ກອງທັບປະຊາຊົນລາວ
 
ວັນສຸກ, ວັນທີ 24 ພຶດສະພາ 2024

  

ກອງພັນ​ໃຫຍ່ 643 ຈັດ​ຕັ້ງ​ເຄົາລົບ​ທຸງຊາດ
ເວລາອອກຂ່າວ: 2024-04-11 09:21:32 | ຜູ້ຂຽນ : admin1 | ຈຳນວນຄົນເຂົ້າຊົມ: 959 | ຄວາມນິຍົມ:



ວັນ​ທີ 8 ເມສາ 2024 ນີ້, ກອງພັນ​ໃຫຍ່ 643 ໄດ້​ຈັດ​ຕັ້ງ​ພິທີ​ເຄົາລົບ​ທຸງຊາດ, ໂດຍ​ການ​ເປັນ​ປະທານ ຂອງ​ສະຫາຍ ພັນ​ເອກ ບົວລອຍ ດວງ​ລາ​ວົງ ຮອງ​ເລຂາ​ຄະນະ​ພັກ, ຫົວໜ້າ​ການ​ທະຫານ ກອງພັນ​ໃຫຍ່ 643, ມີ​ຄະນະ​ພັກ-ຄະນະ​ບັນຊາ, ກອງພັນ​ໃຫຍ່, ກອງພັນ, ກອງຮ້ອຍ​ເອກະລາດ ຕະຫຼອດ​ຮອດ​ພະນັກງານ-ນັກຮົບ​ທົ່ວ​ກົມ​ກອງ ເຂົ້າ​ຮ່ວມ. ສະຫາຍ ພັນ​ເອກ ບົວລອຍ ດວງ​ລາ​ວົງ ໄດ້​ລາຍ​ງານ​ໂດຍ​ຫຍໍ້​ກ່ຽວ​ກັບ​ການຈັດຕັ້ງ​ປະຕິບັດ​ເຄື່ອນ​ໄຫວ​ວຽກ​ງານ​ໃນ​ໄລຍະ​ຜ່ານ​ມາ ເຊິ່ງ​ໄດ້​ຍົກ​ໃຫ້​ເຫັນ​ດ້ານ​ດີ ແລະ ຂໍ້ຄົງຄ້າງ ພ້ອມ​ທັງ​ໄດ້​ເນັ້ນ​ໜັກ​ໃຫ້​ພະນັກງານ​ແຕ່​ລະ​ສະຫາຍ​ເອົາໃຈໃສ່​ເພີ່ມ​ທະວີ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ ເຊື່ອມຊຶມ​ກຳ​ ແໜ້ນ​ແນວທາງ​ນະໂຍບາຍ, ມະຕິ, ຄຳ​ສັ່ງ​ຂອງ​ຂັ້ນ​ເທິງ​ໃຫ້​ທົ່ວ​ເຖິງ, ເລິກເຊິ່ງ ແລະ ທັນ​ກັບ​ສະພາບ​ການ, ສຶບ​ຕໍ່​ແຜນການ​ອົບຮົມ-ຫັດ​ແອບ​ການ​ທະຫານ, ການ ເມືອງ, ພະລາທິການ-ເຕັກນິກໃຫ້​ເປັນ​ລະບົບ, ຮັບປະກັນ​ໄດ້​ຄຸນ​ນະ​ພາບ. ນອກ​ນີ້, ຕ້ອງ​ໄດ້​ເອົາໃຈໃສ່​ການ​ກວດກາ​ການ​ເຂົ້າ-ອອກຄ້າຍ, ລະບຽບ​ການ​ນຸ່ງ​ຖື, ຕາມ​ຄຳ​ສັ່ງ ແລະ ແຈ້ງ​ການ​ຂອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ. ທັງ​ນີ້, ກໍ​ເພື່ອ​ປະຕິບັດ​ຕາມ​ລະບຽບ​ການ​ເຄົາລົບ​ທຸງ​ປະຈຳເດືອນ​ປະຈຳ ແຕ່​ລະ​ໄຕ​ມາດ ທີ່​ ຂັ້ນ​ເທິງ​ກຳນົດ​ໄວ້ ໃຫ້​ມີ​ຄວາມເຂັ້ມແຂງ, ປະຕິບັດ​ດ້ານ​ລະບຽບ​ວິໄນ​ຕາມ 7 ລະບອບ 18 ວຽກ ທີ່​ກອງທັບ​ວາງ​ອອກ​ໃຫ້​ເຂັ້ມ​ງວດ, ໃນ​ພິທີ​ຍັງ​ໄດ້​ຜ່ານ​ຄຳ​ສັ່ງ​ຂອງ​ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ເພີ່ມ​ທະວີ​ຍົກ​ສູງ​ສະຕິ​ລະວັງ​ຕົວ​ກຽມພ້ອມ​ສູ້​ຮົບ​ໃນ​ໄລຍະ​ການຈັດຕັ້ງ​ສະເຫຼີມສະຫຼອງ​ບຸນ​ປີ​ໄໝ່​ລາວ ​ພສ 2567 ໃຫ້​ມີ​ຄວາມ​ສະຫງົບ ແລະ ປອດ​ໄພ. ຈາກ​ນັ້ນ, ​ໄດ້​ຮັບ​ຊົມ​ການ​ເດີນ​ສວນສະໜາມ​ກ້ອນ​ກຳລັງ​ຂອງ​ະນັກງານ-ນັກຮົບ​ທົ່ວ​ກອງພັນ​ໃຫຍ່​ຢ່າງ​ເປັນ​ຂະ​ບວນ​ຟົດຟື້ນ. ໂດຍ: ຄຳ​ໝັ້ນ ຄົງ​ວິໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ