ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ກອງ​ບັນຊາ​ການ​ທະຫານ​ແຂວງ ແລະ ອົງ​ການຈັດຕັ້ງ​ມະຫາຊົນແຂວງ​ຜົ້ງ​ສາລີ ເຂົ້າ​ອວຍພອນ ກຳລັງ​ປ້ອງ​ກັນ​ຄວາມ​ສະຫງົບ​ແຂວງ
ເວລາອອກຂ່າວ: 2024-04-10 09:24:34 | ຜູ້ຂຽນ : admin1 | ຈຳນວນຄົນເຂົ້າຊົມ: 1143 | ຄວາມນິຍົມ:



ວັນ​ທີ 2 ເມສາ 2024 ນີ້, ຄະນະ​ນຳ​ກອງ​ບັນຊາ​ການ​ທະຫານ​ແຂວງ ແລະ ອົງ​ການຈັດຕັ້ງ​ມະຫາຊົນແຂວງ​ຜົ້ງ​ສາລີ, ນຳ​ໂດຍ ສະຫາຍ ພົນ​ຈັດຕະວາ ຊຽງ​ເພັງ ບົວ​ລະ​ວົງ ຫົວໜ້າ​ການເມືອງ ກອງ​ບັນຊາ​ການ​ທະຫານ​ແຂວງ ພ້ອມ​ດ້ວຍ​ຄະນະ ໄດ້​ນຳ​ເອົາ​ກະຕ່າ​ຂອງຂວັນ ເຂົ້າ​ອວຍພອນ ຄະນະ​ພັກ​ກອງ​ບັນຊາ​ການ ​ປກສ ແຂວງ​ຜົ້ງ​ສາລີ ເນື່ອງ​ໃນ​ໂອກາດວັນ​ສ້າງຕັ້ງ​ກຳລັງ​ປ້ອງ​ກັນ​ຄວາມ​ສະຫງົບປະຊາຊົນ ຄົບຮອບ 63 ປີ (5 ເມສາ 1961-5 ເມສາ 2024), ໂດຍ​ການ​ຕ້ອນຮັບ ຂອງ​ສະຫາຍ ພົນ​ຈັດຕະວາ ຄຳ​ຈັນ ແສງ​ລາ​ວົງ ຫົວໜ້າ​ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ​ແຂວງ ພ້ອມ​ຄະນະ ສະຫາຍ ພົນ​ຈັດຕະວາ ຊຽງ​ເພັງ ບົວ​ລະ​ວົງ ໄດ້​ຕາງໜ້າ​ໃຫ້​ຄະນະ​ນຳກອງ​ບັນຊາ​ການ​ທະຫານ​ແຂວງ ແລະ ອົງ​ການຈັດຕັ້ງ​ມະ​ຫານ​ຊົນ ສະແດງ​ຄວາມ​ຢື້​ຢາມ​ຖາມ​ຂ່າວ, ຄວາມ​ສະໜິດ ສະໜົມ, ຄວາມ​ຮັກແພງ​ສາມັກ ຄີ ແລະ ອວຍ ພອນໄຊເຖິງ​ຄະນະ​ພັກ-ຄະນະ​ບັນຊາ, ພະນັກງານ-ຫຼັກ​ແຫຼ່ງຕະຫຼອດ​ຮອດ​ພະນັກ ງານ-ນັກຮົບ ໃນ​ທົ່ວ​ກຳລັງ​ປ້ອງ​ກັນ​ຄວາມ​ສະຫງົບ​ແຂວງ​ຜົ້ງ​ສາລີ ຈົ່ງ​ມີ​ສຸຂະພາບ​ແຂງແຮງ, ມີ​ພາລະ​ນາ​ໄມ​ທີ່​ສົມບູນ ພ້ອມ​ກັນ​ເຮັດ​ສຳເລັດ​ໜ້າທີ່​ອັນ​ມີ​ກຽດ​ຂອງ​ຕົນ. ໂອກາດ​ນີ້, ສະຫາຍ ພົນ​ຈັນ​ຕະ​ວາ ຄຳ​ຈັນ ແສງ​ລາ​ວົງ ໄດ້​ຕາງໜ້າ​ຄະນະ​ພັກ-ຄະນະ​ບັນຊາ ແລະ ພະນັກງານ-ນັກຮົບ ທົ່ວ​ກຳລັງ​ປ້ອງ​ກັນ​ຄວາມ​ສະຫງົບ ແຂວງ​ຜົ້ງ​ສາລີ ​ສະແດງ​ຄວາມ​ຂອບໃຈ ຕໍ່ ຄະນະ​ນຳ​ກອງ​ບັນຊາ​ການ​ທະຫານ​ແຂວງ ແລະ ອົງ​ການຈັດຕັ້ງ​ມະ​ຫານ​ຊົນ​ຂັ້ນ​ແຂວງ ທີ່​ໄດ້​ສະຫຼະເວລາ​ອັນ​ມີ ຄຸນຄ່າ​ເຂົ້າ​ມາ​ອວຍພອນ ແລະ ເຫັນ​ໄດ້​ຄວາມ​ໝາຍ​ສຳຄັນ​ຂອງ ກຳລັງ​ປ້ອງ​ກັນ​ຄວາມ​ຫງົບ ພ້ອມ​ທັງ, ອວຍພອນ​ຄືນ​ໃຫ້​ທຸກ​ພາກສ່ວນ​ທີ່​ເຂົ້າ​ມາ​ອວຍພອນ​ໃນ​ຄັ້ງ​ ນີ້ ຈົ່ງ​ປະສົບ​ຜົນສຳເລັດ​ທຸກ​ໜ້າທີ່​ວຽກ​ງານ​ຂອງ​ຕົນ. ກຳລັງ​ປ້ອງ​ກັນ​ຄວາມ​ສະຫງົບ​ແຂວງ​ພ້ອມ​ແລ້ວ​ທີ່​ຈະ​ນຳພາ​ກຳລັງ ສືບຕໍ່​ປະຕິບັດ​ໜ້າທີ່​ວິຊາ​ສະເພາະ ໃນ​ການ​ຮັກສາ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບ​ຮ້ອຍ ຂອງ​ສັງຄົມ​ໃຫ້​ດີ ເພື່ອ​ຮັບ​ໃຊ້​ ປະເທດ​ຊາດ, ຮັບ​ໃຊ້​ປະຊາຊົນດ້ວຍ​ຄວາມ​ຊື່ສັດ, ໂປ່ງ​ໃສ ແລະ ຍຸຕິ​ທຳຢ່າງ​ແທ້​ຈິງ. ໂດຍ: ທອງ​ໄຊ ແສງ​ອຸດົມ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ