ວັນສຸກ, ວັນທີ 06 ທັນວາ 2024
ກອງບັນຊາການທະຫານແຂວງຈຳປາສັກ ເຜີຍແຜ່ກົດໝາຍ ແລະ ນິຕິກຳ ປະຈຳປີ 2024
ເວລາອອກຂ່າວ: 2024-05-03 12:03:39 | ຜູ້ຂຽນ : admin2 | ຈຳນວນຄົນເຂົ້າຊົມ: 1967 | ຄວາມນິຍົມ: 
ໃນວັນທີ2 ພຶດສະພາ 2024 ນີ້, ກອງບັນຊາການທະຫານແຂວງຈຳປາສັກ ໄດ້ ເຜີຍແຜ່ກົດໝາຍ ແລະ ນິຕິກຳ ປະຈຳປີ 2024 , ຢູ່ທີ່ສະໂມສອນຂອງກົມກອງໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງ ກອງບັນຊາການທະຫານແຂວງຈຳປາສັກ, ມີຄະນະພັກ-ຄະນະບັນຊາ 5ຫ້ອງ, ຄະນະຮັບຜິດຊອບໂຄສະນາເຜີຍແຜ່ກົດໝາຍ, ພະແນກການ, ກົມກອງອ້ອມຂ້າງຕະຫຼອດຮອດ ນາຍ ແລະ ພົນທະຫານ ທົ່ວກົມກອງເຂົ້າຮ່ວມ.
ໃນພິທີ ວິຊາການຈາກພະແນກການທີ່ກ່ຽວຂ້ອງກໍ່ໄດ້ຜັດປ່ຽນກັນຂຶ້ນເຜີຍແຜ່,ອະທິບາຍບັດດາກົດໝາຍ ແລະ ນິຕິກຳເຊິ່ງປະກອບມີຂໍ້ ກຳນົດຂອງກອງບັນຊາການທະຫານແຂວງຈຳປາສັກ, ກົດໝາຍວ່າດ້ວຍການປະຕິບັດຄຳຕັດສິນຂອງສານ, ປະມວນກົດໝາຍອາຍາ, ກົດໝາຍວ່າດ້ວຍຢາເສບຕິດ, ປະມວນກົດໝາຍແພ່ງ, ກົດໝາຍວ່າດ້ວຍນາຍທະຫານ. ຈຸດປະສົງການໂຄສະນາເຜີຍແຜ່ກົດໝາຍ ແລະ ນິຕິກຳ ໃນຄັ້ງນີ້ ກໍ່ເພື່ອແນໃສ່ເຮັດໃຫ້ນາຍ ແລະ ພົນທະຫານໄດ້ຮັບຮູ້ເຂົ້າໃຈຕໍ່ຂໍ້ກຳນົດ, ກົດໝາຍດັ່ງກ່າວ ເພື່ອພ້ອມກັນຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆໃນສັງຄົມ ກໍຄືຢູ່ພາຍໃນກົມກອງຂອງຕົນ, ຍົກສູງຄວາມຮູ້-ຄວາມສາມາດທາງດ້ານການເມືອງ-ແນວຄິດ, ມີລະບຽບແບບແຜນທີ່ທັນສະໄໝ, ເປັນກຳລັງຫຼັກແຫຼ່ງຂອງກອງທັບໃນການປົກປັກຮັກສາ ແລະ ສ້າງສາພັດທະນາປະເທດຊາດ.
ໃນຕອນທ້າຍ, ສະຫາຍ ພົນຈັດຕະາວ ວິລະຕູ່ ວໍລະຈິດ ປະທານພິທີ ກໍ່ໄດ້ໃຫ້ການໂອ້ລົມ ເຊິ່ງສະຫາຍໄດ້ຮຽກຮ້ອງມາຍັງຄະນະພັກ-ຄະນະບັນຊາຕະຫຼອດຮອດນາຍ ແລະ ພົນທະຫານທົ່ວກອງບັນຊາການທະຫານແຂວງຈຳປາສັກຈົ່ງຍົກສູງສະຕິຄວາມຮັບຜິດຊອບໃນການຈັດຕັ້ງປະຕິບັດຂໍ້ກຳນົດ-ກົດໝາຍຂອງພັກ-ລັດຢ່າງເຂັ້ມງວດ ເພື່ອຮັບປະກັນເຮັດໃຫ້ການເຄື່ອນໄຫວປະຕິບັດໜ້າທີ່ວຽກງານຂອງຕົນໃຫ້ມີຜົນສຳເລັດສູງ, ສ້າງໃຫ້ກົມກອງມີຄວາມປອດໃສ ປອດໄພ ປອດຄະດີ ແລະ ຫັນເຂົ້າສູ່ລະບຽບແບບແຜນທີ່ທັນສະໄໝຂຶ້ນໄປເລື້ອຍໆ.
ຂ່າວ: ດາວົງ ບຸດຕະວົງ- ພາບ: ນາງ ສິລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
