ກອງທັບປະຊາຊົນລາວ
 
ວັນພະຫັດ, ວັນທີ 23 ພຶດສະພາ 2024

  

​ສຕລ ສຳເລັດ​ການເ​ຝິກ​ອົບຮົມ​ຄູ​ເຝິກ​ກິລາ​ບານເຕະລະດັບ ຊີ ຢູ່​ແຂວງ​ຫຼວງ​ນ້ຳ​ທາ
ເວລາອອກຂ່າວ: 2024-03-29 09:10:49 | ຜູ້ຂຽນ : admin1 | ຈຳນວນຄົນເຂົ້າຊົມ: 74 | ຄວາມນິຍົມ:



ພິທີ​ປິດ​ຊຸດເ​ຝິກ​ອົບຮົມ​ຄັ້ງ​ນີ້ ໄດ້​ມີ​ຂຶ້ນ​ໃນ​ຕອນ​ແລງ​ວັນ​ທີ 22 ມີນາ 2024 ທີ່​ຫ້ອງ​ປະຊຸມ​ສະໜາມກິລາ​ແຂວງ​ຫຼວງ​ນໍ້າທາ ໂດຍ​ເປັນ​ປະທານ​ຂອງ ທ່ານ ພູນ​ແກ້ວ ເຫຼົ່າ​ອິນ ຫົວໜ້າ​ພະ​ແນກ​ໂຍທາ​ທິ​ການ ແລະ ຂົນ​ສົ່ງ​ແຂວງ, ປະທານ​ສະຫະພັນ​ບານເຕະ​ແຂວງ, ມີ ທ່ານ ຊຸນ​ດຣຳ ມູນ​ຕີ ຫົວໜ້າ​ພະ​ແນກ​ເຕັກນິກ-ວິທະຍາ ສະຫະພັນ​ກິ ລາ​ບານເຕະ​ແຫ່ງ​ຊາດ​ລາວ ຫຼື ​ສຕລ, ທ່ານ ວົງ​ມີ​ໄຊ ສຸ​ບົວ​ຄຳ ຜູ້​ເຝິກ​ສອນ​ຫຼັກ​ຈາກ ​ສຕລ ແລະ ທ່ານ ຈັນທະຄາດ ສ່ຽນ​ຜ່ອງໃສ ຜູ້​ຊ່ວຍ​ຜູ້​ເຝິກ​ສອນ ພ້ອມ​ດ້ວຍ​ພະນັກງານ​ວິຊາ​ການ​ກ່ຽວຂ້ອງ ແລະ ສຳ​ມະນາກອນ ຈຳນວນ 24 ທ່ານ ມາ​ຈາກແຂວງ ​ຫຼວງ​ນໍ້າທາ 13 ທ່ານ, ແຂວງ​ ອຸດົມໄຊ 3 ທ່ານ, ແຂວງ​ບໍ່​ແກ້ວ 2 ທ່ານ ແລະ ປະເທດ​ໄທ 6 ທ່ານ. ໃນ​ພິທີ, ທ່ານ ວົງ​ມີ​ໄຊ ສຸ​ບົວ​ຄຳ ໄດ້​ລາຍ​ງານ​ໃຫ້​ຮູ້​ວ່າ: ການ​ເຝິກ​ອົບຮົມ​ດັ່ງກ່າວແມ່ນ​ໄດ້​ແບ່ງ​ອອກ​ເປັນ 2 ພາກ ປະກອບມີ ພາກ​ທິດ​ສະ​ດີ ແລະ ການ​ປະຕິ ບັດ​ຕົວ​ຈິງ​ພາກ​ສະໜາມ, ການ​ສອບເສັງ 6 ຄັ້ງ (ຕົວ​ຈິງ 3 ຄັ້ງ ແລະ ທິດ​ສະ​ດີ 2 ຄັ້ງ ແລະ ເສັງ​ກຳມະການ 1 ຄັ້ງ), ຜູ້​ເຂົ້າ​ຮ່ວມ​ໄດ້​ຮຽນ​ຮູ້​ກ່ຽວ​ກັບການ​ພັດ ທະນາ​ຄູ​ເຝິກ, ຄວາມ​ຕ້ອງການ​ຄູ​ເຝິກ​ຂອງ AFC, ພາລະ​ບົດ ບາດ ແລະ ໜ້າ​ທີ​່ຮັບຜິດຊອບ, ເຕັກນິກ ແລະ ຍຸດທະວິທີ​ຂອງ​ການ​ເຕະບານ, ຄວາມ​ສຳພັນ​ກັບ​ບານ, ການ​ສົ່ງ​ບານ, ການ​ຈັບ​ບານ, ການ​ຍິງ​ບານ, ຫຼັກການ​ຂອງ​ການ​ເຝິກ​ສອນ, ເຕະບານ​ຟຸດ​ຊໍ, ກະຕິ​ກາ​ຂອງ​ກິລາ​ບານເຕະ, ອາຫານ ແລະ ສຸຂະພາບ, ການ​ເຝິກແອບ, ການ​ເຝິກແອບ​ຜູ້ຮັກ ສາ​ປະຕູ, ການ​ວາງ​ແຜນ, ບົດ ບາດ​ສຳຄັນ​ຂອງ​ຜູ້​ຮັກສາປະຕູ, ການ​ຈະເລີນ​ເຕີບ​ໃຫຍ່ ແລະ ການ​ປະຖົມພະຍາບານ, ແນະນຳ​ພາກ​ປະຕິບັດ​ກິດຈະກຳ​ບານເຕະ​ພື້ນ ຖານ, ການ​ຫຼິ້ນ​ບານ​ໃນເກມ ເຊິ່ງ​ຊຸດ​ເຝິກ​ອົບຮົມ​ຄັ້ງ​ນີ້ສາມາດ​ປະ​ເມີນ​ຄວາມ​ຮັບ​ຮູ້​ຂອງ​ສຳ​ມະ​ນາ​ກອນ​ໄດ້ 85%. ໂອກາດ​ນີ້, ທ່ານ ພູນ​ແກ້ວ ເຫຼົ່າ​ອິນ ໄດ້​ສະແດງ​ຄວາມ​ຍ້ອງ ຍໍ​ຊົມເຊີຍ​ມາ​ຍັງ​ຄະນະ​ສະຫະພັນ​ບານເຕະ​ແຫ່ງ​ຊາດ​ລາວ, ຄະນະ​ພະ​ແນກ​ຈັດເ​ຝິ​ກອົບຮົມ​ຄູ​ເຝິກ, ວິທະຍາກອນ ແລະ ສຳ​ມະ​ນາ​ກອນ ທີ່​ໄດ້​ເອົາໃຈໃສ່​ກະກຽມ​ດ້ານ​ຕ່າງໆ ເຮັດ​ໃຫ້ການເ​ຝິກ​ອົບ ຮົມ​ໃນ​ຄັ້ງ​ນີ້​ໄດ້​ສຳເລັດ​ໄປ​ຕາມ​ຈຸດປະສົງລະດັບ​ຄາດໝາຍ ແລະ ວັນ​ເວລາ​ທີ່​ໄດ້​ກຳນົດ​ໄວ້ ແລະ ທ່ານ​ກໍ​ໄດ້​ເນັ້ນ​ໜັກ​ໃຫ້​ສຳ ​ມະ​ນາ​ກອນ​ຈົ່ງ​ນຳ​ເອົາ​ບົດຮຽນ ​ເຫຼົ່າ​ນີ້​ໄປ​ຈັດ​ຕັ້ງ​ປະຕິບັດ​ໃນ​ກົມ ​ກອງ​ຂອງ​ຕົນ​ໃຫ້​ປະກົດ​ຜົນ​ເປັນ​ ຈິງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ