ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ໂຮງຮຽນ​ການ​ທະຫານ​ທ້ອງຖິ່ນ​ແຂວງ​ຜົ້ງ​ສາລີ ເປີດ​ຊຸດ​ອົບຮົມ-ຫັດ​ແອບ ໃຫ້​ທະຫານ​ໃໝ່
ເວລາອອກຂ່າວ: 2024-02-28 09:00:46 | ຜູ້ຂຽນ : admin1 | ຈຳນວນຄົນເຂົ້າຊົມ: 232 | ຄວາມນິຍົມ:



ໂຮງຮຽນ​ການ​ທະຫານ​ທ້ອງຖິ່ນ​ແຂວງ​ຜົ້ງ​ສາລີ ໄດ້​​ເປີດ​ຊຸດ​ອົບຮົມ-ຫັດ​ແອບ ການ​ທະຫານ, ການເມືອງ, ພະລາ ທິການ ແລະ ເຕັກນິກ​ ໃຫ້​ທະຫານ​ໃໝ່ ຊຸດ​ທີ XVII ໃນ​ບໍ່​ດົນ​ຜ່ານມາ​ນີ້, ໂດຍ​ການ​​ເປັນ​ປະທານ ​ຂອງ​ສະຫາຍ ພັນ​ເອກ ຄຳ​ພອນ ແສນ​ສີ​ວົງສາ ຫົວໜ້າ​ການ​ທະຫານ​ກອງ​ບັນຊາ​ການ​ທະຫານ​ແຂວງ​ຜົ້ງ​ສາລີ, ມີ​ຄະ ນະ​ພັກ-ຄະນະ​ບັນຊາ​ກອງ​ບັນ ຊາ​ການ​ທະຫານ​ແຂວງ, ຄະນະ​ອຳນວຍ​ການ​ໂຮງຮຽນ ແລະ ພະແນກການ​ທີ່​ກ່ຽວຂ້ອງ​ເຂົ້າ​ຮ່ວມ. ສະຫາຍ ພັນ​ໂທ ນຸດ ດວງ​ສີ​ວັນ ຮອງ​ຫົວໜ້າ​ຫ້ອງ​ເສນາ​ທິ​ການ ກອງ​ບັນຊາ​ການ​ທະຫານ​ແຂວງ​ຜົ້ງ​ສາລີ ໄດ້​ຜ່ານ​ຂໍ້​ຕົກລົງ ຂອງ​ກອງ​ບັນຊາ​ການ​ທະຫານ​ແຂວງ​ຜົ້ງ​ສາລີ ວ່າ​ດ້ວຍ​ການ​ອະນຸມັດ​ໃຫ້​ໂຮງຮຽນ​ການ​ທະຫານ​ທ້ອງ ຖິ່ນແຂວງ​ຜົ້ງ​ສາລີ ເປີດ​ຊຸດ​ອົບ ຮົມ-ຫັດ​ແອບໃຫ້​ທະຫານ​ໃໝ່ຊຸດ​ທີ XVII ປະຈຳ​ປີ 2024. ຈາກ​ນັ້ນ, ສະຫາຍ ພັນ​ໂທ ທອງ​ດີ ໄຊ​ທະ​ວົງ ຫົວໜ້າ​ການ​ທະຫານ​ໂຮງຮຽນ​ການ​ທະຫານ​ທ້ອງຖິ່ນ ໄດ້​ຜ່ານ​ແຜນການ​ອົບຮົມ-ຫັດ​ແອບ, ໂດຍ​ຈຸດປະສົງ​​ເພື່ອ​ແນໃສ່​ເຮັດ​ໃຫ້​ທະຫານ​ໃໝ່​ຮັບ​ຮູ້​ເຂົ້າໃຈ​ແຈ້ງ​ຕໍ່​ຂໍ້​ກຳນົດ, ກົດ​ລະບຽບ​ຂອງ​ກອງທັບ ເປັນຕົ້ນ​ແມ່ນ 7 ລະບອບ 18 ວຽກ​ໃນ​ມື້ໜຶ່ງ​ຂອງ​ກອງທັບ, ມີ​ຄວາມ​ຮູ້​ພື້ນຖານ​ທາງ​ດ້ານສິລະ​ປະຍຸດ-ຍຸດທະວິທີ ແລະ ເຊື່ອມ​ຊຶມ​ກຳ​ແໜ້ນ ທາດ​ແທ້​ມູນເຊື້ອ​ຂອງ​ກອງທັບ, ໜ້າທີ່​ການເມືອງຂອງ​ ພັກ ເພື່ອ​ປະກອບສ່ວນ​ເຂົ້າ​ໃນ​ການ​ປົກ​ປັກ​ຮັກສາ ແລະ ສ້າງ ສາ​ພັດທະນາ​ປະເທດ​ຊາດ ໃນ​ສະເພາະ​ໜ້າ ແລະ ຍາວ​ນານ. ສຳລັບ​ເນື້ອ​ໃນ​ການອົບຮົມ-ຫັດ​ແອບ​ປະກອບ​ມີ 3 ພາກ​ຄື: ພາກ​ການເມືອງ, ພາກ​ການ​ທະຫານ, ພາກ​ພະລາທິການ ແລະ ເຕັກ ນິກ, ກຳນົດ​ເວລາອົບຮົມ-ຫັດ​ແອບ 90 ວັນ. ສະຫາຍ ພັນ​ເອກ ຄຳ​ພອນ ແສນ​ສີ​ວົງສາ ໄດ້​ຮຽກຮ້ອງ​ໃຫ້​ຄະນະ​ພັກ-ຄະນະ​ອຳນວຍ​ການ​ໂຮງຮຽນ ລວມ​ທັງຄູ-ອາຈານ ຕ້ອງ​ຍົກ​ສູງ​ຄວາມ​ຮັບຜິດຊອບ​ຕໍ່​ບັ້ນ​ອົບຮົມ-ຫັດ​ແອບ, ກະກຽມ​ເນື້ອ​ໃນ​ບົດ​ສອນ​ຕ່າງໆ​ໃຫ້​ຄົບ​ຖ້ວນ ເພື່ອ​ສົ່ງ​ຄວາມ​ຮູ້​ໃຫ້​ແກ່​ນັກຮຽນ. ສຳລັບ​ທະຫານ​ໃໝ່ ຕ້ອງ​ຕັ້ງໜ້າ​ເຝິກແອບ​ຮໍ່າຮຽນ ທັງ​ພາກ​ທິດ​ສະ​ດີ ແລະ ພຶດຕິ​ກຳ​ຕົວ​ຈິງ, ເຝິກຝົນ​ຫຼໍ່​ຫຼອມ​ຄຸນ ສົມບັດ, ສິນ​ທຳ​ປະຕິວັດ, ມີ​ຄວາມ​ສາມັກຄີ​ຮັກແພງ​ຊ່ວຍເຫຼືອ​ເຊິ່ງ​ກັນ ແລະ ກັນ ໃນ​ເວລາ​ຮໍ່າຮຽນ ກໍ​ຄືເວລາ​ປົກກະຕິ, ດຸໝັ່ນ​ຂະ​ຍັນ​ພຽນ ອອກແຮງ​ງານ​ເພີ່ມ​ພູນ​ຜະ ລິດຜົນ ເພື່ອ​ປະກອບສ່ວນ​ເຂົ້າ​ໃນ​ການ​ແກ້​ໄຂ​ຊີວິດ​ການ​ຢູ່​ຂອງ​ກົມ​ກອງ ຕິດ​ພັນ​ກັບ​ການ​ປັບປຸງ​ກໍ່ສ້າງ​ກົມ​ກອງໃຫ້​ດີ​ຂຶ້ນ​ເທື່ອ​ລະ​ກ້າວ. ໂດຍ: ທອງ​ສຸກ ຈັນ​ຖະໜອມ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ