ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ຮອງເອກອັກຄະລັດຖະທູດ ສປ ຈີນ ປະຈຳ ສປປ ລາວ ເຂົ້າຢ້ຽມຂໍ່ານັບ ລັດຖະມົນຕີກະຊວງປ້ອງກັນປະເທດ ສປປ ລາວ
ເວລາອອກຂ່າວ: 2024-04-12 14:40:49 | ຜູ້ຂຽນ : admin2 | ຈຳນວນຄົນເຂົ້າຊົມ: 990 | ຄວາມນິຍົມ:



ໃນວັນທີ 12 ເມສາ 2024 ນີ້, ສະຫາຍ ຫວັງ ສາງ ຮອງເອກອັກຄະລັດຖະທູດ ສປ ຈີນ ປະຈໍາ ສປປ ລາວ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ສປປ ລາວ. ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ກ່າວສະແດງຄວາມຍິນດີຕ້ອນຮັບ ສະຫາຍ ຮອງເອກອັກຄະລັດຖະທູດ ສປ ຈີນ ປະຈຳ ສປປລ ລາວ ພ້ອມຄະນະ ທີ່ໄດ້ເຂົ້າຢ້ຽມຂໍ່ານັບໃນຄັ້ງນີ້ ພ້ອມທັງໄດ້ຕີລາຄາສູງຕໍ່ສາຍພົວພັນການຮ່ວມມື ແລະ ການຊ່ວຍເຫຼືອເຊິ່ງກັນ ແລະ ກັນຕະຫຼອດມາ ເຊິ່ງໄດ້ສະແດງໃຫ້ເຫັນເຖິງມິດຕະພາບ ຖານສະຫາຍອ້າຍນ້ອງຮ່ວມອຸດົມການດຽວກັນ, ຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ ທັງເປັນຄູ່ຮ່ວມຊະຕາກຳ ລາວ-ຈີນ ທີ່ມີ ຄວາມໝາຍທາງດ້ານຍຸດທະສາດລະຫວ່າງສອງພັກ, ສອງລັດ ກໍຄືສອງກອງທັບລາວ-ຈີນ ໃຫ້ນັບມື້ໄດ້ຮັບການເສີມຂະຫຍາຍ ແລະ ໝັ້ນຄົງທະນົງແກ່ນເຂົ້າສູ່ລວງເລິກຢ່າງບໍ່ຢຸດຢັ້ງ, ຖືໂອກາດນີ້ ອວຍພອນແດ່ ສະຫາຍ ພ້ອມຄະນະຈົ່ງມີພະລານະໄມທີ່ແຂງແຮງ ແລະ ເຮັດສໍາເລັດໜ້າທີ່ອັນສະຫງ່າງາມ. ໂອກາດນີ້, ສະຫາຍ ຫວັງ ສາງ ກໍໄດ້ກ່າວສະແດງຄວາມຂອບໃຈຕໍ່ສະຫາຍລັດຖະມົນຕີກະຊວງປ້ອງກັນປະເທດ ທີ່ໄດ້ຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ສາຍພົວພັນມິດຕະພາບການຮ່ວມມືອັນດີງາມລະຫວ່າງສອງພັກ-ສອງລັດ ກໍຄືການພົວພັນທີ່ສະນິດແໜ້ນລະຫວ່າງສອງປະເທດ ຈີນ-ລາວ ລາວ-ຈີນ ທີ່ມີມູນເຊື້ອຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນມາແຕ່ດົນນານຖານບ້ານໃກ້ເຮືອນຄຽງ ພ້ອມນີ້ກໍໄດ້ອວຍພອນໄຊແດ່ສະຫາຍພ້ອມດ້ວຍຄະນະເນື່ອງໃນໂອກາດປີໃໝ່ລາວນີ້ ຈົ່ງມີສຸຂະພາບແຂງແຮງ, ເຮັດສໍາເລັດໜ້າທີ່ອັນສະຫງ່າງາມ, ສືບຕໍ່ຊີ້ນໍາ-ນໍາພາກະຊວງປ້ອງກັນປະເທດໃຫ້ຂະຫຍາຍຕົວຂຶ້ນເລື້ອຍໆ. ໂດຍ: ສົມຄິດ ພູມມີຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ