ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ຮິວ​ໂກ້ ນັກກີລາ​ບານເຕະ​ເຊື້ອສາຍ​ລາວ​ ໄດ້​ໂອກາດ​ລົງ​ຫຼິ້ນ​ໃນ​ລີກ​ສູງ​ສຸດ​ຂອງ​ຝຣັ່ງ
ເວລາອອກຂ່າວ: 2024-02-20 08:56:26 | ຜູ້ຂຽນ : admin3 | ຈຳນວນຄົນເຂົ້າຊົມ: 74 | ຄວາມນິຍົມ:



ຮິວ​ໂກ້ ບຸດ​ສິງ​ຄຳ ນັກ​ເຕະບານ​ກອງ​ຫຼັງ​ເຊື້ອສາຍ​ລາວ ສັນຊາດ​ຝຣັ່ງ ໄດ້​ຮັບ​ໂອກາດ​ລົງ​ຫຼິ້ນ​ໃນ ລີກ​ອ໋ອງ ເຊິ່ງ​ເປັນ​ລີກ​ສູງ​ສຸດ​ຂອງ​ຝຣັ່ງ​ເປັນ​ນັດ​ທີ 2 ທີ່​ໄດ້​ລົງ​ຫຼິ້ນ​ໃນ​ລະດູ​ການ​ນີ້​ກັບ​ຕົ້ນ​ສັງກັດ ສະໂມສອນ ນ໊ອງ ນັດ​ທີ່ສະໂມສອນ​ນ໊ອງ ບຸກ​ໄປ​ຊະນະ ຕູ​ລູສ ດ້ວຍ​ຄະແນນ 2-1 ປະຕູ, ເປັນນັດ​ທີ 21 ຂອງ​ລີກ​ລະດູ​ການ​ນີ້ ໂດຍ ຮິວ​ໂກ້ ໄດ້​ລົງ​ຫຼິ້ນ​ໃນ​ຖານະ​ຕົວ​ສຳຮອງ. ກ່ອນ​ໜ້າ​ນີ້ ຮິວ​ໂກ້ ໄດ້​ລົງ​ຫຼິ້ນ​ລີກ​ອ໋ອງ​ນັດ​ທຳ​ອິດ ນັດທີ່ ສະໂມສອນ ນ໊ອງ ສະເໝີສະໂມ ສອນ​ແຣັງ​ດ້ວຍ​ຄະແນນ 0-0 ປະຕູ ໃນ​ທ້າຍ​ເດືອນ ​ມັງກອນ​ຜ່ານ​ມາ, ລົງ​ຫຼິ້ນ​ໃນ​ຖາ​ນະ​​ຕົວ​ສຳຮອງ. ລວມ​ແລ້ວ ຮິວ​ໂກ້ ໄດ້​ລົງ​ຫຼິ້ນ​ໃນ​ສັງວຽນ​ລີກ​ອ໋ອງ​ແລ້ວ 2 ນັດ ເຖິງ​ວ່າ​ຈະ​ໄດ້​ລົງ​ຫຼິ້ນ​ໃນ​ໄລຍະ​ທ້າຍ​ເກມ​ກໍ​ຕາມ, ແຕ່​ຮິວໂກ້​ມີ​ລາຍ​ຊື່​ເປັນ​ຕົວ​ສຳຮອງ​ທັງ 4 ນັດ​ຜ່ານ​ມາ ແລະ ມີ​ໂອກາດ​ໄດ້​ລົງ​ຫຼິ້ນ​ເປັນ​ຕົວ​ຈິງ​ໃນ​ນັດ​ຕໍ່​ໄປ. ປັດຈຸບັນ ຮິວ​ໂກ້ ບຸດ​ສິງ​ຄຳ ອາ ຍຸ 21 ປີ, ສັງກັດ​ກັບ​ສະໂມສອນ ນ໋ອງ ແລະ ເຄີຍ​ລົງ​ຫຼິ້ນ​ໃນ​ມີ​ຊຸດ​ເຍົາວະ​ຊົນ​ຂອງ​ສະໂມສອນ ນ໋ອງ ເຊິ່ງ​ລາວ​ຖະໜັດ​ຫຼິ້ນ​ໃນ​ຕຳແໜ່ງ​ກອງ​ຫຼັງ​ເບື້ອງ​ຊ້າຍ ແລະ ຖືກ​ດັນ​ຂຶ້ນ​ສູ່​ທີມ​ຊຸດ​ໃຫຍ່​ໃນ​ລະດູ​ການ​ນີ້. ລະດູ​ການ 2021-24 ຮິວໂກ້ ຮັບໃຊ້​ທີມ​ສຳຮອງ​ຂອງ​ສະໂມ ສອນ ນ໊ອງ ແລະ ລົງ​ຫຼິ້ນ​ລວມ​ທັງ​ໝົດ 49 ນັດ ສາມາດ​ຍິງ​ໄດ້ 3 ປະຕູ, ລະດູ​ການ 2022-23 ຊ່ວຍ​ທີມ​ສຳຮອງ​ສະໂມສອນ ນ໊ອງ ໄດ້​ແຊັມ Championnat National U19 ຂອງປະເທດຝຣັ່ງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ