ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງ​ພົນ​ທີ 1 ປະກາດ ​ທະຫານ​ຈົບ​ພັນທະ​ສືບຕໍ່​​ທະຫານ​ອາຊີບ
ເວລາອອກຂ່າວ: 2024-02-28 08:59:06 | ຜູ້ຂຽນ : admin1 | ຈຳນວນຄົນເຂົ້າຊົມ: 216 | ຄວາມນິຍົມ:



ໃນ​ກາງ​ເດືອນ​ກຸມພາ 2024 ນີ້, ກອງ​ພົນ​ທີ1 ໄດ້​ຈັດ​ພິທີ​ປະກາດ​ທະຫານ​ຈົບ​ພັນທະ​ສືບຕໍ່​​ທະຫານ​ອາຊີບ, ໂດຍ​ການ​ເປັນ​ປະທານ ຂອງ​ສະຫາຍ ພົນ​ຈັດຕະວາ ອຸ່ນ​ຈັນ ແດງ​ວັນ​ສົມ ຫົວໜ້າ​ການ​ທະຫານ ກອງ​ພົນ​ທີ 1, ມີ​ຄະນະ​ພັກ-ຄະນະ​ບັນຊາ, ອົງການ, ກອງພັນ​ໃຫຍ່, ພະແນກການ ແລະ ກົມ​ກອງທີ່​ກ່ຽວເຂົ້າ​ຮ່ວມ. ສະຫາຍ ພັນ​ໂທ ທອງ​ພອນ ສີ​ສຸພັນ ຫົວໜ້າ​ພະ​ແນກ​ກຳລັງ​ພົນ ໄດ້​ຜ່ານ​ຂໍ້​ຕົກລົງ ​ຂອງ​ກົມ​ກຳລັງ​ພົນ ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ອະນຸມັດ​ທະຫານ​ພັນທະ​ສືບຕໍ່​ທະຫານ​ອາຊີບ ປະຈຳ​ປີ 2022, ອີງ​ຕາມ​ກົດໝາຍ​ພັນທະ​ປ້ອງ​ກັນ​ຊາດ ແລະ ຂໍ້​ກຳນົດ ວ່າ​ດ້ວຍ​ລະບຽບ​ຂອງ​ນາຍ​ສິບ ແລະ ພົນທະຫານ​ໃນ​ກອງທັບ​ປະຊາຊົນ​ລາວ​ ສະບັບ​ປັບປຸງ​ໃໝ່ ໝວດ​ທີ IV ມາດຕາ​IX, ອີງ​ຕາມ​ ການ​ຕົກລົງ​ ຂອງ​ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ອະນຸມັດ​ທະຫານ​ພັນທະ​ສືບຕໍ່​ເຂົ້າ​ເປັນ​ທະຫານ​ອາຊີບ, ເຊິ່ງ​ໄດ້​ຮັບ​ການ​ອະນຸມັດ​ຈາກ​ກົມ​ໃຫຍ່​ເສນາ​ທິ​ການ​ກອງທັບ ປະກອບ​ຢູ່​ກອງ​ພົນ​ທີ 1 ຈຳນວນ 394 ສະຫາຍ. ໃນ​ໄລຍະ​ຜ່ານ​ມາ ​ບັນດາ​ສະຫາຍ​ເຫຼົ່ານັ້ນ​​ໄດ້​ເອົາໃຈໃສ່​ສຸມ​ທຸກ​ເຫື່ອ​ແຮງ, ສະຕິ​ປັນຍາ ເຂົ້າ​ໃນ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ດ້ວຍ​ຄວາມ​ຮັບຜິດຊອບ​ສູງ, ​ຕັ້ງໜ້າ​ປະຕິບັດ ມະຕິ,​ຄຳ​ສັ່ງ, ຂໍ້​ກຳນົດ, ກົດ​ລະບຽບ​ຂອງກອງທັບ​ໄດ້​ເປັນ​ຢ່າງ​ດີ ໂດຍ​ສະເພາະ​ແມ່ນ​ໄດ້​ຕັ້ງໜ້າ​ປະກອບສ່ວນ​ເຂົ້າ​ໃນ​ຂະ​ບວນ​ການເຄື່ອນໄຫວ​ເຮັດ​ໜ້າທີ່​ແກ້​ໄຂ​ໜໍ່​ແໜງ​ຄວາມ​ບໍ່​ສະຫງົບ ແລະ ປະກົດ​ການ​ຫຍໍ້ທໍ້​ຕ່າງໆ ​ໃນ​ສັງຄົມ, ເຮັດ​ໃຫ້​ສະພາບ​ກົມ​ກອງ​ຮັບຜິດຊອບ ມີ​ຄວາມ​ສະຫງົບ​ປອດ​ໄພ​ໂດຍ​ພື້ນຖານ. ໂອກາດ​ສຳຄັນ​ນີ້, ສະຫາຍພົນ​ຈັດຕະວາ ອຸ່ນ​ຈັນ ແດງ​ວັນ​ສົມ ໄດ້​ເນັ້ນ​ໜັກ​ໃຫ້​ແຕ່​ລະ​ສະຫາຍ​ທີ່​ຈົບ​ທະຫານ​ພັນທະ​ສືບຕໍ່​ເຂົ້າ​ເປັນ​ທະຫານ​ອາຊີບ​ຄັ້ງ​ນີ້, ຈົ່ງ​ຍົກ​ສູງ​ໜ້າທີ່, ສິດ ແລະ ຂອບ​ເຂດ​ຂອງ​ນາຍ​ສິບ​ຢ່າງ​ເຕັມ​ສ່ວນ​ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ເຂົ້າ​ໃນ​ການ​ເຝີກ​ແອບ​ຮໍ່າຮຽນ, ຮຽນ​ການເມືອງ, ການ​ທະຫານ-ເຕັກນິກ​ວິຊາ​ສະເພາະ​ໃຫ້​ສູງ ມີ​ທັດສະນະ​ຄຸນສົມບັດ​ສິນ​ທຳ​ປະຕິວັດ, ປະຕິບັດ​ມະຕິ,​ ຄຳ​ສັ່ງ​ຂອງ​ຜູ້​ບັນຊາ​ປະກອບ​ສ່ວນ​ເຄື່ອນ​ໄຫວ​ໜ້າ​ທີ່່​ວຽກ​ງານ​ຂອງ​ກົມ​ກອງ, ປະຕິບັດ​ຂໍ້​ກຳນົດ, ​ກົດ​ລະບຽບ​ຂອງ​ກອງທັບ, ຂອງ​ກົມ​ກອງ, ມີ​ຄວາມ​ສາມັກຄີ​ເຊິ່ງ​ກັນ ແລະ ກັນ, ປົກ​ປັກ​ຮັກສາ​ວັດຖຸ​ສວນ​ລວມ​ທີ່​ປະກອບ​ໃຫ້ ແລະ ປົກ​ປັກ​ຮັກສາ​ເສີມ​ຂະຫຍາຍ​ທາດ​ແທ້​ມູນເຊື້ອ​ຂອງ​ຊາດ​ຂອງ​ກອງທັບ ແລະ ປະຕິບັດ 3 ໜ້າທີ່ 4 ການ​ພົວພັນ​ຂອງ​ນາຍ​ສິບ ແລະ ພົນທະຫານ, ​ມີ​ນ້ຳໃຈ​ເສຍສະຫຼະ​ໃຫ້​ສົມ​ເປັນ​ນັກຮົບ​ປະຕິວັດ​ຜູ້​ສືບ​ທອດ​ທີ່​ຊາດ ແລະ ປະຊາຊົນ​ມອບ​ໝາຍ​ແທ້​ຈິງ. ໂດຍ: ຄຳ​ພຸດ ພານຸ​ວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ