ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ຣັດ​ເຊຍ ຈະ​ຜະລິດ​ໂດຣນ​ມອດ​ໄຟ ຄັ້ງ​ທຳ​ອິດ​ໃນ​ປີໜ້າ
ເວລາອອກຂ່າວ: 2023-12-27 09:34:10 | ຜູ້ຂຽນ : admin3 | ຈຳນວນຄົນເຂົ້າຊົມ: 376 | ຄວາມນິຍົມ:



ສຳນັກ​ຂ່າວ​ຊິນ​ຮວາ ຂອງ ​ສປ ຈີນ, ເມື່ອ​ບໍ່​ດົນ​ມາ​ນິ​​ີ້ ສຳນັກ​ຂ່າວ​ສານຕາສ(Tass) ຂອງ​ຣັດ​ເຊຍ ລາຍ​ງານ​ວ່າ: ການ​ຜະ ລິດ​ໂດຣນ​ພົນ​ລະ​ເຮືອນ​ເພື່ອ​ມອດ​ໄຟ​ຄັ້ງ​ທຳ​ອິດຂອງ​ຣັດ​ເຊຍ ຈະ​ເລີ່ມ​ດຳເນີນ​ການ​ໃນ​ເມືອງ​ເຊັນ​ປີ​ເຕີ​​ສ​ເບີກ ຂອງ​ຣັດ​ເຊຍ ໃນ​ເດືອນ ມັງກອນ ປີ 2024 ແລະ ມີ​ກຳນົດ​ຜະລິດ​ໂດຣນ ຈຳນວນ 1.000-3.000 ລຳ​ໃນ​ປີ​ທຳ​ອິດ, ເຊິ່ງ​ປະກອບ​ດ້ວຍ​ໂດຣນ​ນ້ຳໜັກ​ເບົາ ສຳລັບ​ການ​ລາດຕະເວນ​ເຫດ​ໄຟ​ໄໝ້​ປ່າ ແລະ ໂດຣນ​ດັບ​ໄຟ​ອີກ​ຫລາຍ​ລຳ ເພື່ອ​ຊຸກຍູ້​ໃຫ້​ວຽກ​ງານ​ຄວບ​ຄຸມ​ໄຟ​ປ່າ ໃຫ້​ມີ​ປະສິດທິພາບ​ສູງ​ຍິ່ງ​ຂຶ້ນ​ໃນຕໍ່ໜ້າ. ຂະ​ນະ​​ດ​ຽວ​ກັນ, ຂ່າວສານ​ສະ​ປຸດ​ນິກ ຣັດ​ເຊຍ (Sputnik) ລາຍ​ງານ​ວັນ​ທີ 24 ທັນວາ ນີ້, ທ່ານ ນີ​ໂກ​ລາຍ ຮາ​ລີ​ໂຕ​ນອຍ ປະທານ​ຄະນະ​ກຳມະການ​ຂົ້ວ​ໂລກ​ເໜືອ ຣັດ​ເຊຍ ກ່າວ​ວ່າ: ການ​ກະທຳ​ທີ່​ອາ​ເມ​ຣິ​ກາ​ຂະຫຍາຍ​ອະທິປະ​ໄຕ​ເໜືອ​ໄຫຼ່​ທະວີບ​ຢູ່​ຂົ້ວ​ໂລກ​ເໜືອ​ແຕ່​ພຽງ​ຝ່າຍ​ດຽວ​ແມ່ນ​ບໍ່​ສາມາດ​ຮັບ​ເອົາ​ໄດ້, ສິ່ງ​ນີ້​ອາດ​ຈະ​ເຮັດ​ໃຫ້​ສະຖານະ​ການ​ເຄັ່ງ​ຕຶງ​ຂຶ້ນ. ເນື່ອງ​ຈາກ​ວັນ​ທີ 19 ທັນວາ ນີ້, ກະຊວງ​ການ​ຕ່າງປະເທດ​ສະຫະລັດ​ອາ​ເມ​ຣິ​ກາ ອອກ​ຖະແຫຼງການ ໂດຍ​ປະກາດ​ຄວາມ​ຮຽກຮ້ອງ​ທີ່​ຂະຫຍາຍ​ອະທິປະ​ໄຕ​ເໜືອ​ໄຫຼ່​ທະວີບ​ນອກ​ຢູ່​ຂົ້ວ​ໂລກ​ເໜືອ ແລະ ເຂດ​ທະເລ​ເບຣີງ​ແຕ່​ພຽງ​ຝ່າຍ​ດຽວ. ໃນ​ນີ້ ເນື້ອທີ່​ໄຫຼ່​ທະວີບ​ທີ່​ກ່ຽວຂ້ອງ​ມີ​ປະມານ 1.000.000 ກິ​ໂລ​ຕາ​ແມັດ, ໃນ​ທ່າມກາງ, ຈຳນວນ​ຜູ້​ຍົກຍ້າຍ​ເຂົ້າ​ໄປ​ອາ​ເມ​ຣິ​ກາ​ທີ່​ຜິດ​ກົດໝາຍ ກໍ​ສືບຕໍ່​ເພີ່ມ​ຂຶ້ນ​ຫຼາຍ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ