ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ເບ​ສະຫວັນ ແລະ ເອັດ​ທີ​ທີ ຜົນງານ​ດີ​ຕໍ່​ເນື່ອງ​ຊະນະ 7 ນັດ​ຕິດຕໍ່​ກັນ ການ​ແຂ່ງຂັນ ຟຸດ​ຊໍ ລາວ​ລີກ ປະຈຳ​ປີ 2024
ເວລາອອກຂ່າວ: 2024-04-29 09:13:09 | ຜູ້ຂຽນ : admin3 | ຈຳນວນຄົນເຂົ້າຊົມ: 123 | ຄວາມນິຍົມ:



ທີມ ເບ​ສະຫວັນ ຊະນະ ທີມ ລະຊະຕະ ດ້ວຍ​ຄະແນນ 5-3 ປະຕູ ໂດຍ​ໄດ້​ປະຕູ​ຈາກ​ການ​ຍິງ​ຂອງ​ ບຸນ​ທະວີ ສີ​ປະສົງ ສອງ​ປະຕູ, ຄຳ​ຜາ ພິ​ພັກຂະ​ວົງ, ວັນນາ ບຸນ​ຫຼໍ່​ວົງສາ ແລະ ນິດ​ນີ​ລັນ ຈັນ​ຈະເລີນ ຜູ້​ລະ​ປະຕູ, ທີມ​ລະຊະຕະ ໄດ້​ປະຕູ​ຈາກ​ການ​ຍິງ​ຂອງ ທົງ​ໄຊ ຈັນທະ​ບູນ, ສຸກ​ວິໄລ ມະນີ​ຈັນ ແລະ ພົງ​ສິດ ສິລິ​ບົວ​ລີ​ວັນ ຜູ້ລະ​ໜຶ່ງ​ປະຕູ. ຂະນະ​ທີ່ ທີມ ເອັດ​ທີ​ທີ ຊະນະ ອາສາ ພາວ​ເວີ ດ້ວຍ​ຄະແນນ 9-2 ປະຕູ, ທີມ ຊີ​ທີ​ເອ ພາວເວີ ເສຍ​ໃຫ້ ທີມ ເຄ​ເອັມ​ທີ ດ້ວຍ​ຄະແນນ 1-11 ປະຕູ, ທີມຈັນ​ ສີ ເສຍ​ໃຫ້ ທີມ ເໜືອ-ໃຕ້ ດ້ວຍ​ ຄະແນນ 2-7 ປະຕູ, ທີມນະຄອນ ຫຼວງ ເສຍ​ໃຫ້ທີມ ຊີ​ໄອ​ທີ ດ້ວຍ​ຄະແນນ 4-8 ປະຕູ, ທີມ ວີ​ເຊິນ ຊະນະ ທີມ ມາ​​ສ​ດ້າ ຈີ​ບີ ດ້ວຍ​ຄະແນນ 10-1 ປະຕູ. ຕາຕະລາງ​ຄະແນນ​ປັດຈຸບັນ ຜ່ານ​ໄປ 7 ນັດ ທີມ ເບ​ສະຫວັນ ແຊັມ​ເກົ່າ ແລະ ທີມ ເອ​​ັສ​ທີ​ທີ ເກັບ 21 ຄະແນນ​ເຕັມ ແຕ່​ປະຕູ​ໄດ້​ເສຍ ທີມ ເອ​​ັສ​ທີ​ທີ ດີ​ກວ່າ​ໜຶ່ງ​ໜ່ວຍ, ຮອງ​ລົງ​ມາ ທີມ ວີ​ເຊິນ, ທີມ ຊີ​ໄອ​ທີ ແລະ ທີມ ເໜືອ-ໃຕ້ ມີ 15 ຄະແນນ​ເທົ່າ​ກັນ. ສ່ວນ​ດາວ​ຍິງ​ສູງ​ສຸດ​ຂະນະ​ນີ້ ຈັນ​ສະໝອນ ພົມ​ມະ​ລິ​ວົງ ຈາກ​ທີມ​ເອ​​ັສ​ທີ​ທີ 16 ປະຕູ, ພອນ​ສະ ຫວັນ ມີ​ໂຊກ ຈາກ​ທີມ​ວີ​ເຊິນ 13 ປະຕູ ແລະ ວິໄລ​ພອນ ສີ​ນວນ​ຄຳ ຈາກ​ທີມ​ຈັນ​ສີ 12 ປະຕູ. ນັດ​ທີ 8 ຈະ​ແຂ່ງຂັນ​ທ້າຍ​ອາທິດ​ນີ້ ວັນ​ເສົາ​ທີ 27 ເມສາ 2024 ທີມ​ຈັນ​ສີ ພົບ​ກັບ ທີມ​ເຄ​ເອັມ​ທີ, ທີມ​ລະຊະຕະ ພົບ​ກັບ ທີມ​ ຊີ​ໄອ​ທີ, ທີມ​ວີ​ເຊີນ ພົບ​ກັບ ທີມ ເຫນືອ-ໃຕ້, ວັນ​ອາທິດ 28 ເມ ສາ 2024 ມີ: ທີມ​ນະຄອນຫຼວງພົບ​ກັບທີມ ​ເອ​​ັສ​ທີ​ທີ, ທີມ​ມາສະ​ດາ ຈີ​ບີ ພົບ ກັບ ທີມ​ເບ​ສະຫວັນ, ທີມ​ອາສາ ພາວ​ເວີ້ ພົບ​ກັບ ທີມ ຊີ​ທີ​ເອ ພາວ​ເວີ້.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ