ວັນຈັນ, ວັນທີ 14 ຕຸລາ 2024
ອາວ ອິດທີຮັດ ຜ່ານເຂົ້າຮອບ 8 ທີມສຸດທ້າຍ ໃນເອເອັຟຊີ ແຊັມປຽນລີກ
ເວລາອອກຂ່າວ: 2024-02-27 10:27:04 | ຜູ້ຂຽນ : admin1 | ຈຳນວນຄົນເຂົ້າຊົມ: 315 | ຄວາມນິຍົມ: 
ລາຍການເຕະບານ ເອເອັຟຊີ ແຊັມປຽນລີກ ລະດູການ 2023-24 ຮອບ 16 ທີມສຸດທ້າຍ, ນັດທີ 2 ອາວ ອິດທີຮັດ ຈາກອາຣາບີ ຊາອຸດິດ ແຊັມ 2 ສະໄໝ ເປີດສະໜາມແຊງຊະນະນາຟບາຮໍ ຈາກອຸດສະເບກິດສະຖານ 2-1 ປະຕູ, ຖືກນຳກ່ອນຈາກການຍິງ ເຂົ້າປະຕູຕົນເອງຂອງຄາຣິມ ເບັນເຊມາ ອະດີດກອງໜ້າ ຣຽວ ມາດຣິດ, ແຕ່ສາມາດຍິງແຊງ 2 ປະຕູ, ລວມຜົນ 2 ນັດ ອາວ ອິດທີຮັດ ຊະນະ 2-1 ປະຕູເຂົ້າຮອບ 8 ທີມສຸດທ້າຍຕໍ່ໄປ. ສຳລັບຮອບ 8 ທີມ, ອາວ ອິດທີຮັດ ເຂົ້າໄປພົບກັບ ອາວ ຮີລານ ເພື່ອນຮ່ວມລີກແຊັມສູງສຸດ 4 ສະໄໝ ທີ່ຊະນະ ເຊປາຮານ ຈາກອີຣານ 3-1 ປະຕູ ທັງ 2 ນັດ ລວມຜົນ 6-2 ປະຕູ. ໃນຮອບ 8 ທີມສຸດທ້າຍ ຍັງມີ ອາວ ນາສເຊີ ອີກໜຶ່ງທີມຈາກ ອາຣາບີ ຊາອຸດິດ ພົບກັບ ອາວອາຍ ຈາກສະຫະລັດ ອາຣັບ ເອມີເຣດ; ຊານຕົງ ໄທຊານ ຈາກຈີນ ພົບ ໂຢໂກຮາມ້າ ເອັຟ ມາຣີນັອສ ຈາກຍີ່ປຸ່ນ, ຈຸນບັກ ມໍເຕີ ພົບ ອຸນຊານ ຮຸນໄດ ສອງທີມຈາກ ສ ເກົາຫຼີ.
ສຳລັບການແຂ່ງຂັນໃນຮອບ 8 ທີມ, ນັດທີ 1 ຈະແຂ່ງຂັນວັນທີ 4-6 ມີນາ ແລະ ນັດທີ 2 ຈະແຂ່ງຂັນວັນທີ 11-13 ມີນາ 2024.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
