ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ບຣາ​ຊິນ ຄອງ​ແຊັມ​ເຕະບານ​ຫາດ​ຊາຍ ຊີງ​ແຊັມ​ໂລກ 2024
ເວລາອອກຂ່າວ: 2024-02-29 10:07:22 | ຜູ້ຂຽນ : admin1 | ຈຳນວນຄົນເຂົ້າຊົມ: 55 | ຄວາມນິຍົມ:



ບຣາ​ຊິນ ເພີ່ມ​ສະຖິຕິ​ຄອງ​ແຊັມ​ສູງ​ສຸດ ສະໄໝ​ທີ 6 ຕໍ່​ຈາກ​ປີ 2017, ເປັນ​ແຊັມ​ເຕະບານ​ຫາດ​ຊາຍ​ແບບ​ໄຮ້​ປະ​ລາ​ໄຊ ທັງ 6 ນັດ, ຊະນະ 5 ສະເໝີ 1, ທີ່​ສະຫະລັດ ອາ​ຣັບ ເອ​ມີ​ເຣດ. ຂະນະ​ທີ່ ອີ​ຕາ​ລີ ພາດ​ໂອກາດ​ຄອງ​ແຊັມ​ຄັ້ງ​ທຳ​ອິດ ໄດ້​ຮອງ​ແຊັມ​ເປັນ​ຄັ້ງ​ທີ 3 ຕໍ່​ຈາກ​ປີ 2008, 2019; ທີ 3 ເປັນ​ຂອງ ອີ​ຣານ ຊະນະ ເບ​ລາ​ຣຸ​​ສ 6-1 ປະຕູ, ອີ​ຣານ ໄດ້​ທີ 3 ເປັນ​ເທື່ອ​ທີ 2 ຕໍ່​ຈາກ​ປີ 2017; ສ່ວນ ເບ​ລາ​ຣຸ​​ສ ໄດ້​ທີ 4 ຄັ້ງ​ທຳ​ອິດ ເປັນ​ຜົນງານ​ດີ​ສຸດ​ຂອງ​ທີມ. ສ່ວນ​ລາງວັນ​ນັກ​ກິລາ​ດີເດັ່ນ​ແມ່ນ ໂຈ​ເຊັບ ຈູ​ເນຍ ທີມ​ຊາດ​ອີ​ຕາ​ລີ; ລາງວັນ​ດາວ​ຍິງ​ປະຕູ​ສູງ​ສຸດ​ແມ່ນ: Ihar Bryshtel ທີມ​ຊາດ​ເບ​ລາ​ຣຸ​​ສ 12 ປະຕູ, ລາງວັນ​ຜູ້​ຮັກສາ​ປະຕູ​ດີເດັ່ນ​ແມ່ນ Tiago Bob ທີມ​ຊາດ​ບຣາ​ຊິນ ແລະ ລາງວັນ​ທີມ​ມາລະຍາດ​ດີເດັ່ນ​ຄື: ທີມ​ຊາດ ປັອກ​ຕຸຍ​ການ. ສຳລັບ​ຄັ້ງ​ຕໍ່​ໄປ ປະເທດ ເຊ​ແຊນ (Seychelles) ຈະ​ເປັນ​ເຈົ້າພາບ​ໃນ​ປີ 2025, ເຊິ່ງ​ຈະ​ກາຍເປັນ​ປະເທດ​ທຳ​ອິດ​ໃນ​ທະວີບ​ອາ​ຟຣິ​ກາ ໄດ້​ເປັນ​ເຈົ້າພາບ​ເຕະບານ​ຫາດ​ຊາຍ ທີມ​ຊາຍຊີງ​ແຊັມ​ໂລກ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ