ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ທະຫານແຂວງອຸດົມໄຊ ສະຫຼຸບວຽກງານປ້ອງກັນຊາດປະຈຳປີ 2023 ແລະ ວາງທິດທາງແຜນການປີ 2024
ເວລາອອກຂ່າວ: 2024-03-04 15:00:56 | ຜູ້ຂຽນ : admin2 | ຈຳນວນຄົນເຂົ້າຊົມ: 243 | ຄວາມນິຍົມ:



ໃນວັນທີ 29 ກຸມພາ 2024 ນີ້, ກອງບັນຊາການທະຫານແຂວງອຸດົມໄຊ ໄດ້ຈັດກອງປະຊຸມສະຫຼຸບວຽກງານປ້ອງກັນຊາດປະຈຳປີ 2023 ແລະ ທິດທາງແຜນການປີ 2024 ໂດຍການເປັນປະທານຂອງ ສະຫາຍ ພົນຈັດຕະວາ ຄຳເຜີຍ ໂສມພັນ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ, ເປັນກຽດເຂົ້າຮ່ວມໂດຍ ສະຫາຍ ພັນເອກ ຕຸ້ຍ ພົມມີໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະກອງບັນຊາການ, ຄະນະພັກ-ຄະນະບັນຊາອົງການ 5 ຫ້ອງ, ກອງບັນຊາການທະຫານເມືອງ 7 ເມືອງ, ກອງພັນ 414, ໂຮງຮຽນ, ໂຮງໝໍ, ກອງຮ້ອຍເອກະລາດອ້ອມຂ້າງກອງບັນຊາການທະຫານແຂວງ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ. ໃນກອງປະຊຸມ, ສະຫາຍ ພັນໂທ ດົມມະນີ ພົມມະຈັກ ຫົວໜ້າຫ້ອງການ ແລະ ບໍລິຫານ ກອງບັນຊາການທະຫານແຂວງອຸດົມໄຊ ໄດ້ຂຶ້ນຜ່ານບົດສະຫຼຸບ ຕີລາຄາການຈັດຕັ້ງປະຕິບັດວຽກງານປ້ອງກັນຊາດໃນ 1ປີຜ່ານມາ, ເປັນຕົ້ນແມ່ນວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ ແລະ ແກ້ໄຂໜໍ່ແໜງທີ່ກໍ່ໃຫ້ເກີດຄວາມບໍ່ສະຫງົບ, ວຽກງານປັບປຸງກໍ່ສ້າງກໍາລັງທາງດ້ານການເມືອງ-ແນວຄິດ ແລະ ການຈັດຕັ້ງ, ການປະຕິບັດໜ້າທີ່ຂອງບັນດາອົງການ, ກົມກອງເຊິ່ງສະແດງອອກ ອົບຮົມວຽກງານ ປກຊ-ປກສ ໃຫ້ເປົ້າໝາຍ 03 ຊຸດທີ I ສະເລ່ຍຜົນໄດ້ຮັບ 89,5%, ອົບຮົມວຽກງານສຶກສາປ້ອງກັນຊາດ ໃຫ້ໂຮງຮຽນວິທະຍາໄລ ແລະ ໂຮງຮຽນເຕັກນິກວິຊາຊີບແບບປະສົມ 05 ຊຸດ ມີຜູ້ເຂົ້າຮ່ວມ 6,083 ຄົນ, ຍິງ 2,831 ຄົນ ສະເລ່ຍຜົນໄດ້ຮັບ 76,8%, ອົບຮົມວິຊາສຶກສາປ້ອງກັນຕົວໃຫ້ນັກຮຽນ (ມໍ 7) ມີ 34 ແຫ່ງ, ສ້າງບ້ານປ້ອມໝັ້ນໄດ້ 01 ບ້ານ, ສ້າງກຸ່ມບ້ານສູ້ຮົບຕິດລຽນໄດ້ 02 ກຸ່ມບ້ານ, ສ້າງບ້ານປ້ອງກັນຊາດເຂັ້ມແຂງໄດ້ 12 ບ້ານ, ຈັດຕັ້ງກໍາລັງເຄື່ອນໄຫວແກ້ໄຂໜໍ່ແໜງ, ເຂດຂ້າມລອຍຂອງສັດຕູ ແລະ ພູຍຸດທະສາດບັນດາເມືອງ 09 ຄັ້ງ ນໍາໃຊ້ກໍາລັງ 39 ສະຫາຍ, ນໍາພາກໍາລັງອ້າຍ-ນ້ອງ ຈໍານວນ:1.469 ສະຫາຍ ໄປມອດໄຟລາມປ່າ 30 ຄັ້ງ, ລົງຊ່ວຍປະຊາຊົນປຸກສ້າງເຮືອນ 04 ຄັ້ງ ນໍາໃຊ້ກໍາລັງ 20 ສະຫາຍ, ລົງສໍາຫຼວດທີ່ຕັ້ງຈຸດປ້ອງກັນເສັ້ນທາງລົດໄຟລາວ-ຈີນ 11 ຈຸດ, ປ້ອງກັນການນໍາພັກ-ລັດ, ແຂກພາຍໃນ ແລະ ຕ່າງປະເທດ, ບັນດາກອງປະຊຸມ, ສໍານັກງານອົງການ, ເສັ້ນທາງຍຸດທະສາດ, ສະຖານທີ່ສາງຄັງ, ວັນບຸນສໍາຄັນຂອງພັກ, ຂອງຊາດ, ຂອງກອງທັບ ແລະ ບຸນປະເພນີຊົນເຜົ່າ 42 ຄັ້ງ, , ປ້ອງກັນຈຸດອຸມົງເສັ້ນທາງລົດໄຟ-ລາວຈີນ 90 ຄັ້ງ 33 ຈຸດນໍາໃຊ້ກໍາລັງ 404 ສະຫາຍ, ປ້ອງກັນຂະບວນລົດຂົນສົ່ງຂອງກະຊວງປ້ອງກັນປະເທດ 03 ຄັ້ງ ຈັດຕັ້ງເຊື່ອມຊຶມເປີດ-ປິດອົບຮົມວຽກງານການເມືອງແນວຄິດປະຈໍາປີ ສອງກົມກອງຄື: ຄໍ 157 ແລະ ຄໍ 1/ງໍ 414 ຜົນໄດ້ຮັບ 92,8%, ເປີດບັ້ນດໍາເນີນຊີວິດການເມືອງຂໍ່ານັບຮັບຕ້ອນວັນສ້າງຕັ້ງກອງທັບ ຄົບຮອບ 75 ປີ, ແລະ ເປັນເຈົ້າພາບຈັດງານແຂ່ງຂັນນັກຮ້ອງ-ຂັບລຳສຽງດີ ຄັ້ງທີ IV ເຂດແຂ່ງຂັນທີ່ I, ຂຽນຂ່າວ-ສົ່ງຂ່າວໄດ້ 278 ຂ່າວ, ວຽກດີຄົນເດັ່ນ 04 ບົດ, ຮູບພາບ 435 ພາບ, ຈັດລາຍການ 46 ຄັ້ງ, ຮັບໜັງສືພິມ 43 ຄັ້ງ, ເຄື່ອງສຽງຮັບໃຊ້ກອງປະຊຸມ 50 ຄັ້ງ, ເປີດຮຽນສະນັບສະໜູນໃຫ້ເປົ້າໝາຍເຂົ້າພັກ 97 ສະຫາຍ, ຍິງ 08 ສະຫາຍ, ຮັບມະຫາຊົນຜູ້ກ້າວໜ້າເຂົ້າພັກສໍາຮອງ 82 ສະຫາຍ, ຍິງ 06 ສະຫາຍ,ເລື່ອນສໍາຮອງຂື້ນສົມບູນ 62 ສະຫາຍ, ຍິງ 08 ສະຫາຍ, ມອບໃບ ຢັ້ງຢືນໜ່ວຍພັກປອດໄສ, ເຂັ້ມແຂງ, ໜັກແໜ້ນ 15 ໜ່ວຍພັກ, ເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ 457 ສະຫາຍ, ທຽບຊັ້ນວຸດທິການສຶກສາ ຈໍານວນ 14 ສະຫາຍ. ສົ່ງພະນັກງານໄປຮຽນຢູ່ພາຍໃນ ແລະ ຕ່າງປະເທດ 15 ສະຫາຍ , ສໍາເລັດກອງປະຊຸມໜ່ວຍຊາວໜຸ່ມຈໍານວນ 12 ໜ່ວຍ, ຮັບທຸງໄຊນໍາໜ້າ 04 ໜ່ວຍ, ມອບໃບຢັ້ງຢືນໜ່ວຍ 4 ບຸກ 19 ໜ່ວຍ, ບຸກຄົນ 4 ບຸກ 913 ສະຫາຍ, ຍິງ 99 ສະຫາຍ, ອອກໃບອະນຸມັດສ້າງຄອບຄົວໃຫ້ພະນັກງານ-ນັກຮົບ ຈໍານວນ 104 ຄູ່ ແລະ ຮັບຫຼຽນກາລະນຶກ 60 ປີ ວັນສ້າງຕັ້ງແຂວງອຸດົມໄຊ ຈໍານວນ 72 ຫຼຽນ ແລະ ໃບຍອ້ງຍໍທ່ານເຈົ້າແຂວງ 1.062 ໃບ. ວຽກງານຮັບປະກັນຊີວິດການເປັນຢູ່ໄດ້ຊີ້ນໍາວິຊາສະເພາະ, ຊີ້ນຳ-ນຳພາພະນັກງານ-ນັກຮົບປູກພືດຕາມລະດູການເພື່ອສ້າງເປັນພະລາທິການກັບທີ່ຕາມທ່າແຮງຂອງຄອບຄົວ ແລະ ກົມກອງ. ພ້ອມທັງເປັນເອກະພາບຕໍ່ທິດທາງວຽກງານຈຸດສຸມໃນຕໍ່ໜ້າເພື່ອສືບຕໍ່ກໍ່ສ້າງກົມກອງມີແບບແຜນ ແລະ ທັນສະໄໝ. ພ້ອມດຽວກັນນີ້, ຜູ້ແທນກອງປະຊຸມໄດ້ຜັດປ່ຽນກັນຂຶ້ນປະກອບຄຳຄິດຄຳເຫັນໃສ່ບົດສະຫຼຸບ ແລະ ທິດທາງແຜນການເພື່ອນຳໄປຈັດຕັ້ງປະຕິບັດໃນ 1ປີຕໍ່ໜ້າໃຫ້ໄດ້ຮັບໝາກຜົນສູງກວ່າເກົ່າ. ໂອກາດດຽວກັນນິ້ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງອຸດົມໄຊ ສະບັບເລກທີ 623/ກບຊ, ລົງວັນທີ 27/2/2023 ວ່າດ້ວຍການມອບໃບຢັ້ງຢືນໃຫ້ກົມກອງ 3 ປອດ: ປອດໃສ, ປອດໄພ, ປອດຄະດີ ປະເພດທີ I ທົ່ວທະຫານແຂວງອຸດົມໄຊ ປະຈໍາປີ 2023 ຈຳນວນ 24 ກົມກອງ ຕື່ມອີກ. ໂອກາດນີ້, ສະຫາຍ ພົນຈັດຕະວາ ຄຳເຜີຍ ໂສມພັນ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ ເຊິ່ງສະຫາຍໄດ້ເນັ້ນໜັກໃຫ້ຄະນະພັກ-ຄະນະບັນຊາເປັນເຈົ້າການເພີ່ມທະວີການນໍາພາ-ຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ, ຮັບປະກັນສະຖຽນລະພາບ ແລະ ຄວາມໝັ້ນຄົງ, ຕັ້ງໜ້າຍົກສູງສະຕິກຽມພ້ອມປະຕິບັດໜ້າທີ່ໄດ້ທຸກເວລາ, ເປັນເຈົ້າການຕ້ານ, ສະກັດກັ້ນ ທຸກກົນອຸບາຍລ່ຽມລາຍຂອງສັດຕູ, ເອົາໃຈໃສ່ປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກ, ປົກປັກຮັກສາລະບອບໃໝ່, ລະບອບປະຊາທິປະໄຕປະຊາຊົນໃຫ້ໝັ້ນຄົງ, ຮັບປະກັນຄວາມສະຫງົບປອດໄພທາງດ້ານສັງຄົມຢ່າງໜັກແໜ້ນ, ລົງກໍ່ສ້າງຮາກຖານການເມືອງ, ສ້າງທ່າສະໜາມ 3 ຂັ້ນຕິດພັນກັບວຽກງານ 3 ສ້າງເພື່ອປັບປຸງລະບົບການຈັດຕັ້ງຢູ່ຮາກຖານໃຫ້ໜັກແໜ້ນເຂັ້ມແຂງໃນທຸກດ້ານ, ເອົາໃຈໃສ່ສຶກສາອົບຮົມການເມືອງ- ນຳພາແນວຄິດໃຫ້ທົ່ວເຖິງແຕ່ລະເປົ້າໝາຍຕິດພັນກັບການເກັບກໍາສະພາບການເມືອງ-ແນວຄິດຂອງພະນັກງານ-ນັກຮົບທົ່ວກົມກອງເພື່ອສ້າງຄວາມຮັບຮູ້-ເຂົ້າໃຈຕໍ່ແນວທາງນະໂຍບາຍ, ລະບຽບກົດໝາຍຂອງພັກ-ລັດຢ່າງແທ້ຈິງ. ຂ່າວ-ພາບ: ສົມພູນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ