ກອງທັບປະຊາຊົນລາວ
 
ວັນຈັນ, ວັນທີ 22 ກໍລະກົດ 2024

  

ຊາວ​ໜຸ່ມ ກອງ​ວາລະສານ​ປ້ອງ​ກັນ​ຊາດ ສະຫຼຸບ​ວຽກ​ງານ ​ປະຈຳ​ປີ 2023
ເວລາອອກຂ່າວ: 2024-03-05 08:54:20 | ຜູ້ຂຽນ : admin1 | ຈຳນວນຄົນເຂົ້າຊົມ: 220 | ຄວາມນິຍົມ:



ໜ່ວຍ​ຊາວ​ໜຸ່ມ ​ກອງ​ວາລະສານ​ປ້ອງ​ກັນ​ຊາດ ໄດ້​ສະຫຼຸບ​ການເຄື່ອນໄຫວ​ວຽກ​ງານ​ຊາວ​ໜຸ່ມ ປະຈຳ​ປີ 2023 ແລະ ວາງ​ທິດ​ທາງແຜນການ​ວຽກ​ງານ ປະຈຳ​ປີ 2024 ໃນ​ວັນ​ທີ 22 ກຸມພາ 2024 ນີ້, ໂດຍ​ມີ​ສະຫາຍ ພັນ​ໂທ ຄຳ​ແສນ ສຸວັນນະ​ຜ່ອງ​ໃສ ຮອງ​ຫົວໜ້າ​ກອງ​ວາລະສານ​ປ້ອງ​ຊາດ, ຜູ້​ຊີ້​ນຳ​ວຽກ​ງານ​ອົງ​ການຈັດຕັ້ງ​ມະຫາຊົນ, ມີ​ເລຂາ​ໜ່ວຍ​ຊາວ​ໜຸ່ມ ພ້ອມ​ດ້ວຍ​ຄະນະ ຕະຫຼອດ​ຮອດ​ສະມາຊິກ​ຊາວ​ໜຸ່ມ ເຂົ້າ​ຮ່ວມ. ສະຫາຍ ຮ້ອຍ​ເອກ ຊາຍ​ຊະນິດ ຄັດ​ຕະ​ມອນ ເລຂາ​ໜ່ວຍ​ຊາວ​ໜຸ່ມ​ກອງ​ວາລະສານ​ປ້ອງ​ກັນ​ຊາດ ໄດ້​ຜ່ານ​ບົດ​ສະຫຼຸບ ແລະ ທິດ​ທາງ​ໃນຕໍ່ໜ້າ ​ເຊິ່ງ​​ໄດ້​ຍົກ​ໃຫ້​ເຫັນ​ຜົນງານ​ການເຄື່ອນໄຫວໃນ​ໄລຍະ 1 ປີຜ່ານມາ ເປັນຕົ້ນ​ແມ່ນ ເຂົ້າ​ຮ່ວມ​ກອງ​ປະຊຸມ​ເຜີຍແຜ່​ເຊື່ອມ​ຊຶມ ແລະ ຜັນ​ຂະຫຍາຍ​ຜົນສຳເລັດ​ກອງ​ປະຊຸມ​ກາງ​ ສະໄໝ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ XI, ເຂົ້າ​ຮ່ວມ​ຮັບ​ຟັງ​ປາຖະກະຖາ​ວັນ​ສຳ​ຕັນ​ຕ່າງໆ ​ຂອງ​ຊາດ, ຂອງ​ກອງທັບ, ໄດ້​ເຄື່ອນ​ໄຫວ​ເກັບ​ກຳ​ຂໍ້​ມູນ​ຢູ່​ບັນດາ​ກົມ​ກອງ​ກຳລັງ​ຫຼວງ ແລະ ກຳລັງ​ທ້ອງຖິ່ນ 13 ຄັ້ງ, ອອກ​ແບບ ແລະ ກວດແກ້​ຈັດ​ໜ້າ​ວາລະສານ​ປ້ອງ​ກັນ​ຊາດ ປະຈຳ​ເດືອນມັງກອນ-ທັນວາ ປີ 2023, ອອກ​ແບບ, ຈັດ​ໜ້າ​ວາລະສານ​ປ້ອງ​ກັນ​ຊາດ ປະຈຳເ​ດື​​ອນມັງກອນ ປີ 2024 (ສະບັບ​ພິເສດ) ຂ່ຳນັບ​ຮັບ​ຕ້ອນ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 75 ປີ, ແຈກ​ຢາຍ ແລະ ຈຳໜ່າຍ​ຮູບ​ພາບ​ຄະນະ​ປະຈຳ​ພັກ​ກະຊວງ ສະໄໝ​ທີ V ຈຳນວນ 33 ໃບ, ໂປສະ​ເຕີ 30 ແຜນ, ຮູບ​ພາບ​ຄະນະ​ບໍລິຫານ​ງານ​ກົມ​ການເມືອງ​ສູນ​ກາງ​ພັກ ສະໄໝ​ທີ XI 127 ໃບ, ໂປ​ສະ​ເຕີ 119 ແຜນ, ແຈກ​ຢາຍ​ວາລະສານ, ໜັງສືພິມ, ຂ່າວ​ຄົ້ນ​ຄວ້​​າ ປີ 2023 ໃຫ້​ບັນດາ​ກົມ​ກອງ​ກຳລັງ​ຫຼວງ ແລະ ກຳລັງ​ທ້ອງຖິ່ນ, ເກັບ​ກຳ​ຮູບ​ພາບ​ລົງ​ປຶ້ມ​ວາລະສານ​ປ້ອງ​ ກັນ​ຊາດ ໄດ້ 16 ຮູບ​ພາບ ແລະ ກວດແກ້​ບົດ​ລົງ​ວາ​ສະ​ສານ​ປ້ອງ​ກັນ​ຊາດ 13 ບົດ, ເກັບ​ກຳ​ຮູບ​ພາບ​ການເຄື່ອນໄຫວ​ຂອງ​ຄະນະ​ປະຈຳ​ພັກກະຊວງ​ ໄດ້ 837 ພ້ອມ​ຄຳ​ອະທິບາຍ, ສຳ​ເນົາ​ຮູບ​ພາບ​ມູນເຊື້ອ 477 ຮູບ​ພາບ ແລະ ເກັບ​ກຳ​ຂ່າວ​ກອງ​ປະຊຸມ​ຕ່າງໆ​ ທີ່​ກະຊວງ ແລະ ກົມ​ໃຫຍ່​ການເມືອງ ກອງທັບຈັດ​ຂຶ້ນ ເນື່ອງ​ໃນ​ໂອ​ການ​ວັນ​ສຳຄັນ​ຕ່າງໆ ຂອງ​ຊາດ, ຂອງ​ພັກ ແລະ ກອງທັບ 39 ຄັ້ງ, ສັງ​ລວມ​ຂ່າວ​ເດັ່ນ​ພາຍ​ໃນ​ປະເທດ, ຂອງ​ກອງທັບ, ອັບເດດລົງ “ເວັບໄຊ’’ www.mps.gov.la ວາລະສານປ້ອງກັນຊາດ ໄດ້ 54 ບົດຂ່າວ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ