POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ກົມໃຫຍ່ເສນາທິການກອງທັບສະຫຼຸບເຂົ້າຮ່ວມແຂ່ງຂັນກິລາການທະຫານ ແລະ ກິລາມວນຊົນທົ່ວກອງທັບ
ເວລາອອກຂ່າວ: 2024-03-05 10:49:23 | ຜູ້ຂຽນ : admin2 | ຈຳນວນຄົນເຂົ້າຊົມ: 1035 | ຄວາມນິຍົມ:

ວັນທີ1 ມີນາ 2024 ນີ້, ກົມໃຫຍ່ເສນາທິການກອງທັບ ໄດ້ສະຫຼຸບຖອດຖອນບົດຮຽນທີມກິລາເຂົ້າຮ່ວມແຂ່ງຂັນກິລາການທະຫານ ແລະ ກິລາມວນຊົນທົ່ວກອງທັບ ຄັ້ງທີ III, ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໄດ້ຈັດຂຶ້ນທີ່ສະໂມສອນ ກອງພັນກໍ່ສ້າງຂົວ-ທາງ 587, ໂດຍການເປັນປະທານຂອງ ສະຫາຍ ພົນຕີ ວັນທອງ ບຸດຕະວົງ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາ, ພະແນກການ, ຄະນະຮັບຜິດຊອບຄູຝືກ ແລະ ພາກສ່ວນນັກກິລາເຂົ້າຮ່ວມ. ສະຫາຍ ພັນເອກ ເທບພະພອນ ຫອມດີ ຮອງຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ ໄດ້ຜ່ານບົດສະຫຼຸບການເຂົ້າຮ່ວມແຂ່ງຂັນກິລາການທະຫານ ແລະ ກິລາມວນຊົນທົ່ວກອງທັບຄັ້ງທີ III, ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ຕະຫຼອດການເຂົ້າຮ່ວມແຂ່ງຂັນກິລາບັນດາຄະນະຮັບຜິດຊອບ, ຄູຝຶກ ແລະ ນັກກິລາແຕ່ລະສະຫາຍໄດ້ເອົາໃຈໃສ່ປະກອບສ່ວນຢ່າງຕັ້ງໜ້າ ມີຄວາມຕັດສິນໃຈສູງໃນໜ້າທີ່ຄວາມຮັບຜິດຊອບ, ທຸມເທເຫື່ອແຮງສະຕິປັນຍາ ແລະ ພອນສະຫວັນເຂົ້າຮ່ວມແຂ່ງຂັນກິລາ, ເຊິ່ງປະເພດກິລາທີ່ເຂົ້າຮ່ວມແຂ່ງຂັນ 5 ປະເພດກິລາຄື: ກິລາຍິງປືນທະຫານຮາບກໍາລັງໄຟແບກຫາບ, ກິລາການທະຫານ, ກິລາບານສົ່ງຍິງ-ຊາຍ ແລະ ກິລາກະຕໍ້ຫວາຍ, ຜົນການແຂ່ງຂັນ ກິລາຍິງປືນທະຫານຮາບກໍາລັງໄຟແບກຫາບ ບົດຍິງປືນ AK ຍິງເປົ້າເຈ້ຍ ແບບຍິງທີມລວມ ໄດ້ອັນດັບທີ 1, ບົດຍິງປືນ AK ຍິງເປົ້າຈານເຫຼັກ ໄດ້ອັນດັບທີ 1, ບົດຍິງປືນ RPK ຍິງເປົ້າຈານເຫຼັກແບບຍິງທີມລວມ ໄດ້ອັນດັບທີ 2 ແລະ ບົດຍິງປືນ SVD ຍິງເປົ້າເຈ້ຍ ແບບຍິງທີມລວມ ໄດ້ອັນດັບທີ 4, ກິລາການທະຫານ ກິລາມ້າງປະກອບປືນ AK ແບບທີມລວມໝູ່ໄດ້ ອັນດັບທີ 1, ກິລາການທະຫານ ປະເພດບຸກຄົນ ໄດ້ອັນດັບ 2, ກິລາການທະຫານ 3 ປະເພດການທະຫານສົມທົບ ໄດ້ອັນດັບທີ 6 ແລະ ກິລາການທະຫານ ຜ່ານສິ່ງກີດຂວາງ ໄດ້ອັນດັບທີ 5, ກິລາບານສົ່ງຊາຍ ໄດ້ອັນດັບທີ 1, ກິລາບານສົ່ງຍິງ ໄດ້ອັນດັບທີ 3 ແລະ ກິລາກະຕໍ້ຫວາຍ ໄດ້ອັນດັບທີ 1. ໂອກາດນີ້, ສະຫາຍ ພົນຕີ ວັນທອງ ບຸດຕະວົງ ກໍໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຍາດມາໄດ້ ພ້ອມທັງຮຽກຮ້ອງໃຫ້ຄະນະຮັບຜິດຊອບ ແລະ ນັກກິລາທຸກສະຫາຍ ຈົ່ງຕັ້ງໜ້າສືບຕໍ່ເຮັດໜ້າທີ່ການເມືອງຂອງຕົນ ຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນຫຼັກ ເອົາໃຈໃສ່ຝືກຝົນຫຼໍ່ຫຼອມຊອກຮູ້ຮໍ່າຮຽນນໍາເອົາຜົນສໍາເລັດໃນຄັ້ງນີ້ ໄປເສີມຂະຫຍາຍປັບປຸງແກ້ໄຂ ເພື່ອເຂົ້າຮ່ວມການແຂ່ງຂັນໃນຕໍ່ໜ້າ ແລະ ສາມາດຍາດໄດ້ຜົນສໍາເລັດເປັນຢ່າງສູງ. ໂດຍ: ພຸດທະວອນ

news to day and hot news