ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ຄະນະ​ນຳ​ແຂວງ​ຄຳ​ມ່ວນ ເຂົ້າ​ຮ່ວມ​ງານ​ລ້ຽງ​ສະຫຼອງ​ວັນ​ສ້າງຕັ້ງ​ ກອງທັບ​ປະຊາຊົນ​ຫວຽດນາມ ຄົບຮອບ 79 ປີ
ເວລາອອກຂ່າວ: 2023-12-27 09:29:40 | ຜູ້ຂຽນ : admin3 | ຈຳນວນຄົນເຂົ້າຊົມ: 127 | ຄວາມນິຍົມ:



ວັນ​ທີ 19 ທັນວາ 2023 ນີ້, ການ​ນຳ​ແຂວງ​ຄຳ​ມ່ວນ ນຳ​ໂດຍ ທ່ານ ແກ້ວ​ອຸດອນ ບຸດ​ສິງຂອນ ຮອງ​ເຈົ້າແຂວງ ແຂວງ​ຄຳ​ມ່ວນ, ຫົວໜ້າ​ຄະນະ​ປະຕິບັດ​ງານ​ພິ ເສດ​ຂັ້ນ​ແຂວງ, ສະຫາຍ ພົນ​ຈັດ ຕະວາ ສົມ​ແຄນ ອັບປະສອນ ກຳ ມະການ​ຄະນະ​ປະຈຳ​ພັກ​ແຂວງ, ຫົວໜ້າ​ການເມືອງ ​ກອງ​ບັນຊາ​ການ​ທະຫານ​ແຂວງ​ຄຳ​ມ່ວນ, ສະຫາຍ ສີ​ຫງວນ ອິນ​ທະ​ລາດ ຮອງ​ເຈົ້າເມືອງ ເມືອງ​ທ່າ​ແຂກ, ບັນດາຜູ້ຕາງໜ້າ​ພະແນກການ​ອ້ອມ​ຂ້າງ​ແຂວງ, ຄະນະ​ພັກ -ຄະນະ​ບັນຊາ​ອົງການ 6 ຫ້ອງ ກອງບັນຊາການ​ທະຫານແຂວງ ແລະ ກຳລັງ ​ປກສ ແຂວງໄດ້ເຂົ້າ ​ຮ່ວມ​ງານ​ລ້ຽງສະເຫຼີມສະຫຼອງ​ວັນ​ສ້າງຕັ້ງກອງທັບ​ປະຊາຊົນ​ຫວຽດນາມ ຄົບຮອບ 79 ປີ ( ວັນ​ທີ 22 ທັນວາ 1944-22 ທັນວາ 2023) ຢູ່​ທີ່​ກອງ​ປະຕິບັດ​ງານ​ພິເສດ 589 ເມືອງ​ທ່າ​ແຂກ ແຂວງ​ຄຳ​ມ່ວນ, ໂດຍ​ການ​ຕ້ອນຮັບ ຂອງ ສະຫາຍ ພັນ​ໂທ ຫງວ​​ຽນ ວັນ ຕີ້ ຫົວໜ້າ​ກອງ​ປະຕິບັດ​ງານ​ພິເສດ 589 ກອງ​ບັນຊາ​ການ​ທະຫານ​ແຂວງ​ກວາງ​ບິ່ງ ພ້ອມ​ດ້ວຍ​ຄະນະ. ສະຫາຍ ພັນ​ໂທ ຫງວ​​ຽນ ວັນ ຕີ້ ໄດ້​ຕາງໜ້າ ຄະນະ​ພັກ-ຄະນະ​ບັນຊາ, ພະນັກງານ-ນັກຮົບ ​ສະ ແດງ​ຄວາມ​ຂອບໃຈ​ຕໍ່​ຄະນະ​ນຳ​ຂັ້ນ​ແຂວງ​ຄຳ​ມ່ວນ ພ້ອມດ້ວຍ ​ແຂກ​ຖືກ​ເຊີນ​ທີ່​ມາ​ຮ່ວມ​ງານ​ລ້ຽງ ສະເຫຼີມສະຫຼອງ​ວັນ​ສ້າງຕັ້ງ​ກອງທັບ​ປະຊາຊົນ​ຫວຽດນາມ ຄົບຮອບ 79 ປີ​ໃນ​ຄັ້ງ​ນີ້, ເພື່ອ​ເສີມ​ຂະຫຍາຍ​ມູນເຊື້ອ​ຂອງ​ກອງ ທັບ​ປະຊາຊົນ​ຫວຽດນາມ, ມູນ ເຊື້ອ​ວີລະ​ຊົນ ​ກໍຄືກຳລັງ​ປະກອບ​ ອາວຸດ​​ແຂວງ​ກວາງ​ບິ່ງ ກອງ 589 ພາຍ​ໃຕ້​ການ​ນຳພາ -ຊີ້​ນຳ ຂອງຄະນະ​ພັກ-ຄະນະ​ບັນ ຊາ, ການ​ປະສານ​ສົມທົບ​ຊ່ວຍ ເຫຼືອ​ຈາກ​ການ​ນຳ ແລະ ປະຊາຊົນ​ ແຂວງ​ຄຳ​ມ່ວນ ຈຶ່ງ​ສາມາດ​ຜ່ານ ​ຜ່າ​ຄວາມ​ຫຍຸ້ງຍາກ​ນານາ​ປະ ການ, ມີ​ຄວາມ​ສາມັກຄີ​ເປັນ​ເອ ກະ​ພາບ, ສູ້​ຊົນ​ເຮັດ​ສຳເລັດ​ໜ້າ ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ ພ້ອມ​ທັງ​ເປັນ​ການ​ຫວນ​ຄືນ​ມູນ ເຊື້ອ​ອັນ​ດີງາມ​ຂອງ​ກອງທັບ​ປະ ຊາຊົນ​ຫວຽດນາມ ຄົບຮອບ 79 ປີ ຢູ່​ຜືນ​ແຜ່ນດິນ​ລາວ. ຈາກ​ນັ້ນ, ທ່ານ ແກ້ວ​ອຸດອນ ບຸດ​ສິງຂອນ ໄດ້​​ອວຍພອນ​ໄຊ​ອັນ​ປະເສີດ​ມາ​ຍັງ​ຄະນະ​ພັກ-ຄະນະ​ບັນຊາ​ກອງ​ປະຕິບັດ​ງານ​ພິເສດ 589 ຈົ່ງ​ມີ​ສຸຂະພາບ​ເຂັ້ມແຂງ ປະສົບ​ຜົນ ສຳເລັດ​ໃນ​ການ​ມາ​ເຄື່ອນ​ໄຫວ​ຊອກ​ຄົ້ນ​ຫາ​ອັດຖິ​ທະຫານ​ອາສາ​ ສະໝັກ ແລະ ຊ່ຽວຊານ​ຫວຽດ ນາມ​ທີ່​ເສຍສະຫຼະ​ຊີວິດ​ໃນ​ປາງ​ສົງຄາມ​ຢູ່​ດິນແດນ​ແຂວງ​ຄຳ​ມ່ວນ ເພື່ອ​ສົ່ງ​ກັບ​ຄືນ​ປະເທດ​ໄດ້​ຕາມ​ລະດັບ​ຄາດໝາຍ​ທີ່​ວາງ​ໄວ້. ພ້ອມ​ດຽວ​ກັນ​ນັ້ນ, ຄະນະ​ຂອງນຳ​ແຂວງ ໄດ້​ຜັດປ່ຽນ​ກັນ​ມອບ​ກະ ຕ່າ​ຂອງຂວັນ​ໃຫ້​ຄະນະ​ພັກ-ຄະ ນະ​ບັນຊາກອງ​ປະຕິບັດ​ງານ​ພິ ເສດ 589 ເພື່ອ​ສະແດງ​ເຖິງ​ນ້ຳ ໃຈ​ໄມຕີ​ຈິດ​ມິດຕະພາບ ແລະ ສາຍ​ ພົວພັນ​ອັນ​ດີງາມ​ລະຫວ່າງ​ສອງ​ແຂວງຄຳ​ມ່ວນ-ກວາງ​ບິ່ງ ເວົ້າ​ລວມ, ເວົ້າ​ສະເພາະ ສອງ​ກອງ​ບັນ ຊາ​ການ​ທະຫານ​ແຂວງ​ຄຳ​ມ່ວນ-ກວາງ​ບິ່ງ ໃຫ້​ໝັ້ນຄົງ​ທະ​ນົງ​ແກ່ນ​ຕະຫຼອດ​ໄປ. ໂດຍ : ລາ​ກີ ພົມ​ມີ​ສິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ