ວັນຈັນ, ວັນທີ 14 ຕຸລາ 2024
ຫ້ອງການເມືອງ ກົມໃຫຍ່ພະລາທິການກອງທັບ ອວຍພອນ ຫ້ອງການເມືອງ ກົມໃຫຍ່ພະລາທິການ ປກສ
ເວລາອອກຂ່າວ: 2024-04-11 09:25:19 | ຜູ້ຂຽນ : admin1 | ຈຳນວນຄົນເຂົ້າຊົມ: 1144 | ຄວາມນິຍົມ: 
ວັນທີ 3 ເມສາ 2024 ນີ້, ສະຫາຍ ພັນເອກ ທອງອ້ວນ ຄຳວັນທອງ ຮອງຫົວໜ້າຫ້ອງການເມືອງ ກົມໃຫຍ່ພະລາທິການກອງທັບ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນເຂົ້າອວຍພອນ ສະຫາຍ ພັນເອກ ສີທອນ ພິມສີວົງ ຫົວໜ້າຫ້ອງການເມືອງ ກົມໃຫຍ່ພະລາທິການ ປກສ ພ້ອມດ້ວຍພະນັກງານຫຼັກແຫຼ່ງ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 63 ປີ.
ສະຫາຍ ຮອງຫົວໜ້າຫ້ອງການເມືອງ ກົມໃຫຍ່ພະລາທິການກອງທັບ ໄດ້ຕາງໜ້າໃຫ້ຄະນະພັກ-ຄະນະບັນຊາຫ້ອງການເມືອງກົມໃຫຍ່ພະລາທິການກອງທັບ ແລະ ພະນັກງານ-ນັກຮົບ ກ່າວອວຍພອນໄຊອັນປະເສີດ ມາຍັງການນຳພັກ-ລັດ ກໍຄືການນຳກະຊວງປ້ອງກັນຄວາມສະຫງົບ ຈົ່ງມີສຸຂະພາບແຂງແຮງ, ມີພາລະນາໄມສົມບູນ ແລະ ເຮັດສຳເລັດໜ້າທີ່ວຽກງານທີ່ມີກຽດສະຫງ່າອັນສູງສົ່ງຂອງບັນດາທ່ານ, ສືບຕໍ່ນຳພາ-ຊີ້ນໍາ ກຳລັງປ້ອງກັນຄວາມສະຫງົບປະຊາຊົນໃຫ້ນັບມື້ເຕີບໃຫຍ່, ໜັກແໜ້ນ, ເຂັ້ມແຂງ ແລະ ກ້າວຂຶ້ນຢ່າງບໍ່ຢຸດຢັ້ງ, ອວຍພອນໃຫ້ພະນັກງານຫຼັກແຫຼ່ງ ຕະຫຼອດຮອດພະນັກງານ-ນັກຮົບ ທົ່ວຫ້ອງການເມືອງ ກົມໃຫຍ່ພະລາທິການ ປກສ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ພ້ອມກັນເຮັດສຳເລັດໜ້າທີ່ການເມືອງ ທີ່ການຈັດຕັ້ງຂັ້ນເທິງມອບໝາຍໃຫ້.
ໂດຍ: ຄຳປະສົງ ລາດຊະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
