ກອງທັບປະຊາຊົນລາວ
 
ວັນພະຫັດ, ວັນທີ 23 ພຶດສະພາ 2024

  

ການແຂ່ງຂັນມວຍລາວໄຟ ຄັ້ງທີ 4 ຈະຈັດຂຶ້ນ ຢ່າງຍິ່ງໃຫຍ່ ທີ່ນະຄອນຫຼວງວຽງຈັນ
ເວລາອອກຂ່າວ: 2024-04-09 09:16:42 | ຜູ້ຂຽນ : admin1 | ຈຳນວນຄົນເຂົ້າຊົມ: 76 | ຄວາມນິຍົມ:



ການແຂ່ງຂັນມວຍລາວໄຟ ( Muay Lao Fight ) ປະຈໍາປີ 2024 ຈະກັບມາລະເບີດຄວາມ ມັນອີກຄັ້ງ ໂດຍຄັ້ງນີ້ຈັດຂຶ້ນ ເປັນຄັ້ງທີ 4 ເຊິ່ງເລີ່ມແຕ່ເວລາ 17:00 ໂມງຂອງວັນທີ 7 ເມສາ 2024 ທີ່ ເວທີມວຍ ບູໂດ ລາວ-ຍີ່ປຸ່ນ (Lao Japan Budo Center) ເຂດສະໜາມກິລາ ເຈົ້າອະນຸວົງ, ເມືອງຈັນທະບູລີ ນະຄອນຫຼວງວຽງຈັນ ມີນັກຊົກເຂົ້າຮ່ວມແຂ່ງຂັນທັງໝົດ 15 ຄູ່. ພິທີຖະແຫຼງຂ່າວກຽມຄວາມ ພ້ອມກ່ອນການແຂ່ງຂັນລາຍການດັ່ງກ່າວ, ຈັດຂຶ້ນໃນວັນທີ 2 ເມສາ 2024 ນີ້, ທີ່ຫ້ອງປະຊຸມໃຫຍ່ຄະນະກຳມະການໂອແລັມປິກແຫ່ງຊາດລາວ, ໂດຍການເຂົ້າຮ່ວມເປັນທະທານຂອງທ່ານ ຕຸດາວັນ ໜໍ່ເມືອງເສດ ຮອງປະທານ ແລະ ເລຂາທິການສະຫະພັນມວຍລາວແຫ່ງຊາດ, ມີ ທ່ານ ກວນເພັດ ພວງມາລາຮອງເລຂາທິການສະຫະພັນມວຍລາວແຫ່ງຊາດ ແລະ ທ່ານ ມໍລະກົດ ສຸວັນ ນະສັງໂສ ຮອງເລຂາທິການສະຫະພັນມວຍ ລາວແຫ່ງຊາດ ພ້ອມດ້ວຍຄະນະ, ຄູເຝິກ, ນັກກິລາ ແລະ ສື່ມວນຊົນ ເຂົ້າຮ່ວມ. ທ່ານ ຕຸດາວັນ ໜໍ່ເມືອງເສດ ກ່າວວ່າ: ການຈັດການແຂ່ງຂັນມວຍລາວໄຟ ຄັ້ງນີ້ຈັດຂຶ້ນມາເປັນຄັ້ງທີ 4 ຕໍ່ຈາກກ່ອນໜ້ານີ້ແມ່ນຈັດຢູ່ ນະຄອນຫຼວງວຽງຈັນ ແລະ ຈຳປາສັກ, ຈັດຂຶ້ນ ເພື່ອຜັນຂະຫຍາຍແຜນການເຄື່ອນໄຫວຂອງສະຫະພັນມວຍລາວແຫ່ງຊາດ ໂດຍສະເພາະແມ່ນການຈັດມວຍຮອບ ແລະ ຈັດຢ່າງຕໍ່ເນື່ອງໃນທຸກໆເດືອນເພື່ອຕິດພັນກັບວັນສຳຄັນອື່ນໆ ກໍຄືວັນສະເຫຼີມສະ ຫຼອງວັນສ້າງຕັ້ງກໍາລັງກະຊວງປ້ອງກັນຄວາມສະຫງົບ ຄົບຮອບ 63 ປີ ແລະ ວັນບຸນປີໃໝ່ລາວ. ພິເສດ ຍັງເປັນການສ້າງເວທີໃຫ້ກັບນັກມວຍລາວ ໄດ້ແຂ່ງຂັນກັບນັກກິລາພາຍໃນ ແລະ ຕ່າງປະເທດ ເພື່ອເປັນການປັບປຸງ ແລະ ພັດທະນານັກກິລາມວຍລາວຮຸ່ນ ເຍົາວະຊົນສືບທອດ ໃຫ້ມີຄວາມເຂັ້ມແຂງສາມາດແຂ່ງຂັນກິລາປະເພດຕໍ່ສູ່ ເພື່ອກາຍເປັນນັກກິລາທີມຊາດກຽມເຂົ້າຮ່ວມແຂ່ງຂັນກິລາເອຊຽນເກມ ທີ່ນະຄອນ ຫຼວງບາງກອກ ປະເທດໄທ ໃນ ທ້າຍເດືອນ ພະຈິກ 2024 ນີ້, ພ້ອມທັງເປັນການສະເຫຼີມສະຫຼອງ ແລະ ຊົມເຊີຍການເປີດປີທ່ອງທ່ຽວຂອງ ສປປ ລາວ. ຮອງເລຂາທິການສະຫະພັນມວຍລາວແຫ່ງຊາດ ກ່າວວ່າ: ເວທີສໍາລັບການແຂ່ງຂັນແມ່ນໃກ້ຈະສຳເລັດສົມບູນ 100%, ໂດຍມີນັກມວຍເຂົ້າຮ່ວມ 15 ຄູ່, ແບ່ງເປັນ 2 ຮອບ, ເຊິ່ງປະກອບມີ: 1. ມວຍກ່ອນເວລາ ຮຸ່ນ 46 ກິໂລກຣາມ: ສືບທອດ KKV ພົບ ສິງຂອນເລັກກຽດປະສານໄຊ, 2. ມວຍກ່ອນເວລາ ຮຸ່ນ 52 ກິໂລກຣາມ: ສາຍຊົນ ຂວັນໃຈສີໂຄດ ພົບ ສີອຸຍ ຂຸນວັງຫຼວງ, 3. ມວຍຮອບ ຮຸ່ນ 51 ກິໂລກຣາມ: ເມືອງໂຂງ ສິດຄູແທ້ ພົບ ນໍ້າອ້ອຍ ຮ້ານອາຫານເວກັສ, 4. ມວຍຮອນ ຮຸ່ນ 51 ກິໂລກຣາມ: ແລ້ມໂບ້ເລັກ ມວຍລາວລ້ານຊ້າງ ພົບ ຍອດເລົ່າງາມ ບັນຊາເດດ, 5.ມວຍຮອບ ຮຸ່ນ 57 ກິໂລກຣາມ: ຄູນເພັດ ສສ ໂວວີນາມ ພົບ ສອນໄຊ ມາດາມຊາຣາ, 6. ມວຍຮອບ ຮຸ່ນ 57 ກິໂລກຣາມ: ຂຸນເຫຼັກ ຂຸນວັງຫຼວງພົບ ແມ໋ກນ້ອຍ ສູນເຝິກກິລາວູຊູແຫ່ງຊາດ, 7.ມວຍຮອບ ຮຸ່ນ 65 ກິໂລກຣາມ: ເພັດພູພານ ມວຍລາວລ້ານຊ້າງ ພົບ ປາຫວ່າ ສິດຊຽນນິຍົມ, 8.ມວຍຮອບ ຮຸ່ນ 56 ກິໂລກຣາມ: ລາຍເພັດນ້ອຍ (CSC) ກົມຄຸມຂັງດັດສ້າງກະຊວງ ປກສ ພົບ ລ່ອນນີ້ ສູນເຝິກກິລາວູຊູແຫ່ງຊາດ, 9.ມວຍຮອບທີ 2 ຮຸ່ນ 51 ກິໂລກຣາມ: ຫຼ່ຽມເພັດເລັກ ( CSC) ວິທະ ຍາຄານຕໍາຫຼວດປະຊາຊົນ ພົບ ຍອດສາລະວັນ ອໍນິວໄກ່ຊິ້ງ, 10. ຄູ່ມວຍພິເສດ ຮຸ່ນ 61 ກິໂລກຣາມ: ເກົ້າແສນ ຂວັນໃຈ ສີໂຄດ ພົບ ລໍານໍ້າໂຂງ ຕໍ ເພັດຕາວັນ (ນັກຊົກຈາກປະເທດໄທ), 11. ຄູ່ມວຍພິເສດ ຮຸ່ນ 65 ກິໂລກຣາມ: ສິງໃຫຍ່ AIDC ພົບ ຈຳນຸດຊານາງ ຈາກກຳປູເຈຍ, 12. ຄູ່ມວຍພິເສດ ຮຸ່ນ 65 ກິ ໂລກຣາມ: ຂຸນຊ້າງ JDB ບັນຊາເດດ ພົບ MOHSEN FARTOTEARD ຈາກ ອີຣານ, 13. ມວຍຮອບທີ 2 ຮຸ່ນ 64 ກິໂລກຣາມ: ນ້ອງໂອ ທະວີຊັບ ວິທະຍາຄານ ວສປ (ເສ່ຍຕ້າຂຸນວັງຫຼວງ) ພົບ SAJJAD MANAFI YALDAGERMANI ຈາກອີຣານ, 14.ມວຍຮອບທີ 2 ຮຸ່ນ 51 ກິໂລກຣາມ: ນ້ອງເບຍ ຂຸນວັງຫຼວງ ພົບ ມັງກອນຂາວ HK ຢີິມ, 15.ມວຍທົ່ວໄປ ຮຸ່ນ 52 ກິໂລກຣາມ ເພັດທະຈັກ ມຸງ ຄຸນເພັດ (ກະຊວງ ປກສ ) ພົບ ອາຍາເລັກ ແອອຸດົມ ອາໄຫຼ່ລົດຍົນ. ພິເສດ ຍັງມີນັກກິລາຈາກໄທ ແລະ ກໍາປູເຈຍ ມາຮ່ວມຊົກ ນໍາອີກດ້ວຍ. ໂດຍ: ສຸເວດ ສີດາຄໍາ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ