ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຍາມ​ໃດ​ ກໍມີ​ການ​ພົວພັນ​ກັບ​ຮາກ​ຖານ​ປະຊາຊົນ​ຢ່າງ​ສະ​ນິດ​ແໜ້ນ
ເວລາອອກຂ່າວ: 2024-03-05 09:02:22 | ຜູ້ຂຽນ : admin1 | ຈຳນວນຄົນເຂົ້າຊົມ: 204 | ຄວາມນິຍົມ:



ສະຫາຍ ພັນ​ຕີ ທອງ​ມີ ໄຊ​ຍະ​ວົງ ຫົວໜ້າ​ໜ່ວຍ​ງານ​ກໍ່ສ້າງ​ຮາກ​ຖານ ຫ້ອງ​ສຶກ​ສາ​ ໂຮງຮຽນ​ກໍ່ສ້າງ​ນາຍ​ສິບ ​ເລກ 2 ວຽງ​ໄຊ ໄດ້​ຊີ້​ແຈງ​ຕໍ່​ກອງ​ປະ ຊຸມ​ວຽກ​ງານ​ກໍ່ສ້າງ​ຮາກ​ຖານ​ການເມືອງ ວ່າ: ໄລຍະ​ຜ່ານ​ມາຄະ​ນະ​ພັກ-ຄະນະ​ອຳນວຍ​ການ ກໍ​ຄື​ຄະນະ​ຊີ້​ນຳ​ແຕ່​ລະ​ຂັ້ນ​ກ່ຽວ​ກັບ​ວຽກ​ງານ​ກໍ່ສ້າງ​ຮາກ​ຖານ ໃນ​ນີ້, ​ເວົ້າ​ສະເພາະ​ຢູ່ ຫ້ອງ​ສຶກ​ສາ​ໂຮງຮຽນ​ກໍ່ສ້າງ​ນາຍ​ສິບ ​ເລກ 2 ວຽງ​ໄຊ ໄດ້​ລົງ​ກໍ່ສ້າງ​ຮາກ​ຖານ ກັບ ບ້ານ​ສາມັກຄີ​ໄຊ ເມືອງ​ບາ​ຈຽງ​ຈະເລີນ​ສຸກ ແຂວງ​ຈຳປາ​ສັກ ແລະ ອີງ​ຕາມ​ທິດ​ຊີ້​ນຳ​ຂອງ​ຄະນະ​ພັກ​ຮາກ​ຖານ​ຫ້ອງ​ສຶກ​ສາມອບ​ໝາຍ​ໃຫ້​ໜ່ວຍ​ງານ​ກໍ່ສ້າງ​ຮາກ​ຖານ ລົງ​ເກັບ​ກຳ​ສະພາບ​ຮອບດ້ານ​ນຳ​ອຳນາດ​ການ​ປົກ ຄອງ​ທ້ອງຖິ່ນ​ບ້ານ ສາມັກຄີ​ໄຊ ໃນ​ແຕ່​ລະ​ເດືອນ ເພື່ອ​ສ່ອງ​ແສງຖານ​ໂຮງຮຽນ​ເປັນ​ປົກກະຕິ. ການ​ລົງ​ກໍ່ສ້າງ​ຮາກ​ຖານ​ການເມືອງ​ຢູ່​ບ້ານ​ສາມັກຄີ​ໄຊ ເຫັນ​ໄດ້​ວ່າ​ ຄະນະ​ພັກ-ຄະນະ​ໜ່ວຍ​ພາຍ​ໃນ​ບ້ານ ໄດ້​ເປັນ​ເຈົ້າ​ການ​ປະກອບສ່ວນ​ສຳຄັນ​ເຂົ້າ​ໃນ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ ເປັນຕົ້ນ​ແມ່ນ​ປ້ອງ​ກັນ​ງານ​ບຸນ​ຕາມ​ຮິດ​ຄອງ​ປະເພນີ​ພາຍ​ໃນ​ບ້ານ ນອກ​ນັ້ນ, ຄະນະ​ຫ້ອງການ​ສຶກ​ສາ​ ຍັງ​ໄດ້ ປະກອບສ່ວນ ວັດຖຸ​ປັດໄຈ ເປັນ​ເງິນ 2.400.000 ກີບ ໃຫ້​ອຳນາດ​ການ​ປົກຄອງ​ບ້ານ ແລະ ມອບ​ເຄື່ອງຮັບ​ໄຊ້​ຫ້ອງການ​ປົກຄອງ​ບ້ານ​ປະເພດ ເຈ້ຍ​, ປຶ້ມ​ຂຽນ, ບິກ​ຂຽນ ໃນ​ມູນ​ຄ່າ 2.100.000 ກີບ. ສະຫາຍ ພັນ​ເອກ ຄູ​ຂັນ ແກ້ວ​ບຸນ​ມີ ຫົວໜ້າ​ຫ້ອງ​ສຶກ​ສາ​ໂຮງຮຽນ​ກໍ່ສ້າງ​ນາ​ຍສິບ ​ເລກ 2 ວຽງ​ໄຊ ໄດ້​ໂອ້​ລົມ​ຕໍ່​ພະນັກງານ ​ກໍ່ສ້າງ​ຮາກ​ຖານ ວ່າ: ໂດຍ​ລວມ​ແລ້ວ​ເຫັນ​ວ່າ​ສະພາບ​ມີ​ຄວາມ​ສະຫງົບ​ໂດຍ​ພື້ນຖານ, ປະຊາຊົນ​ບັນດາເຜົ່າ​ໄດ້​ສຸມ​ໃສ່​ທຳ​ການ​ຜະລິດ​ປູກຝັງ-ລ້ຽງສັດ ເປັນຕົ້ນ​ຕໍ ແລະ ຄ້າຂາຍ​ເປັນ​ສຳຮອງ ເພື່ອ​ແກ້​ໄຂ​ຊີວິດ​ການ​ເປັນ​ຢູ່​ຂອງ​ຕົນ​ໃຫ້​ດີ​ຂຶ້ນ ແລະ ຮຽກຮ້ອງ​ໃຫ້​ໜ່ວຍ​ງານ​ທີ່​ລົງ​ຮາກ​ຖານ​ຢູ່​ບ້ານ​ສາມັກຄີ​ໄຊ ເອົາໃຈໃສ່​ການ​ນຳພາ​-ຊີ້ນໍາເຮັດ​ວຽກ​ງານ​ການເມືອງ-ແນວ​ຄິດ ໃຫ້​ອຳນາດ​ການ​ປົກຄອງ​ບ້ານ, ປະຊາຊົນ​ບັນດາເຜົ່າ​ໃຫ້​ເລິກ​ເຊີ່ງ, ກຳ​ແໜ້ນ​ແນວທາງ​ນະໂຍບາຍ​ຂອງ​ພັກ-ລັດ, ສ້າງ​ໃຫ້​ຮາກ​ຖານ​ບ້ານ​ມີ​ຄວາມ​ສະຫງົບ ຕິດ​ພັນ​ກັບ​ການ​ສ້າງ​ບ້ານ​ປ້ອງ​ກັນ​ຊາດ​ເຂັ້ມແຂງ, ບ້ານ​ປ້ອງ​ກັນ​ຄວາມ​ສະຫງົບ​ດີ, ບ້ານ​ປອດ​ຄະດີ, ປອດ​ຢາ​ເສບ​ຕິດ; ບ້ານ​ວັດທະນະທຳ; ເປັນ​ເຈົ້າ​ການ​ຕ້ານ​ປະກົດ​ການ​ຫຍໍ້ທໍ້​ຕ່າງໆ​ທີ່​ອາດ​ຈະ​ເກີດ​ຂຶ້ນ​ໃຫ້​ທັນ​ເວລາ, ຊຸກຍູ້​ຊີວິດ​ການ​ເປັນ​ຢູ່​ ຂອງ​ປະຊາຊົນ​ພາຍ​ໃນ​ບ້ານ​ມີ​ການ​ພັດທະນາ​ດີ​ຂຶ້ນ, ໄປ​ພ້ອມ​ກັບ​ການ​ຮັດ​ແໜ້ນ​ຄວາມ​ສາມັກຄີ​ລະຫວ່າງ​ອົງການ​ປົກຄອງ​ບ້ານ ແລະ ກົມ​ກອງ ທັງ​ປະຕິບັດ​ໃຫ້​ໄດ້ 4 ຮ່ວມ​ຄື: ຮ່ວມ​ຢູ່, ຮ່ວມ​ກິນ, ຮ່ວມ​ປຶກສາ​ຫາລື ແລະ ຮ່ວມ​ເຮັດ​ວຽກ​ງານ ດັ່ງ​ຄຳ​ຂວັນ​ທີ່​ວ່າ: ກອງທັບ​ກັບ​ປະຊາຊົນ ​ປຽບ​ເໝືອນ​ປາ​ກັບ​ນ້ຳ; ເຊິ່ງ​ໃນ​ວັນ​ທີ 15 ກຸມພາ 2024 ນີ້, ສະຫາຍ ພັນ​ເອກ ຄູ​ຂັນ ແກ້ວ​ບຸນ​ມີ ພ້ອມ​ດ້ວຍ​ຄະນະ ຍັງ​ໄດ້​ນຳ​ເອົາ​ສາຍ​ໄຟ​ຕິດ​ຕັ້ງ​ໂທລະ​ໂຄ່ງ​ຍາວ 200 ແມັດ, ປຶ້ມ​ຂຽນ 100 ໜ້າ 400 ຫົວ, ບິກ​ຂຽນ 200 ກ້ານ ແລະ ອຸປະກອນ​ຮັບ​ໃຊ້​ຈຳນວນ​ໜຶ່ງ​ລວມ​ມູນ​ຄ່າ 2.800.000 ກີບ ມາມອບໃຫ້ບ້ານສາມັກຄີໄຊ ເຊິ່ງກ່າວ​ຮັບ​ໂດຍ ສະຫາຍ ບຸນ ຮູ້​ຫຼວງ​ພົນ ເລຂາ​ພັກ​ບ້ານ, ນາຍບ້ານ ບ້ານ​ສາມັກຄີ​ໄຊ ເມືອງ​ບາ​ຈຽງ​ຈະເລີນ​ສຸກ ພ້ອມ​ດ້ວຍ​ຄະນະ. ໂດຍ: ສາຍ​ໄຈ​ປະຕິວັດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ