດ​ຕັ້ງ​ອົບຮົມ-ຫັດ​ແອບລະບຽບ​ວິຊາ​ງົດ​ງາມ ການ​ເດີນ​ຂະ​ບວນ​ສວນສະໜາມ ແລະ ເອກະ​ພາບ​ບາງ​ບົດຮຽນ​ກ່ຽວກັບ​ວິຊາ​ລະບຽບ​ງົດ​ງາມ, ໂດຍ​ມີ ສະຫາຍ ພັນ​ໂທ ບຸນ​ເສິດ ໂຕນ​ສັນ​ໄຊ ຫົວໜ້າ​ການ​ທະຫານ ສູນ​ເຝິກອົບຮົມ ກອງ​ພົນ​ທີ 3, ຄະນະ​ພັກ-ຄະນະ​ບັນຊາ, ຄູ-ອາຈານ ຕະຫຼອດ​ຮອດພະນັກງານ-ນັກຮົບ ເຂົ້າ​ຮ່ວມ. ສະຫາຍ ຮ້ອຍ​ໂທ ພອນ​ສັກ ວິລະ​ເດດ ຄູ​ປະຈຳ​ວິຊາ ໄດ້​ອະທິບາຍ​ກ່ຽວ​ກັບ​ບັນດາ​ທິດ​ສະ​ດີ ແລະ ທ່າ​ຈັງຫວະໃນ​ການ​ເດີນ​ຂະ​ບວນ​ສວນສະໜາມ, ບຸກຄົນ​ປະຈຳ​ທີ່, ຄົງ​ທີ່-ເຄື່ອນ​ທີ່, ບຸກຄົນ​ປະຈຳ​ທີ່ ແລະ ເຄື່ອນ​ທີ່​ມີ​ປືນ, ລະບຽບ​ຮູບ​ແຖວ​ເຄົາລົບ​ທຸງ​ຂັ້ນ​ກອງພັນ​ ເປັນຕົ້ນ​ແມ່ນຫັດ​ແອບ​ການ​ເດີນ​ຂະ​ບວນ​ສວນສະໜາມ​ ໃຫ້​ມີ​ຄວາມ​ເປັນລະບຽບ, ຖືກຕ້ອງຕາມຫຼັກ​ການ ຈັງຫວະ​ບາດກ້າວ​ໃນ​ການ​ເຄື່ອນ​ທີ່​ຂອງ​ບຸກຄົນ, ຮູບ​ແຖວ ແລະ ການ​ເຄື່ອນ​ທີ່​ຂອງ​ຫົວໜ້າ​ກ້ອນ, ໄລຍະ​ຫ່າງ, ການ​ເຕະ​ກົງ, ການ​ເຄົາລົບ ແລະ ການ​ສະ​ບັດ​ໜ້າ. ທັງ​ນີ້, ເພື່ອ​ແນໃສ່​ໃຫ້​ຄະນະ​ພັກ-ຄະນະ​ບັນຊາ, ພະນັກງານ-ນັກຮົບ ທົ່ວ​ສູນ​ເຝິກອົບຮົມ ຮັບ​ຮູ້ ແລະ ເຂົ້າໃຈ​ທິດ​ສະ​ດີ​ຫຼັກການ​ກ່ຽວ​ກັບ​ບັນດາ​ທ່າ​ຈັງຫວະ​ໃຫ້​ມີ​ ຄວາມ​ຊຳນິ​ຊຳນານ​ໃນ​ການ​ປະຕິບັດ​ໜ້າທີ່​ວຽກ​ງານ​ຕົວ​ຈິງ​ຢູ່​ໃນ​ກົມ​ກອງ ແລະ ເປັນ​ການ​ກະກຽມ​ສະເຫຼີມສະຫຼອງເດີນ​ຂະ​ບວນ​ສວນສະໜາມ​ຮັບ​ໃຊ້​ວັນ​ສ້າງຕັ້ງ ກອງທັບ​ປະຊາຊົນ​ລາວ ຄົບຮອບ75 ປີ. ໂດຍ: ສົມພົງ ອິນ​ຕະ​ວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ