POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ມີນາ 2025

ໂຮງຮຽນການທະຫານທ້ອງຖິ່ນແຂວງຄຳມ່ວນ ສະຫຼຸບການແຂ່ງຂັນ ຮັກຊາດ ແລະ ພັດທະນາ
ເວລາອອກຂ່າວ: 2024-04-11 09:29:47 | ຜູ້ຂຽນ : admin1 | ຈຳນວນຄົນເຂົ້າຊົມ: 1309 | ຄວາມນິຍົມ:

ກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດເນື້ອໃນຂໍ້ແຂ່ງຂັນ ຮັກຊາດ ແລະ ພັດທະນາ ປະຈຳປີ 2023 ແລະ ເປີດຂະບວນການແຂ່ງຂັນຮັກຊາດ ແລະ ພັດທະນາ ປະຈໍາປີ 2024 ຂອງໂຮງຮຽນການທະຫານທ້ອງຖິ່ນແຂວງຄຳມ່ວນ ໄດ້ຈັດຂຶ້ນໃນທ້າຍເດືອນມີນາ 2024, ໂດຍການເປັນປະທານຂອງສະຫາຍ ພັນໂທ ທອງສຸກ ອຸ່ນວິໄລຫົງ ເລຂາຄະນະພັກຮາກຖານ, ຫົວໜ້າການເມືອງໂຮງຮຽນການທະຫານທ້ອງຖິ່ນແຂວງຄຳມ່ວນ, ມີຄະນະພັກ-ຄະ ນະອຳນວຍການ, ຂະແໜງການ, ພະນັກງານ-ນັກຮົບ ເຂົ້າຮ່ວມ. ສະຫາຍ ພັນໂທ ຄຳຜຸຍ ສີແສງໄຊ ຫົວໜ້າຂະແໜງການເມືອງ ໂຮງຮຽນການທະຫານທ້ອງຖິ່ນແຂວງຄຳມ່ວນ ໃຫ້ຮູ້ວ່າ: ໄລຍະຜ່ານມາ, ຄະນະພັກ-ຄະນະບັນຊາ ແຕ່ລະຂັ້ນ ໄດ້ປຸກລະດົມພະນັກງານ-ນັກຮົບ ເຄື່ອນໄຫວວຽກງານຂອງຕົນໃນແຕ່ລະດ້ານດ້ວຍຄວາມຮັບຜິດຊອບສູງ, ຈັດຕັ້ງປະຕິບັດແຜນການໃນແຕ່ລະດ້ານໃຫ້ບັນລຸໄດ້ຕາມຄາດໝາຍທີ່ວາງໄວ້; ນອກຈາກນັ້ນ, ຍັງໄດ້ຍົກໃຫ້ເຫັນຈຸດດີ, ຈຸດອ່ອນ, ຂໍ້ຄົງຄ້າງ ແລະ ທິດທາງແຜນການໃນປີ 2024 ເພື່ອວາງຄາດໝາຍສູ້ຊົນໃຫ້ໄດ້ຮັບຜົນດີ. ຈາກນັ້ນ, ແຕ່ລະຂະແໜງການໄດ້ຂຶ້ນເຊັນບົດບັນທຶກຮ່ວມກັນ ແລະ ຈັບມືຮັບຂໍ້ແຂ່ງຂັນ ເພື່ອພ້ອມກັນນຳເອົາເນື້ອໃນຂໍ້ແຂ່ງຂັນດັ່ງກ່າວໄປຈັດຕັ້ງປະຕິບັດໃຫ້ບັນລຸຕາມຄາດໝາຍ. ໂອກາດນີ້, ສະຫາຍ ພັນໂທ ເດດສະໝອນ ສັນຍາລັກ ຮອງເລຂາຄະນະພັກຮາກຖານ, ຫົວໜ້າການທະຫານ ໄດ້ຜ່ານແຈ້ງການ ຂອງກະຊວງປ້ອງກັນປະ ເທດ ແລະ ຂອງກອງບັນຊາການທະຫານແຂວງຄຳມ່ວນ ວ່າດ້ວຍວຽກງານຮັບປະກັນເຮັດໃຫ້ສະພາບມີຄວາມສະຫງົບ ເຊິ່ງຈຸດປະສົງ ເພື່ອແນໃສ່ເຮັດໃຫ້ຂອບເຂດກົມກອງຮັບຜິດຊອບມີຄວາມສະຫງົບໂດຍພື້ນຖານ, ຮັບປະກັນວຽກງານປະຈຳການກຽມພ້ອມສູ້ຮົບ ແລະ ປະຈຳການບໍລິຫານຕະຫຼອດ 24 ຊົວໂມງ, ຍົກສູງສະຕິລະວັງຕົວ, ຫັນພາວະປົກກະຕິການກຽມພ້ອມສູ້ຮົບ ໃຫ້ຂອງພະນັກງານ-ນັກຮົບ ມີຄວາມສະດຸ້ງໄວ ເປັນຕົ້ນແມ່ນການກອບກູ້ໄພພິບັດທາງທຳມະຊາດ ແລະ ປະຕິບັດໜ້າທີ່ອື່ນໆໄດ້ຮັບການຈັດຕັ້ງປະຕິບັດເປັນຢ່າງດີ. ສຳລັບແຜນການໃນຕໍ່ໜ້າກ່ຽວກັບເນື້ອໃນຂໍ້ແຂ່ງຂັນຮັກຊາດ ແລະ ພັດທະ ນາ ປະຈຳປີ 2024 ນີ້, ຄະນະພັກ-ຄະນະອຳນວຍການ ຈະໄດ້ສືບຕໍ່ເປັນເຈົ້າການນຳພາ-ຊີ້ນຳ ພະນັກງານ-ນັກຮົບ ພາຍໃນກົມກອງ ໂດຍການຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນກົກ, ເພີ່ມທະວີຄວາມສາມັກຄີພາຍໃນ-ພາຍນອກ ໃຫ້ແໜ້ນແຟ້ນ ແລະ ກວ້າງຂວາງ, ເປັນເຈົ້າການປະຕິບັດຂໍ້ກຳນົດ, ກົດລະບຽບວິໃນຂອງກອງທັບຢ່າງເຂັ້ມງວດ, ຄຽງຄູ່ກັບການສ້າງຂະບວນການຕ່າງໆຢ່າງຮອບດ້ານ ຕິດພັນກັບຂະບວນການໃນການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ຂະບວນການສ້າງກອງ 3 ປອດ (ປອດໃສ ປອດໄພ ປອດຄະດີ), ນັກຮົບວັດທະນະທຳ-ກົມກອງວັດທະນະທຳ ເພື່ອພ້ອມກັນສ້າງກົມກອງກາຍເປັນກົມກອງທີ່ມີລະບຽບແບບແຜນ ແລະ ທັນສະໄໝ. ໂດຍ: ວິໄລວອນ ພົມມະວົງສາ

news to day and hot news