ວັນຈັນ, ວັນທີ 14 ຕຸລາ 2024
ກອງພັນໃຫຍ່ 643 ເປີດບັ້ນອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-02-21 09:06:29 | ຜູ້ຂຽນ : admin1 | ຈຳນວນຄົນເຂົ້າຊົມ: 646 | ຄວາມນິຍົມ: 
ໃນກາງເດືອນກຸມພາ ນີ້, ກອງພັນໃຫຍ່ 643 ໄດ້ເປີດບັ້ນ ອົບຮົມ-ຫັດແອບວຽກງານການເມືອງ, ການທະຫານ ແລະ ພະລາທິການ-ເຕັກນິກ ປະຈຳປີ 2024, ໂດຍການເປັນປະທານຂອງສະຫາຍ ພັນເອກ ບຸນຍົດ ພົງສະຫວັດ ຮອງຫົວໜ້າກົມປ້ອງກັນອາກາດ ກົມໃຫຍ່ເສນາທິການກອງທັບ, ມີສະຫາຍ ພັນເອກ ບົວລອຍ ດວງລາວົງ ຫົວໜ້າການທະຫານ ກອງພັນໃຫຍ່ 643, ມີຄະນະພັກ-ຄະ ນະບັນຊາ ຕະຫຼອດຮອດພະນັກ ງານ-ນັກຮົບເຂົ້າຮ່ວມ.
ສະຫາຍ ພັນໂທ ແສງຈັນ ຈັນນະສຸກ ຮັກສາການ ຫົວໜ້າພະແນກເສນາທິການ ກອງພັນໃຫຍ່ 643 ໄດ້ຜ່ານແຜນການອົບຮົມ-ຫັດແອບ ປະຈຳປີ 2024. ໂດຍຈຸດປະສົງ ເພື່ອແນໃສ່ເຮັດໃຫ້ພະນັກງານ-ນັກຮົບ ມີແນວຄິດການເມືອງໜັກແໜ້ນ, ຍົກສູງລະ ດັບຄວາມຮູ້ ຄວາມສາມາດ ທາງ ດ້ານສິລະປະຍຸດ-ຍຸດທະວິທີ ແລະ ລະດັບວິຊາສະເພາະຂອງເຫຼົ່າຮົບໃຫ້ນັບມື້ສູງຂຶ້ນ, ກຳໄດ້ບັນ ດາຫຼັກການເນື້ອໃນບົດຮຽນທັງພາກທິດສະດີ ແລະ ພາກປະຕິບັດຕົວຈິງ ເພື່ອຮັບປະກັນການກຽມ ພ້ອມສູ້ຮົບໃນທຸກສະພາບການ ແລະ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ແລະ ຍາວນານ, ອີກດ້ານໜຶ່ງກໍເພື່ອຊຸກຍູ້ພະນັກງານ-ນັກຮົບ ໃຫ້ມີສະຕິໃນການຈັດຕັ້ງປະຕິບັດລະບຽບວິໄນຂອງກອງທັບໃຫ້ເຂັ້ມງວດ, ຊຸກຍູ້ການຄຸ້ມຄອງ ແລະ ປົກປັກຮັກສາພາຫະນະ, ອາ ວຸດຍຸດໂທປະກອນໃຫ້ສາມາດນຳໃຊໄດ້ໄດ້ຍາວນານ. ສຳລັບບັ້ນອົບຮົມ-ຫັດແອບ ຄັ້ງນີ້ ໄດ້ແບ່ງອອກເປັນສອງໄລຍະຄື: ໄລຍະທີ I ເລີ່ມແຕ່ ເດືອນກຸມພາ -ມິຖຸນາ 2024, ໄລຍະທີ II ເລີ່ມແຕ່ ເດືອນກໍລະກົດ-ພະຈິກ2024, ກຳນົດເວລາອົບຮົມ-ຫັດແອບ ທັງໝົດ 180 ວັນ. ໃນພິທີ ຍັງໄດ້ຜ່ານແຜນການເນື້ອໃນຂໍ້ແຂ່ງຂັນ ປະຈຳປີ 2024 ແລະ ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບ, ອະນຸກຳມະການຂະບວນການແຂ່ງຂັນ ຂອງກອງພັນໃຫຍ່ 643 ເພື່ອເຮັດໃຫ້ບັ້ນອົບຮົມ-ຫັດແອບຄັ້ງນີ້ ມີບັນຍາກາດຟົດຟື້ນ ແລະ ກວ້າງຂວາງ.
ໂອກາດນີ້, ສະຫາຍ ຮອງຫົວໜ້າກົມປ້ອງກັນອາກາດ ໄດ້ກ່າວເປີດພິທີພ້ອມທັງ ຮຽກ ຮ້ອງໃຫ້ພະນັກງານ-ນັກຮົບ ທົ່ວກອງພັນໃຫຍ່ 643 ຈົ່ງເປັນເຈົ້າການໃນການເຂົ້າຮ່ວມອົບຮົມ-ຫັດແອບຕາມແຜນການຂອງກົມກອງ, ເອົາໃຈໃສ່ອົບຮົມ-ຫັດແອບໃຫ້ເຂັ້ມງວດ, ຈັດຕັ້ງປະຕິບັດໃຫ້ສຳເລັດຕາມແຜນ ການທີ່ວາງໄວ້ ແລະ ຮັບປະກັນຄວາມປອດໄພ 100%.
ໂດຍ: ຄຳໝັ້ນ ຄົງວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
