ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ການ​ກໍ່ສ້າງ​ໜ່ວຍ​ພັກ ປອດ​ໃສ ເຂັ້ມແຂງ ໜັກ​ແໜ້ນ ຂອງ​ຄະນະ​ພັກ​ຮາກ​ຖານ ສະ​ຖາ​ບັນ​ອະນາໄມ​ກັນ​ພະຍາດ ແລະ ສົ່ງເສີມ​ສຸຂະພາບ​ກອງທັບ ມີ​ທ່າ​ຂະຫຍາຍຕົວ​ດີ
ເວລາອອກຂ່າວ: 2024-04-11 09:31:22 | ຜູ້ຂຽນ : admin1 | ຈຳນວນຄົນເຂົ້າຊົມ: 739 | ຄວາມນິຍົມ:



ສະຫາຍ ພັນ​ເອກ ​ດຣ ພຶດສະພາ ສົນທິ​ລາດ ຮອງ​ເລ ຂາ​ຄະນະ​ພັກ​ຮາກ​ຖານ, ຫົວໜ້າ​ການ​ທະຫານ ​ສະ​ຖາ​ບັນ​ອະນາໄມ​ກັນ​ພະຍາດ ແລະ ສົ່ງເສີມ​ສຸຂະ ພາບ​ກອງທັບ ໃຫ້​ຮູ້​ວ່າ: ການ​ກໍ່ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ໄລຍະ​ຜ່ານ​ມາ, ຄະນະ​ພັກ-ຄະນະ​ບັນຊາ ​ໄດ້​ເອົາໃຈໃສ່​ນຳພາ-ຊີ້​ນຳ ພະນັກງານ​ສະມາຊິກ​ພັກ​ເປັນ​ເຈົ້າ​ການເຄື່ອນໄຫວ​ປະຕິບັດ​ສິດ ແລະ ໜ້າທີ່​ວຽກ​ງານ​ວິຊາ​ສະເພາະ​ຂອງ​ຕົນ​ດ້ວຍ​ການຈັດຕັ້ງ​ຜັນ​ຂະຫຍາຍ ແລະ ຫັນ​ເອົາ​ເນື້ອ​ໃນ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ XI ຂອງ​ພັກ ກໍ​ຄື​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ V ຂອງ​ອົງຄະ​ນະ​ພັກ​ກະຊວງ​ປ້ອງ​ປະເທດ​ວາງ​ອອກ ເປັນ​ແຜນການ​ອັນ​ລະອຽດ​ຕົວ​ຈິງ, ພ້ອມ​ທັງ​ເປີດ​ຂະ​ບວນ​ການ​ສ້າງ​ກອງ 3 ປອດ (ປອດ​ໃສ ປອດ​ໄພ ປອດ​ຄະດີ) ຕິດ​ພັນ​ກັບ​ການ​ກໍ່ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ແນໃສ່​ເຮັດ​ໃຫ້​ພະນັກງານ​ສະມາຊິກ​ພັກ-ນັກຮົບ ຮູ້​ປ້ອງ​ກັນ​ການຈັດຕັ້ງ​ພັກ, ມີ​ຄວາມ​ປອດ​ໃສ​ໜັກ​ແໜ້ນ ທາງ​ດ້ານ​ການເມືອງ-ແນວ​ຄິດ ແລະ ເຂັ້ມແຂງ​ທາງ​ດ້ານ​ການຈັດຕັ້ງ, ມີ​ແບບແຜນ​ການ​ນຳພາ​ທີ່​ສອດ​ຄອງ​ຖືກຕ້ອງ, ຫັນ​ເອົາ 5 ຫຼັກການ 3 ທິດ​ນຳ​ຂອງ​ພັກ​ເປັນ​ໄມ້​ຫຼາ​ວັດແທກ​ຄຸນ​ທາດ​ການເມືອງ​ຂອງ​ພະນັກງານ​ສະມາຊິກ​ພັກ ໂດຍ​ຖື​ເອົາ​ການ​ສ່ອງ​ແສງ​ລາຍ​ງານ​ແຕ່​ລະ​ໜ່ວຍ​ພັກ​ເປັນ​ປະ​ຈຳ ເປັນ​ການ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ​ໃຫ້​ພະນັກງານ-ນັກຮົບ ເຮັດ​ໃຫ້​ກົມ​ກອງ​ມີ​ຄວາມ​ສະຫງົບ ຍູ້​ແຮງ​ການ​ປະຕິບັດ​ໜ້າທີ່​ວຽກ​ງານ​ວິຊາ​ສະເພາະ​ໃຫ້​ເດີນ​ແມ່ນ​ແລ່ນ​ສະດວກ​ດີ ແລະ ມີ​ຜົນສຳເລັດ​ເປັນ​ກ້າວໆ​ໃນ​ຮູບ​ແບບ​ສ້າງ​ກົມ​ກອງ​ໃຫ້​ມີ​ແບບແຜນ​ທັນ​ສະໄໝ. ຜ່ານ​ການ​ກໍ່ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ເຫັນ​ວ່າ​ພະນັກ ງານ​ສະມາຊິກ​ພັກ​ໄດ້​ມີ​ສະຕິ​ຕື່ນ​ຕົວ ແລະ ມີ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ການເມືອງ​ຂອງ​ຕົນ​ ເຮັດ​ວຽກ​ຢ່າງ​ມີ​ແຜນການ ແລະ ເປັນ​ລະບົບ​. ສາມາດຕີ​ລາຄາ​ແບ່ງ​ປະເພດ​ຄຸນ​ນະ​ພາບ​ສະມາຊິກ​ພັກ​ໃນ​ປີ 2023 ຜ່ານ​ມາ​ໄດ້​ດັ່ງນີ້: ສະ ມາຊິກ​ພັກ​ແຂງ 118 ສະຫາຍ ເທົ່າ​ກັບ 93,65%, ໄດ້​ຮັບ​ການ​ຢັ້ງຢືນ​ຈາກ​ຄະນະ​ປະຈຳ​ພັກ​ຂັ້ນ​ເທິງ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ປະເພດ I ມີ 8 ໜ່ວຍ​ພັກ, ປະເພດ II ມີ 1 ໜ່ວຍ​ພັກ, ສຳລັບ​ສົກ​ປີ 2023-2024 ສະເໜີ​ຄະນະ​ພັກ​ຂັ້ນ​ເທິງ​ຮັບຮອງ​ຕື່ມ​ຄື: ໜ່ວຍ​ພັກ I, ໜ່ວຍ​ພັກ III ແລະ ສະເໜີ​ຄະນະ​ພັກ​ຂັ້ນ​ເທິງ​ຮັບຮອງ​ເປັນ​ສະໄໝ​ທີ 5, ໜ່ວຍ​ພັກ V ສະເໜີ​ຮັບຮອງ​ເປັນ​ຄັ້ງ​ທີ 3, ໜ່ວຍ​ພັກ II ສະເໜີ​ຮັບຮອງ​ເປັນ​ຄັ້ງ​ທີ 2 ແລະ ອີກ 4 ໜ່ວຍ​ພັກ​ສະເໜີ​ຄະນະ​ພັກ​ຂັ້ນ​ເທີງ​ຮັບຮອງ​ໃໝ່. ຈາກ​ຜົນງານ​ດັ່ງກ່າວ, ກົມ​ກອງ​ຍັງ​ໄດ້​ຮັບ​ການ​ຍ້ອງຍໍ​ຜົນງານ 5 ປີ ເນື່ອງ​ໃນ​ໂອກາດ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ​ຄົບຮອບ 75 ປີ, ໃນ​ນັ້ນ, ​ໄດ້​ຮັບ​ຫຼຽນ​ໄຊ​ພິລະ​ອາດ​ຫານ ​ຊັ້ນ II ຈຳນວນ 13 ສະຫາຍ, ຊັ້ນ III ຈຳນວນ 16 ສະຫາຍ ແລະ ໃບ​ຍ້ອງຍໍ​ລັດຖະບານ​ຈຳນວນ 10 ສະຫາຍ ຢ່າງ​ສົມ​ກຽດ. ສະຫາຍ ພັນ​ເອກ ​ດຣ ພຶດສະພາ ສົນທິ​ລາດ ຍັງ​ກ່າວ​ຕື່ມ​ອີ​ກວ່າ: ເພື່ອ​ຮັບປະກັນ​ເຮັດ​ໃຫ້ການ​ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ໃຫ້​ມີ​ຄຸນ​ນະ​ພາບ ໃນ​ຕໍ່​​ໜ້້າ​ຄະນະ​ພັກ-ຄະນະ​ບັນຊາ ​ຈະ​ໄດ້​ເສີມ​ຂະຫຍາຍ​ຈຸດ​ດີ, ແກ້​ໄຂ​ຈຸດ​ອ່ອນ​ທີ່​ຄົງ​ຄ້າງ, ຖື​ເອົາ 5 ຫຼັກການ 3 ທິດ​ນຳ​ຂອງ​ພັກ​ເປັນ​ສຳຄັນ​ໃນ​ການ​ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ເອົາໃຈໃສ່​ກໍ່ສ້າງ​ພັກ, ກໍ່ສ້າງ​ພະນັກງານ ທາງ​ດ້ານ​ຄຸນ​ນະ​ພາບ, ຖື​ເອົາ​ການ​ສຳ​ຫຼວດ​ກວດກາ​ຕີ​ລາຄາ​ປະເພດ​ແບ່ງ​ປະເພດ​ສະມາຊິກ​ພັກ​ໃນ​ແຕ່​ລະ​ໄລຍະ ພ້ອມ​ນັ້ນ ກໍ​ຕ້ອງ​ປະຕິບັດ​ນະໂຍບາຍ, ຍ້ອງຍໍ​ໃຫ້​ສົມ​ເຫດ​ສົມ​ຜົນ, ຖືກ​ຕາມ​ມາດຕະຖານ​ຫຼັກການ​ໂດຍ​ອີງໃສ່​ເງື່ອນໄຂ​ຕົວ​ຈິງ, ​ເປັນ​ເຈົ້າ​ການ​ແກ້​ໄຂ​ປະກົດ​ການ​ຫຍໍ້ທໍ້​ຕ່າງໆ​ໃຫ້​ຂາດ​ຕົວ ເພື່ອ​ສ້າງ​ໃຫ້​ກົມ​ກອງ​ມີ​ຄວາມ​ສະຫງົບ ເຕີບ​ໃຫຍ່​ເຂັ້ມແຂງ​ກ້າວໜ້າ​ຂຶ້ນ​ຢ່າງ​ບໍ່​ຢຸດ​ຢັ້ງ. ໂດຍ: ອ້ອຍ​ພັນ ແພງ​ບຸນ​ມີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ