ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ປະກາດ​ການແຕ່ງຕັ້ງ ຫົວໜ້າການທະຫານ ກອງ​ບັນຊາ​ການ​ທະຫານ​ເມືອງ​ປາກ​ລາຍ
ເວລາອອກຂ່າວ: 2023-12-26 09:01:36 | ຜູ້ຂຽນ : admin1 | ຈຳນວນຄົນເຂົ້າຊົມ: 462 | ຄວາມນິຍົມ:



ໃນ​ວັນ​ທີ 20 ທັນວາ 2023, ກອງ​ບັນຊາ​ການ​ທະຫານ​ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ໄດ້​ປະກາດ​ການແຕ່ງຕັ້ງ​ຫົວໜ້າ​ການ​ທະຫານ​ ກອງ​ບັນຊາ​ການ​ທະຫານ​ເມືອງ​ປາກ​ລາຍ, ໂດຍ​ການ​ເປັນ​ປະທານ​ຂອງ ສະຫາຍ ພັນ​ເອກ ດາວ​ນ້ອຍ ບຸດ​ບົວທອງ ຫົວໜ້າ​ການເມືອງ ​ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ, ມີ​ສະຫາຍ ກອງ​ສີ ວົງ​ສີ ເຈົ້າເມືອງ ເມືອງ​ປາກ​ລາຍ, ຄະນະ​ພັກ-ຄະນະ​ບັນຊາ​ ຕະຫຼອດ​ຮອດນາຍ ແລະ ພົນທະຫານ​ເຂົ້າ​ຮ່ວມ. ສະຫາຍ ພັນ​ໂທ ບຸນ​ມີ ໄຊ​ສັນຕິ ຫົວໜ້າ​ພະ​ແນກ​ພະນັກງານ ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ໄດ້​ຜ່ານ​ຂໍ້​ຕົກລົງ​ຂອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ ການ​ອະນຸມັດ​ໃຫ້​ນາຍ​ທະຫານ ພັກ​ການ ກຽມ​ຮັບ​ບຳນານ ແລະ ການ​ແຕ່ງຕັ້ງ​ຫົວໜ້າ​ການ​ທະຫານ​ ກອງ​ບັນຊາ​ການ​ທະຫານ​ເມືອງ​ປາກ​ລາຍ ໂດຍ​ໄດ້​ອະ​ນຸ​ມັດ​ໃຫ້ ສະຫາຍ ພັນ​ໂທ ຖິ່ນ ອິ​ລິ​ສັກ ຫົວໜ້າ​ການ​ ທະຫານ​ກອງ​ບັນຊາ​ການ ​ທະຫານ​ເມືອງ​ປາກ​ລາຍ (ຜູ້​ເກົ່າ) ພັກ​ການ ​ເພື່ອ​ລໍຖ້າ​ຮັບ​ອຸດ​ໜູນ​ບຳນານ ແລະ ແຕ່ງຕັ້ງ​ ສະຫາຍ ພັນ​ໂທ ສົມ​ຈິດ ຄົງ​ທະ​ສັນ ເປັນ​ຫົວໜ້າ​ການ​ທະຫານ ກອງ​ບັນຊາ​ການ ​ທະຫານ​ເມືອງ​ປາຍ​ລາຍ (ຜູ້​ໃໝ່). ໂດຍ: ສົມ​ຈີນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ