ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຫຼາຍ​ກົມ​ກອງ​ໄດ້​ຮັບ​ການ​ຢັ້ງຢືນ​ ເປັນ​ກອງ​ປອດ​ໃສ ປອດ​ໄພ ປອດ​ຄະດີ
ເວລາອອກຂ່າວ: 2024-02-22 09:00:57 | ຜູ້ຂຽນ : admin1 | ຈຳນວນຄົນເຂົ້າຊົມ: 377 | ຄວາມນິຍົມ:



ສະຫາຍ ພັນ​ເອກ ພອນໄຊ ບໍ​ລະດົມ ຫົວໜ້າ​ການເມືອງ​ກອງພັນ​ໃຫຍ່ 497 ໃຫ້​ຮູ້​ວ່າ: ການ​ກໍ່ສ້າງ​ກອງ​ປອດ​ໃສ ປອດ​ໄພ ປອດ​ຄະດີ ໃນ​ໄລຍະ​ຜ່ານ​ມາ, ຄະນະ​ພັກ-ຄະນະ​ບັນຊາ ໄດ້​ ປະຕິບັດ​ຕາມ​ທີດ​ຊີ້​ນຳຂອງກົມ ປ້ອງ​ກັນ​ພາຍ​ໃນ ກົມ​ໃຫຍ່​ການ ເມືອງ​ກອງທັບ ເພື່ອ​ເປັນ​ບ່ອນ​ອີງ​ໃນ​ການ​ກໍ່ສ້າງ​ກົມ​ກອງ​ປອດ​ໃສ ປອດ​ໄພ ປອດ​ຄະດີ ຕິດ​ພັນ ​ກັບ​ການ​ກໍ່ສ້າງ​ໜ່ວຍພັກປອດ ​ໃສ ເຂັ້ມແຂງ ໜັກ​ແໜ້ນ, ຮັບ ປະກັນ​ເຮັດ​ໃຫ້​ພະນັກງານ-ນັກ ຮົບ ມີ​ແນວ​ຄິດ-ການເມືອງໜັກ​ ແໜ້ນ, ເຂັ້ມແຂງ​ທາງ​ດ້ານ​ການ ຈັດຕັ້ງ ແລະ ມີ​ແບບແຜນ​ໃນ​ການ​ນຳພາ-ບັນຊາ ສາມາດເຮັດ ​ລ້ອນໜ້າ ທີ່​ການເມືອງ​ທີ່​ກົມ​ກອງ​ ກໍ​ຄື​ການຈັດຕັ້ງ​ຂັ້ນເທິງ ​ມອບ​ໝາຍ​ໃຫ້, ສາມາດຕ້ານ ແລະ ສະກັດ​ກັ້ນປະກົດ​ການ ຫຍໍ້ທໍ້ໍ້ພາຍໃນກົມກອງ ​​ເປັນຕົ້ນ​ແມ່ນ​ບັນຫາ​ແນວ​ຄິດ​ສັບສົນ, ໄພ​ສັງຄົມ, ບັນຫາ​ຢາ​ເສບ​ຕິດ, ໜີ້​ສີນ​ຄຸ້ມ​ເຄືອ ແລະ ບັນຫາ​ອື່ນໆ ຍາມ​ໃດ ​ຄະນະພັກ-ຄະນະ​ບັນຊາ​ ກໍຖື​ເອົາ 5 ຫຼັກການ 3 ທິດ​ນຳ​ຂອງ​ພັກ ​ເປັນ​ໄມ້​ຫຼາ​ວັດແທກ​ຄຸນ​ທາດ ການເມືອງ​ຂອງ​ພະນັກງານ​ສະມາຊິກ​ພັກ ເຊິ່ງ​ສະແດງ​ອອກ​ໃນ​ການຕີລາຄາ, ແບ່ງ​ປະ​​ເພດໃນການປະ​ເມີນ​ຜົນ​ການ​ກໍ່ສ້າງ​ກອງ 3 ປອດ(ປອດ​ໃສ ປອດ​ໄພ ປອດ​ຄະດີ) ປອດ​ໃສ ດີເດັ່ນ​ກ້າວໜ້າ​ດ້ານ​ການເມືອງ​ກວມ​ເອົາ 95,43%, ປະເພດ​ສັບສົນ​ຫຍໍ້ທໍ້​ດ້ານ​ການເມືອງ​ແນວ​ຄິດ​ເທົ່າ​ກັບ 4,56% ພ້ອມ ​ນັ້ນ, ຍັງໄດ້ມອບໃບຢັ້ງຢືນກອງ ປອດ​ໃສ ປອດ​ໄພ ປອດຄະດີ ປະ ຈຳ​ປີ 2023 ໃຫ້ 5 ພະແນກ ການ, 3 ກອງພັນ​ ແລະ 1 ກອງຮ້ອຍ​ເອກະລາດ ໃນນັ້ນ, ປະເພດ I ລວມ​ມີ 18 ຫົວໜ່ວຍ​ກົມ​ກອງ​ຄື: ໜ່ວຍ​ພັກ ​ພະແນກການ​ເມືອງ, ໜ່ວຍ​ພັກ​ ພະ​ແນກ​ເຕັກນິກ, ໜ່ວຍ​ພັກ​ທີ I ພະ​ແນກ​ເສນາ​ທິ​ການ, ໜ່ວຍ​ພັກ​ທີ II ພະ​ແນກ​ເສນາ​ທິ​ການ, ໜ່ວຍ​ພັກ​ທີ III ພະ​ແນກ​ເສນາ​ທິ​ການ, ໜ່ວຍ​ພັກ​ທີ I ພະ​ແນກ​ພະລາທິການ, ໜ່ວຍ​ພັກ​ທີ II ພະ ​ແນກ​ພະລາທິການ, ໜ່ວຍພັກ​ ທີ I ກອງພັນ 424, ໜ່ວຍ​ພັກ​ທີ II ກອງພັນ 424, ໜ່ວຍ​ພັກ​ທີ III ກອງພັນ 424, ໜ່ວຍ​ພັກ​ທີ I ກອງພັນ 423, ໜ່ວຍ​ພັກ​ທີ II ກອງພັນ 423, ໜ່ວຍ​ພັກ​ທີ III ກອງພັນ 423, ໜ່ວຍ​ພັກ​ທີ I ກອງພັນ 428, ໜ່ວຍ​ພັກ​ທີ II ກອງພັນ 428, ໜ່ວຍ​ພັກ​ທີ III ກອງພັນ 428, ໜ່ວຍ​ພັກ​ທີ IV ກອງພັນ 428 ແລະ ​ປະເພດ II ມີ 2 ຫົວໜ່ວຍ​ກົມ​ກອງ​ຄື: ໜ່ວຍ​ພັກ​ພະ​ແນກ​ບໍລິຫານ ແລະ ໜ່ວຍ​ພັກ​ທີ III ພະ​ແນກ​ພະລາທິການ ​ຢ່າງ​ສົມ​ກຽດ. ສະຫາຍ ຫົວໜ້າ​ການເມືອງ​ກອງພັນ​ໃຫຍ່ 497 ຍັງ​ກ່າວ​ຕື່ມ ​ອີ​ກວ່າ: ສຳລັບ​ທິດ​ທາງ​ແຜນ ການຕໍ່ໜ້າ ຄະນະ​ພັກ-ຄະນະ​ບັນ ຊາ ຈະ​ໄດ້​ສ້າງ​ໃຫ້​ກົມກອງ ​ມີ​ຄວາມ​ປອດ​ໃສ​ທາງ​ດ້ານ​ການ ເມືອງ-ແນວ​ຄິດ, ເຂັ້ມແຂງ​ທາງ​ດ້ານ​ການຈັດຕັ້ງ, ຮັບປະກັນ​ເຮັດ​ໃຫ້​ພະນັກງານ-ນັກຮົບ ຮູ້​ປ້ອງ​ກັນ​ຕົນ​ເອງ, ປ້ອງ​ກັນ​ການຈັດຕັ້ງ ແລະ ປ້ອງ​ກັນ​ກົມ​ກອງ​ໃຫ້​ມີ​ຄວາມ​ປອດ​ໃສ ປອດ​ໄພ ປອດ​ຄະດີ; ຕ້ານ ແລະ ສະກັດ​ກັ້ນ​ປະ ກົດ​ການ​ຫຍໍ້ທໍ້​ຕ່າງໆ ​ທີ່​ເປັນ​ການ​ລວງ​ລະເມີດ​ລະບຽບ​ວິໄນ​ຂອງ​ກອງທັບ ກໍຄືຂອງ​ກົມ​ກອງ ໃຫ້​ຂາດ​ຕົວ ພ້ອມ​ກັນ​ສຸມ​ໃສ່​ສ້າງ​ໃຫ້​ກົມ​ກອງ ​ມີ​ຄວາມ​ປອດ​ໃສ ປອດ​ໄພ ປອດ​ຄະດີ ເພີ່ມ​ຂຶ້ນ​ທາງ​ດ້ານ​ຈຳນວນ ແລະ ຄຸນ​ນະ​ພາບ. ໂດຍ: ເປີ້ນ ແສງ​ຄຳ​ມີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ