ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ກອງພັນ​ໃຫຍ່ 502 ເຜີຍແຜ່​ເຊື່ອມ​ຊຶມ​ເອກະສານ​ຂອງ​ພັກ
ເວລາອອກຂ່າວ: 2024-04-24 09:05:41 | ຜູ້ຂຽນ : admin1 | ຈຳນວນຄົນເຂົ້າຊົມ: 394 | ຄວາມນິຍົມ:



ຕົ້ນເດືອນເມສາ 2024 ນີ້, ກອງພັນ​ໃຫຍ່ 502 ກອງ​ພົນ​ທີ 5 ໄດ້​ເຜີຍແຜ່​ເຊື່ອມ​ຊຶມ​ເອກະສານ 4 ບົດ ໃນ​ການ​ດຳເນີນ​ຊີວິດ​ການເມືອງ​ຮັບປະກັນ ໃຫ້​ແກ່​ການ​ດຳເນີນ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກ ທົ່ວ​ກອງທັບ, ໂດຍ​ການ​ເປັນ ​ປະທານ​ ຂອງສະຫາຍ ພັນ​ເອກ ທອງ​ສະໄໝ ສຸກ​ປະເສີດ ຮອງ​ເລຂາ​ຄະນະ​ພັກ, ຫົວໜ້າ​ການ​ທະຫານ ກອງ​ພົນ​ທີ 5, ມີ​ສະຫາຍ ພັນ​ເອກ ລື​ໄຊ ສຸວັນນະ​ສີ ກຳມະການ​ຄະນະ​ພັກ​ກອງ​ພົນ, ຫົວໜ້າ​ການເມືອງ ​ກອງພັນ​ໃຫຍ່ 502 ພ້ອມ​ຄະນະ, ມີ​ຄະນະ​ພັກ​ຮາກ​ຖານ, ຄະນະ​ໜ່ວຍ​ພັກ ແລະ ສະມາຊິກ​ພັກ ຈາກ​ອົງການ, ກົມ​ກອງ ເຂົ້າ​ຮ່ວມ. ສະຫາຍ ພັນ​ເອກ ທອງ​ສະໄໝ ສຸກ​ປະເສີດ ພ້ອມ​ຄະນະ ໄດ້ຜັດ​ປ່ຽນ​ກັນ​​ເຜີຍແຜ່​ເອກະສານ 4 ບົດ ຂອງ​ພັກ​ ໃນ​ນີ້, ປະກອບ​ມີ​ເອກະສານ ຕັ້ງໜ້າ​ເຝິກ​ຝົນ​ຄຸນ​ທາດ​ການເມືອງ ແລະ ຄຸນສົມບັດ​ສິນ​ທຳ​ປະຕິວັດ, ຍົກ​ສູງ​ຄວາມ​ສາມາດ​ນຳພາ ແລະ ຄວາມ​ເປັນ​ແບບຢ່າງ​ຂອງ​ພັກ, ເດັດດ່ຽວ​ແກ້​ໄຂ​ປະກົດ​ການ​ຫຍໍ້ທໍ້​ໃນ​ຖັນ​ແຖວ​ພະນັກງານ-ສະມາຊິກ​ພັກ ແລະ ເອກະສານ ຄວາມ​ເຂົ້າໃຈ​ກ່ຽວ​ກັບ​ການ​ດຳເນີນ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກ. ການ​ເຜີຍແຜ່​ເຊື່ອມ​ຊຶມ​ເອກະສານ​ສຳຄັນ​ຕ່າງໆ​ໃນ​ຄັ້ງ​ນີ້, ເພື່ອ​ເປັນ​ການ​ສຶກ​ສາ​ອົບຮົມ​ການເມືອງ-ແນວ​ຄິດໃຫ້​ພະນັກງານ-ສະມາຊິກ​ພັກ ​ແລະ ນັກຮົບ ຮັບ​ຮູ້​ເຊື່ອມ​ຊຶມ, ກຳ​ແໜ້ນບັນດາ​ເນື້ອ​ໃນ​ເອກະສານ​ສຳຄັນ​ຕ່າງໆ​ນີ້ ເພື່ອ​ເປັນ​ບ່ອນ​ອີງ​ໃນ​ການ​ເຝິກຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄວາມ​ກ້າວໜ້າ, ມີ​ຜົນງານ​ອັນ​ໃໝ່ ແລະ ສ້າງ​ໃຫ້​ກົມ​ກອງ​ມີ​ທ່າ​ກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ. ໂດຍ: ສົມ​ພອນ​ໄຊ ພັນ​ທ້າວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ