ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ໂຮງຮຽນ​ທະຫານ​ຊາຍ​ແດນ 712 ປະກາດ​ແຕ່ງຕັ້ງ​ໜ້າທີ່ຂັ້ນ​ຂະແໜງການ
ເວລາອອກຂ່າວ: 2024-03-05 08:50:18 | ຜູ້ຂຽນ : admin1 | ຈຳນວນຄົນເຂົ້າຊົມ: 153 | ຄວາມນິຍົມ:



ວັນ​ທີ 29 ກຸມພາ 2024 ນີ້, ໂຮງຮຽນ​ທະຫານ​ຊາຍ​ແດນ 712 ໄດ້​ປະກາດ​ແຕ່ງຕັ້ງ​ໜ້າທີ່​ຂັ້ນ​ຂະແໜງການ, ໂດຍ​ການເປັນ​ປະທານຂອງ​ສະຫາຍ ພັນ​ເອກ ສັນຕິ ເພັດ​ດວງ​ສິດ ຮອງ​ຫົວໜ້າ​ຫ້ອງ​ການເມືອງ ​ກົມ​ໃຫຍ່​ເສນາ​ທິ​ການ​ກອງທັບ, ມີ​ຕາງໜ້າ​ຈາກ​ກົມ​ທະຫານ​ຊາຍ​ແດນ, ຄະນະ​ພັກ-ຄະນະ​ອຳນວຍ​ການ, ພະ ແນກການ, ກອງພັນ​ນັກຮຽນຕະ ຫຼອດ​ຮອດ​ພະນັກງານ-ນັກຮົບ​ທົ່ວ​ໂຮງຮຽນ​ເຂົ້າ​ຮ່ວມ. ສະຫາຍ ​ພັນໂທ ສະໄຫວ​ທອງ ບຸດ​ດາ​ວົງ ຫົວໜ້າ​ພະ​ແນກ​ພະນັກງານ ຫ້ອງ​ການເມືອງກົມ ​ໃຫຍ່​ເສນາ​ທິ​ການ​ກອງທັບ ໄດ້​ ຜ່ານ​ຂໍ້​ຕົກລົງຂອງກົມ​ໃຫຍ່​ເສ ນາ​ທິ​ການ​ກອງທັບ ວ່າ​ດ້ວຍ​ການ​ແຕ່ງຕັ້ງ​ຂັ້ນ​ຂະແໜງການ ຂອງ​ໂຮງຮຽນ​ທະຫານ​ຊາຍ​ແດນ 712, ອີງ​ຕາມ ​ກົດໝາຍ​ນາຍ​ທະຫານ​ກອງທັບ​ປະຊາຊົນ​ລາວ (ສະບັບ​ປັບປຸງ) ວ່າ​ດ້ວຍ​ການ​ແຕ່ງຕັ້ງ​ຍົກຍ້າຍ​ນາຍ​ທະຫານ. ກົມ​ໃຫຍ່​ເສນາ​ທິ​ການ​ກອງທັບ​ຕົກລົງ: ແຕ່ງຕັ້ງ​ ສະຫາຍ ພັນໂທ ປານ ຄຳ​ປະເສີດ ເປັນ​ຫົວໜ້າ​ຂະແໜງ​ນະໂຍບາຍ, ສະຫາຍ ພັນ​ຕີ ນາງ ຄຳ​ພຽນ ສຸລິນ​ທອງ ເປັນ​ຫົວໜ້າ​ຂະແໜງ​ສະຫະພັນ​ແມ່ຍິງ, ສະຫາຍ ຮ້ອຍ​ເອກ ໃສ​ ສຸດາ ພົມ​ມີ​ໄຊ ເປັນ​ຫົວໜ້າ​ຂະ ແໜງ​ກວດກາ ແລະ ສະຫາຍ ຮ້ອຍ​ເອກ ພະນັດ​ດາ ນ້ອຍ​ຍອດ ເປັນ​ຫົວໜ້າ​ຂະແໜງ​ບໍລິຫານ​ສັງ​ລວມ ພະ​ແນກ​ບໍລິຫານ​ສັງ​ລວມ. ສະຫາຍ ພັນ​ເອກ ສັນຕິ ເພັດ​ດວງ​ສິດ ​ໄດ້​ເນັ້ນ​ໜັກ​ໃຫ້​ບັນດາ​ຜູ້​ໄດ້​ຮັບ​ການ​ແຕ່ງຕັ້ງ​ໜ້າທີ່​ໃໝ່ ຈົ່ງ​ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄຸນ​ທາດ​ການເມືອງ, ມີ​ຄຸນສົມບັດ, ສິນ​ທຳ​ປະຕິວັດ ເປັນ​ແບບຢ່າງ​ນຳ​ໜ້າ​ທຸກ​ວຽກ​ງານ ທີ່​ໄດ້​ຮັບ​ການ​ມອບ​ໝາຍ ຖື​ເອົາ​ການ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດເປັນ​ຫຼັກຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່​ອັນ​ມີ​ກຽດ​ຂອງ​ຕົນ, ມີ​ແບບແຜນ​ວິທີ​ເຮັດ​ວຽກ​ທີ່​ດີ ປະຕິບັດ​ຫຼັກການ​ລວມ​ສູນ​ປະຊາທິປະໄຕ ເຮັດ​ວຽກ​ເປັນ​ໝູ່​ຄະນະ​ ແບ່ງ​ວຽກ​ໃຫ້​ບຸກຄົນ​ຮັບຜິດຊອບ ເຮັດ​ສຳເລັດ​ໜ້າທີ່​ຕາມ​ການ​ມອບ​ໝາຍ​ຈາກ​ຂັ້ນ​ເທິງ. ໂດຍ: ກັນຫາ ແສນ​ສຸວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ