ກອງທັບປະຊາຊົນລາວ
 
ວັນອາທິດ, ວັນທີ 19 ພຶດສະພາ 2024

  

ນັກ​ກິລາ​ເທ​ຄວັນ​ໂດ້ ຈາກ​ສະໂມສອນ PMS ໄດ້​ອັນ​ດັບ​ທີ 1 ທີ່​ແຂວງ​ອຸດອນ​ທານີ ປະເທດ​ໄທ
ເວລາອອກຂ່າວ: 2024-03-26 09:48:40 | ຜູ້ຂຽນ : admin1 | ຈຳນວນຄົນເຂົ້າຊົມ: 79 | ຄວາມນິຍົມ:



ນັກ​ກິລາ​ເທ​ຄວັນ​ໂດ້​ເຍົາວະ​ຊົນ​ລາວ ຈາກ​ສະໂມສອນ PMS ໄດ້ 8 ຫຼຽນ​ຄຳ 7 ຫຼຽນ​ເງິນ 2 ຫຼຽນ​ທອງ ໄດ້​ອັນ​ດັບ​ທີ 1 ໄດ້​ຂັນ​ຊະນະ​ເລີດ ເທ​ຄວັນ​ໂດ້ ລາຍການ UD TOWN TAEKWONDO CHAMPIONSHIP 2024 ທີ່​ແຂວງ​ອຸດອນ​ທານີ ປະເທດ​ໄທ ໃນ​ວັນ​ທີ 17 ມີນາ ຜ່ານ​ມາ​ນີ້. ລາຍການ​ນີ້ ມີ​ນັກ​ກິລາ​ເຂົ້າ​ຮ່ວມ 503 ຄົນ ສະເພາະສະໂມສອນ​ເທ​ຄວັນ​ໂດ້ PMS ຈາກ​ລາວ ໄດ້​ສົ່ງ​ນັກ​ກິລາ​ເຂົ້າ​ຮ່ວມ​ທັງ​ໝົດ 17 ຄົນ ເປັນ​ເຍົາວະ​ຊົນ​ທັງ​ໝົດ​ຍິງ 4 ນ້ອງ, ຊາຍ 13 ນ້ອງ ໄດ້​ຮັບ​ຫຼຽນ​ລາງວັນ​ທຸກ​ຄົນພາສະໂມສອນໄດ້​ຮັບ​ຂັນ​ຊະນະ​ເລີດ​ລວມ​ທີມ​ປະເພດ​ຕໍ່ສູ້, ພ້ອມ​ກັນ​ນີ້ຄູ​ເຝິກ ດວງ​ສີວິໄລ ພິມ​ມະ​ສອນອະ​ດີດ​ທີມ​ຊາດ​ລາວ ໄດ້​ຮັບ​ລາງວັນ​ຄູ​ເຝິກ​ດີເດັ່ນ ແລະ ນັກ​ກິລາ​ພາຍ​ໃນ​ທີມ​ຍັງ​ໄດ້​ລາງວັນ​ນັກ​ກິລາ​ດີເດັ່ນ 4 ນ້ອງ​ໄດ້ແກ່: ນາງ ນາ​ລິນ​ດາ ເຂັມ​ມາລາ, ນາງ ສຸວັນນະ​ພາ ດວງ​ມີ​ໄຊ, ທ້າວ ສຸກ​ສະຫວັນ ວົງ​ພັກດີ ແລະ ທ້າວ ສຸກ​ມີ​ໄຊ ອິນ​ທະ​ວົງ. ສຳລັບນັກ​ກິລາ​ລາວ ທີ່​ສາມາດ​ໄດ້​ຫຼຽນ​ມາ​ໄດ້​ໃນ​ງານ​ຄັ້ງ​ນີ້ 8 ຫຼຽນ​ຄຳ​ໄດ້​ຈາກ: ນາງ ນາ​ລິນ​ດາເຂັມ​ມາລາ, ນາງ ສຸວັນນະ​ພາ ດວງ​ມີ​ໄຊ, ທ້າວ ສຸກ​ສະຫວັນ ວົງ​ພັກດີ, ທ້າວ ສຸກ​ມີ​ໄຊ ອິນ​ທະ​ວົງ, ທ້າວ ພອນ​ປະດິດ ພັນ​ຍາ​ວົງ, ທ້າວ ວາ​ລັດ​ຕະ​ຍາ ເພັດ​ສະຫວັນ, ທ້າວ ອາ​ລິ​ຍາ​ກອນ ພາ​ມາ​ວັນ ແລະ ທ້າວ ບາ​ລະ​ມີ ສູນ​ດາລາ. ໃນ​ປີ 2024 ນີ້ ການ​ເຂົ້າ​ ຮ່ວມແຂ່ງຂັນ​ເດືອນ​ມັງກອນ ຜ່ານ​ມາ ໄດ້​ໄປ​ແຂ່ງຂັນ​ທີ່​ ຊຽງ​ໃໝ່ປະເທດ​ໄທລາຍການ CHIANGMAI TAEKWONDO INTERNATIONAL CHAMPIONSHIP 2024 ສົ່ງ​ນັກ​ກິລາ 7 ຄົນ ເປັນ​ຍິງ 1 ຊາຍ 6 ສາມາດ​ຍາດ​ໄດ້ 4 ຫຼຽນ​ຄຳ 3 ຫຼຽນ​ເງິນ. ສ່ວນລາຍການ​ຕໍ່​ໄປ ຈະ​ເປັນ​ການ​ແຂ່ງຂັນ​ພາຍ​ໃນ​ປະເທດ​ລາວ ຊິງ​ຂັນ​ປະທານ​ສະຫະພັນ​ກິລາ​ເທ​ຄວັນ​ໂດ້​ແຫ່ງ​ຊາດ​ລາວ ປະຈຳ​ປີ 2024 ຄາດ​ວ່າ​ຈະ​ສົ່ງ​ນັກ​ກິລາ​ຈຳນວນ 20 ຄົນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ