ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ປະກາດແຕ່ງຕັ້ງ ຮອງຫົວໜ້າການເມືອງໂຮງຮຽນຫົວໜ້າຫ້ອງການເມືອງ
ເວລາອອກຂ່າວ: 2024-02-28 13:51:36 | ຜູ້ຂຽນ : admin2 | ຈຳນວນຄົນເຂົ້າຊົມ: 503 | ຄວາມນິຍົມ:



ຕອນເຊົ້າວັນທີ 28 ກຸມພາ 2024 ນີ້, ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ປະກາດແຕ່ງຕັ້ງ ຮອງຫົວໜ້າການເມືອງໂຮງຮຽນ, ຫົວໜ້າຫ້ອງການເມືອງ, ເປັນກຽດເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ພູມີ ດາລາເພັດ ກຳມະການ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫ່ຍການເມືອງກອງທັບ, ມີກົມພະນັກງານ, ມີຄະນະພັກ-ຄະນະອຳນວຍການໂຮງຮຽນ, ຄະນະພັກ-ຄະນະບັນຊາຫ້ອງການ, ພະແນກການ, ກອງພັນເຂົ້າຮ່ວມ ຢູ່ສະໂມສອນໂຮງຮຽນ. ສະຫາຍ ພັນເອກ ສອນໄຊ ຈັນຍາລາດ ຮອງກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານຂັ້ນສູງ ພັກການຮັບບຳນານ, ກະຊວງປ້ອງກັນປະເທດຕົກລົງໃຫ້ ສະຫາຍ ພັນເອກ ແສງເດືອນ ອິນທິສອນ ຮອງຫົວໜ້າການເມືອງ ຫົວໜ້າຫ້ອງການເມືອງໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ພັກການຮັບບໍານານ ແລະ ຍົກຂັ້ນເງິນເດືອນທຽບເທົ່າຊັ້ນ ພົນຈັດຕະວາ ແລະ ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຮອງຫົວໜ້າການເມືອງໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ອີງຕາມກົດໝາຍ ນາຍທະຫານກອງທັບປະຊາຊົນລາວ(ສະບັບປັບປຸງ) ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງຍົກຍ້າຍນາຍທະຫານ, ອີງຕາມທິດທາງກຽ່ວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ ກະຊວງປ້ອງກັນປະເທດຕົກລົງແຕ່ງຕັ້ງ ພັນໂທ ບຸນມີ ໄຕໄຊຍະວົງ ເປັນຮອງຫົວໜ້າການເມືອງໂຮງຮຽນ ທັງເປັນຫົວໜ້າຫ້ອງການເມືອງ ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ຜູ້ໃໝ່. ໂອກາດນີ້, ສະຫາຍ ພົນຈັດຕະວາ ພູມີ ດາລາເພັດ ກໍ່ໄດ້ມີຄໍາເຫັນໂອ້ລົມຕໍ່ສະຫາຍທີ່ໄດ້ຮັບການແຕ່ງຕັ້ງ, ຮັບໜ້າທີ່ໃໝ່ພ້ອມທັງເນັ້ນໜັກຫຼາຍບັນຫາສຳຄັນເປັນຕົ້ນແມ່ນເອົາໃຈໃສ່ວຽກງານສຶກສາອົບຮົມການເມືອງແນວຄິດເປັນກົກສອດຫ້ອຍເຂົ້າໃນທຸກຂົງເຂດວຽກງານ,ຄະນະພັກ-ຄະນະບັນຊາ ຕ້ອງຮັກສາແໜ້ນຄວາມສາມັກຄີ ເປັນເອກະພາບ ປະຕິບັດຕາມຫຼັກການ ລວມສູນປະຊາທິປະໄຕ ມອບໃຫ້ບຸກຄົນຮັບຜິດຊອບ, ປົກປັກຮັກສາຜົນງານ ຄຸນງາມຄວາມດີ, ເສີມຂະຫຍາຍທາດແທ້ມູນເຊື້ອຂອງກົມກອງກໍ່ຄືຂອງໂຮງຮຽນໄວ້ໃຫ້ດີ ແລະ ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງກ່ວາເກົ່າ, ເອົາໃຈໃສ່ ປັບປຸງກໍ່ສ້າງກຳລັງໃຫ້ເຂັ້ມແຂງຮອບດ້ານຖືຄຸນະພາບເປັນກົກ, ກຳແໜ້ນແນວທາງຂອງພັກ, ເປັນແບບຢ່າງນຳໜ້າໃນທຸກຂົງເຂດວຽກງານ, ຕັ້ງໜ້າຝຶກຝົນຫຼໍ່ຫຼອມຕົນເອງຮອບດ້ານ, ຊອກຮູ້ຮ່ຳຮຽນສ້າງຕົນເອງໃຫ້ກາຍເປັນພະນັກງານທີ່ດີເດັ່ນ, ເອົາໃຈໃສ່ປັບປຸງແບບແຜນວິທີເຮັດວຽກແບບລວມສູນປະຊາທິປະໄຕ, ແບບມີວິທະຍາສາດ, ເຄົາລົບ ແລະ ປະຕິບັດຫຼັກການນຳພາຂອງພັກ, ສຸມໃສ່ນຳພາຈັດຕັ້ງປະຕິບັດ 4ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງໄປຄຽງຄູ່ກັບການກໍ່ສ້າງກົມກອງໃຫ້ມີຄວາມເຂັ້ມແຂງ, ໜັກແໜ້ນ, ມີລະບຽບແບບແຜນທີ່ທັນສະໄໝ ມີຄວາມກ້າວໜ້າຂຶ້ນໄປເລື້ອຍໆ. ໂດຍ :ຄຳແປງ ຟອງສາຍໄໝ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ