POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງປະຊຸມຄົບຄະນະບໍລິຫານງານພັກກອງບັນຊາການທະຫານແຂວງບໍລິຄໍາໄຊຄັ້ງທີ 12 ສະໄໝທີV
ເວລາອອກຂ່າວ: 2024-05-06 11:04:19 | ຜູ້ຂຽນ : admin2 | ຈຳນວນຄົນເຂົ້າຊົມ: 929 | ຄວາມນິຍົມ:

ໃນວັນທີ2-3 ພຶດສະພາ 2024 ນີ້, ກອງບັນຊາການທະຫານແຂວງບໍລິຄຳໄຊ ໄດ້ດຳເນີນກອງປະຊຸມຄົບຄະນະບໍລິຫານງານພັກຂອງຕົນຂຶ້ນ, ໂດຍການເປັນປະທານຂອງສະຫາຍ ພົນຈັດຕະວາ ຈວງຈັນ ລາດຊະວົງ ຄະນະປະຈຳພັກແຂວງ, ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ມີບັນດາຄະນະພັກກອງບັນຊາການ, ພະນັກງານຫຼັກແຫຼ່ງອົງການ 05 ຫ້ອງ ແລະ ບັນດາກົມກອງທົ່ວທະຫານແຂວງເຂົ້າຮ່ວມ. ໃນກອງປະຊຸມໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 15 ສະໄໝທີVII ແລະ ຜ່ານບົດຕີລາຄາການຈັດຕັ້ງປະຕິບັດມະຕິ ກອງປະຊຸມຄົບຄະນະບໍລິຫານງານພັກກອງບັນຊາການ ທະຫານແຂວງບໍລິຄຳໄຊ ຄັ້ງທີ11 ສະໃໝທີV, ຈາກນັ້ນ ສະຫາຍ ພັນໂທ ບຸນຍັງ ລໍສິມມາ ຄະນະພັກກອງບັນຊາການ ຫົວໜ້າຫ້ອງການບໍລິຫານ ໄດ້ຂຶ້ນຜ່ານບົດສະຫຼຸບການນຳພາວຽກງານຮອບດ້ານໄລຍະ 03 ເດືອນ (1,2,3) ແລະ ທິດທາງແຜນການ 03 ເດືອນ(4,5,6) ຕົ້ນປີ 2024, ເຊິ່ງຜ່ານມາ ຄະນະພັກ-ຄະບັນບັນຊາແຕ່ລະຂັ້ນໄດ້ເອົາໃຈໃສ່ ປະຕິບັດວຽກງານຂອງຕົນຢ່າງຮອບດ້ານ ໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ, ສາມາດເຮັດໃຫ້ສະພາບໃນທົ່ວແຂວງມີຄວາມສະຫງົບ ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດໄດ້ຮັບການພັດທະນາ, ໃນນັ້ນຄະນະພັກ-ຄະນະບັນຊາແຕ່ລະຂັ້ນໄດ້ຖືສຳຄັນໃນການອົບຮົມການເມືອງແນວຄິດໃຫ້ພະນັກງານ-ນັກຮົບເຊື່ອມຊືມກຳແໜ້ນຕໍ່ແນວທາງນະໂຍບາຍຂອງພັກ, ກົດ ໝາຍຂອງລັດໄດ້ເປັນຢ່າງດີ, ໄດ້ຈັດຕັ້ງລົງກໍ່ສ້າງຮາກຖານການເມືອງພັດທະນາຊົນນະບົດຢ່າງຮອບດ້ານຕາມມູນເຊື້ອຂອງກອງທັບ, ໄດ້ຈັດຕັ້ງກຳລັງອອກເຄື່ອນໄຫວໃນຂອບເຂດຮັບຜິດຊອບເປັນປົກກະຕິ, ຊີ້ນໍາແຕ່ລະກົມກອງຍົກສູງສະຕິລະວັງຕົວກຽມພ້ອມສູ້ຮົບໃຫ້ເຂັ້ມງວດ, ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ, ດ້ານວຽກງານພະລາທິການ-ເຕັກນິກ, ໄດ້ກໍ່ສ້າງ, ສ້ອມແປງເຄຫາສະຖານຕາມແຜນການທີ່ກຳນົດເອົາໄວ້, ໃນ 03 ເດືອນຜ່ານມາທົ່ວທະຫານແຂວງໄດ້ສູ້ຊົນສ້າງພື້ນຖານການຜະລິດ-ການບໍລິການເພື່ອສ້າງແຫຼ່ງລາຍຮັບເຂົ້າກົມກອງໄດ້ທັງໝົດ1,053,339,000 ກີບ. ຕອນທ້າຍສະຫາຍ ພົນຈັດຕະວາ ຈວງຈັນ ລາດຊະວົງ ປະທານກອງປະຊຸມ ກໍ່ໄດ້ໂອ້ລົມກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຜົນງານໄຊຊະນະ ທີ່ກອງບັນຊາການຍາດມາໄດ້ໃນ 03 ເດືອນຜ່ານມາ, ນອກນັ້ນສະຫາຍຍັງໄດ້ຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນ ຕ້ອງໄດ້ເອົາໃຈໃສ່ ປະຕິບັດວຽກງານຂອງຕົນຢ່າງຮອບດ້ານ ໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ, ຖືເອົາການອົບຮົມການເມືອງແນວຄິດໃຫ້ພະນັກງານ-ນັກຮົບເປັນສຳຄັນເພື່ອໃຫ້ເຂົາເຈົ້າເຊື່ອມຊືມກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດໄດ້ເປັນຢ່າງດີ, ລົງກໍ່ສ້າງຮາກຖານການເມືອງພັດທະນາຊົນນະບົດຢ່າງຮອບດ້ານຕາມມູນເຊື້ອຂອງກອງທັບ, ຈັດຕັ້ງກຳລັງອອກເຄື່ອນໄຫວໃນຂອບເຂດຮັບຜິດຊອບໃຫ້ເຂັ້ມງວດ, ເອົາໃຈໃສ່ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ, ນອກນັ້ນກໍ່ຕ້ອງໄດ້ເອົາໃຈເຮັດວຽກງານພະລາທິການ-ເຕັກນິກໃຫ້ດີ ແນໃສ່ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ຂ່າວ-ພາບ ສີທອງ ຈັນທະວົງ.

news to day and hot news