ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ໂຮງຮຽນທິດສະດີການເມືອງກອງທັບ ປະກາດການແຕ່ງຕັ້ງ ພະນັກງານເຮັດໜ້າທີ່ຂັ້ນນໍາພາ-ບັນຊາ ແລະ ປະດັບຊັ້ນໃຫ້ນາຍທະຫານ
ເວລາອອກຂ່າວ: 2024-04-23 15:20:38 | ຜູ້ຂຽນ : admin2 | ຈຳນວນຄົນເຂົ້າຊົມ: 596 | ຄວາມນິຍົມ:



ໃນວັນທີ 23 ເມສາ 2024 ນີ້, ໂຮງຮຽນທິດສະດີການເມືອງກອງທັບ ໄດ້ ປະກາດການແຕ່ງຕັ້ງ ຂັ້ນຫົວໜ້າຄະນະວິຊາຄູ, ຮອງຫົວໜ້າຫ້ອງການບໍລິຫານ ແລະ ປະດັບທຽບຊັ້ນ-ເລື່ອນທຽບຊັ້ນໃຫ້ນາຍທະຫານ ຢູ່ໂຮງຮຽນທິດສະດີການເມືອງກອງທັບ, ໂດຍການເປັນປະທານຂອງ ສະຫາຍ ພົນຈັດຕະວາ ຮສຈ ປອ ຄໍາຜາຍ ສະພັງເໜືອ ຫົວໜ້າການເມືອງ ໂຮງຮຽນທິດສະດີການເມືອງກອງທັບ, ມີຄະນະພັກ-ຄະນະອໍານວຍການ, ມີຄະນະຫ້ອງ, ຄະນະວິຊາຄູ, ກອງພັນນັກສຶກສາ, ພະນັກງານ-ນັກຮົບ ທົ່ວໂຮງຮຽນເຂົ້າຮ່ວມ. ສະຫາຍ ພັນໂທ ຄໍາຜົງ ພົມມະວົງສາ ຮອງຫົວໜ້າຫ້ອງການເມືອງ ໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍ ການແຕ່ຕັ້ງ ຫົວໜ້າຄະນະວິຊາຄູ, ຮອງຫົວໜ້າຫ້ອງການ ແລະ ບໍລິຫານ, ຮອງພະແນກ ແລະ ຜູ້ຊ່ວຍວຽກ ຢູ່ບັນດາພະແນກການທີຂຶ້ນກັບໂຮງຮຽນທິດສະດີການເມືອງກອງທັບ ໃນນີ້ ກົມໃຫຍ່ການເມືອງກອງທັບ ຕົກລົງແຕ່ງຕັ້ງ ສະຫາຍພັນໂທ ໜໍ່ແສງ ພົມມະຈັນ ເປັນຫົວໜ້າຄະນະວິຊາຄູເຫຼົ່າຮົບ, ສະຫາຍ ພັນໂທ ສີເຖີດ ຄໍາທອງ ເປັນຮອງຫົວໜ້າຫ້ອງການ ແລະ ບໍລິຫານ, ແຕ່ງຕັ້ງຮອງຫົວໜ້າພະແນກ ແລະ ຜູ້ຊ່ວຍວຽກ ຢູ່ບັນດາພະແນກການທີຂຶ້ນກັບໂຮງຮຽນທິດສະດີການເມືອງກອງທັບ, ຈໍານວນ 43 ສະຫາຍ. ຂໍ້ຕົກລົງ ວ່າດ້ວຍ ການເລື່ອນຊັ້ນ-ເລື່ອນທຽບຊັ້ນໃຫ້ນາຍທະຫານ ຢູ່ໂຮງຮຽນທິດສະດີການເມືອງກອງທັບ, ເລື່ອນຊັ້ນ ຮ້ອຍເອກ ຂຶ້ນຊັ້ນ ພັນຕີ ຈໍານວນ 04 ສະຫາຍ, ເລື່ອນທຽບຊັ້ນ ຮ້ອຍເອກ ຂຶ້ນທຽບຊັ້ນ ພັນຕີ, ຈໍານວນ 06 ສະຫາຍ, ເລື່ອນຊັ້ນ ຮ້ອຍໂທ ຂຶ້ນຊັ້ນ ຮ້ອຍເອກ ຈໍານວນ 06 ສະຫາຍ, ເລື່ອນທຽບຊັ້ນ ຮ້ອຍໂທ ຂຶ້ນທຽບຊັ້ນ ຮ້ອຍເອກ ຈໍານວນ 04 ສະຫາຍ, ເລື່ອນຊັ້ນ ຮ້ອຍຕີ ຂຶ້ນຊັ້ນ ຮ້ອຍໂທ ຈໍານວນ 02 ສະຫາຍ, ເລື່ອນທຽບຊັ້ນ ຮ້ອຍຕີ ຂຶ້ນທຽບຊັ້ນ ຮ້ອຍໂທ ຈໍານວນ 03 ສະຫາຍ. ຂໍ້ຕົກລົງ ວ່າດ້ວຍການຍົກຂັ້ນເງີນເດືອນໃຫ້ນາຍທະຫານ ຢູ່ໂຮງຮຽນທິດສະດີການເມືອງກອງທັບ ຍົກຂັ້ນເງີນເດືອນຈາກຊັ້ນ ພັນໂທ ຂຶ້ນຮັບເງີນຊັ້ນ ພັນເອກ ຈໍານວນ 02 ສະຫາຍ. ໂອກາດນີ້ ສະຫາຍ ພົນຈັດຕະວາ ຮອງສາດສະດາຈານ ປອ ຄໍາຜາຍ ສະພັງເໜືອ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍາຫຼາຍບັນຫາທີ່ສໍາຄັນຕໍ່ຜູ້ທີ່ໄດ້ຮັບຕໍາແໜ່ງໃໝ່ ແລະ ປະດັບທຽບຊັ້ນໃນຄັ້ງນີ້ ພ້ອມສະແດງຄວາມຍ້ອງຍໍຊົມເຊີຍ ແລະ ເນັ້ນໜັກໃຫ້ແຕ່ລະສະຫາຍສືບຕໍ່ຝຶກຝົນຫຼ່ໍຫຼອມຕົນເອງໃນທຸກດ້ານ ບຸກບືນຫ້າວຫັນ, ດຸໝັ່ນຊອກຮູ້ຄົ້ນຄວ້າຮໍ່າຮຽນ, ຍົກສູງສະຕິຕໍ່ການຈັດຕັ້ງຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍ, ມີແບບແຜນໃນການດໍາລົງຊີວິດທີ່ປອດໃສຂາວສະອາດ, ເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ປັບປຸງແບບແຜນວິທີເຮັດວຽກໃຫ້ແທດເໝາະ ປະຕິບັດ5 ຫຼັກການ 3 ທິດນໍາຂອງພັກ, ເສີມຂະຫຍາຍຫົວຄິດປະດິດສ້າງແບບມີວິທະຍາສາດ, ສຸມສະຕິປັນຍາວິຊາສະເພາະທີ່ຮຽນມາປະກອບສ່ວນເຂົ້າໃນການພັດທະນາກົມກອງໃຫ້ເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ. ພາບ+ຂ່າວ: ສິບຕີ ນ. ເກດແກ້ວ ໄຊສົມພັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ