ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ທະຫານແຂວງສະຫວັນະເຂດ ສະຫຼຸບວຽກງານຮອບດ້ານປະຈຳປີ 2023
ເວລາອອກຂ່າວ: 2024-03-05 10:53:16 | ຜູ້ຂຽນ : admin2 | ຈຳນວນຄົນເຂົ້າຊົມ: 281 | ຄວາມນິຍົມ:



ໃນຕົ້ນເດືອນມີນາ 2024 ນີ້, ກອງບັນຊາການທະຫານແຂວງສະຫວັນະເຂດ ໄດ້ ສະຫຼຸບວຽກງານຮອບດ້ານ ປະຈຳປີ 2023 ແລະ ວາງທິດທາງແຜນການປີ 2024 ຂຶ້ນທີ່ສະໂມສອນກອງບັນຊາການທະຫານແຂວງດັ່ງກ່າວ ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ສີ ທະວີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ມີຄະນະພັກ-ຄະນະບັນຊາກອງບັນຊາການທະຫານແຂວງ, ກອງບັນຊາການທະຫານເມືອງ, ຫ້ອງການປ້ອງກັນຊາດ-ປ້ອງກັນຄວາມສະຫງົບແຂວງ, ໂຮງຮຽນ, ໂຮງໝໍ, ກອງຮ້ອຍເອກະລາດທີ່ຂຶ້ນກັບກອງບັນຊາການທະຫານແຂວງສະຫວັນະເຂດເຂົ້າຮ່ວມ. ສະຫາຍ ພັນໂທ ສົມພັນ ທຳມະວົງ ຮອງຫົວໜ້າຫ້ອງການກອງບັນຊາການທະຫານແຂວງ ຂຶ້ນຜ່ານບົດສະຫຼຸບຕີລາຄາວຽກງານຮອບດ້ານປະຈຳປີ 2023 ແລະວາງທິດທາງແຜນການປະຈຳປີ 2024, ເຊິ່ງເຫັນໄດ້ຜົນງານຫຼາຍດ້ານເປັນຕົ້ນ ຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ຊີ້ນຳ-ນໍາພາສຶກສາອົບຮົມວຽກງານການເມືອງນຳພາແນວຄິດໃຫ້ພະນັກງານ-ນັກຮົບມີແນວຄິດອຸ່ນອ່ຽນ, ທຸ່ນທ່ຽງ, ຫ້າວຫັນຕໍ່ໜ້າທີ່ວຽກງານຂອງຕົນ, ພ້ອມກັນສຸມໃສ່ສ້າງຂະບວນການເພື່ອຂໍ່ານັບຮັບຕ້ອນວັນປະຫວັດສາດສຳຄັນຕ່າງໆຂອງຊາດ, ຂອງພັກ, ຂອງກອງທັບຕິດພັນກັບການປະຕິບັດ 2 ວາລະແຫ່ງຊາດ, ບັນດາມະຕິຄຳສັ່ງຂອງຂັ້ນເທິງຢ່າງເຂັ້ມງວດ ໂດຍປິ່ນອອ້ມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ມາຈັດຕັ້ງຜັນຂະຫຍາຍໃຫ້ສອດຫ້ອຍເຂົ້າໃນທຸກໜ້າທີ່ວຽກງານໃຫ້ໄດ້ຮັບໝາກຜົນສູງ ໃນນັ້ນໄດ້ຫັນເອົາພະນັກງານລົງກໍ່ສ້າງຮາກຖານການເມືອງຕາມມູນເຊື້ອຂອງກອງທັບ ການສ້າງທ່າສະໜາມສົງຄາມປະຊາຊົນ ໂດຍສົມທົບແໜ້ນກັບອຳນາດການປົກຄອງທ້ອງຖິ່ນ ສ້າງໄດ້ບ້ານປ້ອງກັນຊາດເຂັ້ມແຂງໄດ້ທັງໝົດ 959 ບ້ານທຽບໃສ່ປີ 2022 ເພີ້ມຂຶ້ນ 53 ບ້ານ ນອກນັ້ນຄະນະພັກ-ຄະນະບັນຊາແຕ່ລະຂັ້ນຍັງໄດ້ສຸມໃສ່ວຽກງານແກ້ໄຂຊິວິດການເປັນຢູ່ ແລະ ຜະລິດເປັນສິນຄ້າສາມາດສ້າງລາຍຮັບເຂົ້າກອງບັນຊາການໃນ 1 ປີຜ່ານມາມີລາຍຮັບທັງໝົດ 2,19 ຕື້ກວ່າກີບທຽບໃສ່ປີຜ່ານມາເຫັນວ່າເພີ້ມຂຶ້ນເກືອບເທົ່າຕົວ. ຜູ້ເຂົ້າຮ່ວມກອງປະຊຸມຍັງໄດ້ພ້ອມກັນປະກອບຄໍາຄິດຄໍາເຫັນໃສ່ບົດສະຫຼບທັງສອງພາກ ໂດຍສະເພາະຈະໄດ້ພ້ອມກັນແກ້ໄຂບັນຫາທີ່ຍັງຄົງຄ້າງໃຫ້ໝົດໄປເທື່ອລະກ້າວ.ຈາກນັ້ນ, ຍັງໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການໂອນພະແນກການເງິນໄປຂຶ້ນກັບຫ້ອງພະລາທິການ ແລະ ປະກາດການຈັດຕັ້ງຂັ້ນຫົວໜ້າພະແນກທີ່ຂຶ້ນກັບຫ້ອງເສນາທິການທະຫານແຂວງຕື່ມອີກ. ມາໃນຕອນບ່າຍຂອງວັນດຽວກັນນັ້ນກອງບັນຊາການທະຫານແຂວງສະຫວັນະເຂດ, ຍັງໄດ້ຈັດພິທີປະດັບຫຼຽນໄຊ-ໃບຍ້ອງຍໍປະເພດຕ່າງໆໃຫ້ບັນດາບຸກຄົນ ໂດຍເປັນກຽດເຂົ້າຮ່ວມໃນພິທີ ຂອງສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນະເຂດ ປະທານປ້ອງກັນຊາດ-ປ້ອງກັນຄວາມສະຫງົບແຂວງ, ໃນພິທີ ສະຫາຍ ພັນເອກ ຄຳຜົງ ພັດທະນາ ຄະນະພັກ ຫົວໜ້າຫ້ອງການເມືອງກອງບັນຊາການທະຫານແຂວງ, ໄດ້ຂຶ້ນຜ່ານລັດຖະດໍາລັດຂອງປະທານປະເທດວ່າດ້ວຍການປະດັບຫຼຽນໄຊແຮງງານຊັ້ນII ແລະ ຊັ້ນIII ໃຫ້ແກ່ຄະນະຮັບພິຊອບຕິດຕາມຊີ້ນຳພື້ນຟູບັນດາໂຄງການສ້ອມແປງເສັ້ນທາງຍຸດທະສາດ ແລະ ເສັ້ນທາງເຂົ້າກົມກອງທີ່ຖືກຜົນກະທົບຈາກໄພພິບັດທຳມະຊາດຈຳນວນ 15 ສະຫາຍ, ດຳລັດຂອງນາຍົກລັດຖະມົນຕີວ່າດ້ວຍການປະດັບຫຼຽນກາແຮງງານ ຈຳນວນ 2 ສະຫາຍ ແລະ ຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການມອບຫຼຽນໄຊພິລະອາດຫານຊັ້ນI ຈໍານວນ 13 ສະຫາຍ, ຊັ້ນ II ຈໍານວນ 121 ສະຫາຍ ຊັ້ນ III ຈຳນວນ 540 ສະຫາຍ ແລະ ມອບໃບຍ້ອງຍໍກະຊວງປ້ອງກັນປະເທດໃຫ້ຈຳນວນ 295 ສະຫາຍ. ໃນໂອກາດເຂົ້າຮ່ວມປິດກອງປະຊຸມສະຫຼຸບວຽກງານຮອບດ້ານປະຈຳປີ 2023 ແລະ ພິທີປະດັບຫຼຽນໄຊ ແລະ ໃບຍ້ອງຍໍປະເພດຕ່າງໆ ສະຫາຍ ບຸນໂຈມ ອຸບົນປະເສີດ ເຈົ້າແຂວງສະຫວັນະເຂດ ກໍ່ໄດ້ໃຫ້ກຽດໂອ້ລົມ ກ່ອນອື່ນສະຫາຍ ໄດ້ສະແດງຄຳຍ້ອງຍໍຊົມເຊີຍຕໍ່ຜົນງານທີ່ກອງບັນຊາການຍາດມາໄດ້ໃນ 1ປີຜ່ານມາ ແລະ ຍ້ອງຍໍຊົມເຊີຍຕໍ່ຜູ້ທີ່ໄດ້ຮັບການຍ້ອງຍໍໃນຄັ້ງນີ້ ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ແຂງແຮງຂຶ້ນກວ່າເກົ່າ, ຕິດພັນກັບການປັບປຸງກໍ່ສ້າງກຳລັງ, ຫັນເອົາພະນັກງານລົງກໍ່ສ້າງຮາກຖານໃຫ້ເລິກເຊິ່ງເຖິງຖອງ, ເພີ່ມທະວີແບບແຜນວິທີເຮັດວຽກໃຫ້ຖືກຕ້ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ຂໍ້ກຳນົດກົດລະບຽບຂອງກອງທັບ, ສ້າງໜ່ວຍພັກປອດໃສ, ເຂັ້ມແຂງໜັກແໜ້ນ, ປະຕິບັດນໍ້າໃຈເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ. ພາບ- ຂ່າວ ພານິດ ພິລາວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ