ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ໂຮງຮຽນເຫຼົ່າຮົບຊ່າງແສງ 506 ປິດຊຸດອົບຮົມ-ຫັດແອບການເມືອງ,ການທະຫານ,ພະລາທິການ-ເຕັກນິກ ປະຈໍາ ປີ 2023.
ເວລາອອກຂ່າວ: 2023-12-26 14:05:07 | ຜູ້ຂຽນ : admin2 | ຈຳນວນຄົນເຂົ້າຊົມ: 613 | ຄວາມນິຍົມ:



ວັນທີ 22 ທັນວາ 2023ນີ້, ໂຮງຮຽນເຫຼົ່າຮົບຊ່າງແສງ 506 ປິດຊຸດອົບຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ ປະຈໍາປີ 2023.ໂດຍການເປັນປະທານຂອງ ສະຫາຍ ພົນຈັດຕະວາ ວຽງໄຊ ໄຊສະໝອນ ຄະນະພັກອົງການກົມໃຫຍ່ ຫົວໜ້າກົມຊ່າງແສງ ກົມໃຫຍ່ເສນາທິການກອງທັບ, ມີ 6 ພະແນກການຂອງກົມຊ່າງແສງ, ມີຄະນະພັກ-ຄະນະອໍານວຍການ, ຄະນະບັນຊາພະແນກການ, ກອງພັນ ຕະຫລອດຮອດພະນັກງານ-ນັກຮົບ, ນັກຮຽນ ທົ່ວໂຮງຮຽນ ເຂົ້າຮ່ວມ. ສະຫາຍ ພັນໂທ ພົມມະນີ ລາດສະບຸດ ຮອງຫົວໜ້າການທະຫານໂຮງຮຽນເຫຼົ່າຮົບຊ່າງແສງ 506 ໄດ້ຂື້ນຜ່ານບົດສະຫຼຸບ ຈັດຕັ້ງອົບຮົມຫັດ-ແອບປະຈຳປີ ໃນໄລຍະຜ່ານມາ ເຊີ່ງໄດ້ຍົກໃຫ້ເຫັນບັນຫາຫຼາຍດ້ານທີ່ສໍາຄັນຫຼາຍດ້ານ ໂດຍສະເພາະແມ່ນ ໃນໄລຍະຜ່ານມາຄະນະພັກ-ຄະນະບັນຊາ ແມ່ນໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດ ເປັນບັນຫາສໍາຄັນ ໃນການຈັດຕັ້ງປະຕິບັດການອົບຮົມ-ຫັດແອບ ໃຫ້ໄດຮັບໝາກຜົນສູງ, ເອົາໃຈປະຕິບັດຄຳສັ່ງຂອງຂັ້ນເທິງຢ່າງເຂັ້ມງວດ, ວິຊາທີ່ນຳມາອົບຮົມ-ຫັດແອບລວມມີ 7 ວິຊາໄດ້ແກ່: ອົບຮົມວຽກງານການເມືອງ, ວຽກງານພະລາທິການ, ວຽກງານເຕັກນິກ, ລະບຽບງົດງາມ, ກິລາການທະຫານ, ສິນລະປະຍຸດທະຫານຮາບ, ວິຊາສະເພາະເຫຼົ່າຮົບ ຜົນໄດ້ຮັບໃນການຈັດຕັ້ງປະຕິບັດແບບແຜນການ ອົບຮົມ-ຫັດແອບ ປະຈໍາປີ 2023 ສາມາດຕີລາຄາຜົນໄດ້ຮັບດັ່ງນີ້: ຂັ້ນເກັ່ງ 33,77%,ຂັ້ນກາງ 43,11%,ຄາດໝາຍ 21,10%. ໂອກາດນີ້, ສະຫາຍ ປະທານ ໄດ້ຍ້ອງຍໍຊົມເຊີຍ ແລະ ຕີລາຄາສູງ ໃນການຈັດຕັ້ງປະຕິບັດແຜນການອົບຮົມ-ຫັດແອບປະຈໍາປີ 2023 ພ້ອມກັນເອົາໃຈໃສ່ ປະຕິບັດຕາມແຜນການອົບຮົມ-ຫັດແອບ ກໍ່ຄືຂອງ ກົມໃຫຍ່ເສນາທິການວາງອອກ, ພ້ອມນີ້ຍັງຮຽກຮ້ອງໃຫ້ ພະນັກງານ-ຄູຝືກສອນ, ແຕ່ລະຂັ້ນຕ້ອງເອົາໃຈໃສ່ສຶກສາອົບຮົບ ການເມືອງນໍາພາ-ແນວຄິດໃຫ້ພະນັກງານ-ນັກຮົບຂອງຕົນ ເຊື່ອໝັ້ນຕໍ່ການນໍາພາຂອງພັກ-ລັດ ເສີມຂະຫຍາຍຄາມຮູ້ ຄວາມສາມາດຂອງຕົນເອງ ເຂົ້າໃນການປະຕິບັດໜ້າທີ່ວຽກງານຂອງກົມກອງ ໃຫ້ເກີດດອກອອກຜົນຢ່າງບໍ່ຢຸດຢັ້ງໄປເລື້ອຍໆ. ນອກຈາກນັ້ນຍັງໄດ້ຊົມການສະແດງກ້ອນກໍາລັງສວນສະໝາມ, ບັນດາທ່າຈັງຫວະ, ສິນລະປະການທະຫານ ແລະ ສິນລະປະວັນນະຄະດີ (ບົດຟ້ອນ,ເຕັ້ນບັດສະຫຼົບ) ຂອງໜ່ວຍສະຫະພັນອີກດ້ວຍ. ຂ່າວ: ແລ໋ນ ຄໍາໃໝ່.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ