POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງປະຊຸມຜູ້ແທນຄັ້ງທີIV ຂອງສະຫະພັນແມ່ຍິງທົ່ວ ວປກ
ເວລາອອກຂ່າວ: 2024-05-06 11:06:16 | ຜູ້ຂຽນ : admin2 | ຈຳນວນຄົນເຂົ້າຊົມ: 953 | ຄວາມນິຍົມ:

ກອງປະຊຸມຜູ້ແທນຄັ້ງທີ IV ຂອງສະຫະພັນແມ່ຍິງ ທົ່ວວິທະຍາຄານປ້ອງກັນຊາດ ໄກສອນ ພົມວິຫານ ໄດ້ໄຂຂຶ້ນໃນວັນທີ3 ພຶດສະພາ 2024 ນີ້, ຢູ່ສະໂມສອນໃຫຍ່ຂອງ ວິທະຍາຄານປ້ອງກັນຊາດ ໄກສອນ ພົມວິຫານ. ໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ຄຳຫລ້າ ພັນໄຊຍະສຸກ ກຳມະການຄະນະພັກກະຊວງປ້ອງກັນປະເທດ, ຫົວໜ້າການເມືອງ ວປກ, ມີສະຫາຍ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ, ຫົວໜ້າຫ້ອງການສະຫະພັນແມ່ຍິງກອງທັບ, ສະຫາຍ ພັນໂທ ນ ມະນີພອນ ພົມມະຈັນ ຮອງຫົວໜ້າກົມການເມືອງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ສະຫາຍ ພັນໂທ ນາງ ທຸມມາລາ ບິດາສັກ ຫົວໜ້າພະແນກສະຫະພັນແມ່ຍິງ ວປກ, ຮ້ອຍເອກ ນາງ ສົມຄິດ ແພງປັນຍາ ຮອງຫົວໜ້າພະແນກຊາວໜຸ່ມ ວປກ, ພ້ອມດ້ວຍພະນັກງານອາວຸໂສບຳນານເພດຍິງ, ຄອບຄົວການນຳ, ຄະນະພັກ-ຄະນະບັນຊາ 23 ຫົວໜ່ວຍ, ຕະຫຼອດຮອດຜູ້ແທນແມ່ຍິງທົ່ວ ວປກ ເຂົ້າຮ່ວມຢ່າງພ້ອມພຽງ. ໃນໂອກາດນີ້, ສະຫາຍ ພັນໂທ ນາງ ທຸມມາລາ ບິດາສັກ ຫົວໜ້າພະແນກສະຫະພັນແມ່ຍິງ ວປກ, ໄດ້ຂຶ້ນຜ່ານບົດລາຍງານການເມືອງທັງສອງພາກຕໍ່ກອງປະຊຸມໃຫຍ່ ສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ຍິງທົ່ວວິທະຍາຄານປ້ອງກັນຊາດ ໄກສອນ ພົມວິຫານ ຄັ້ງທີIV ໃນ 5 ປີຜ່ານມາ( 2019–2024 ), ໃນຕະຫຼອດໄລຍະ 5 ປີທີ່ຜ່ານມາພະແນກສະຫະພັນແມ່ຍິງ ວປກ ໄດ້ປະຕິບັດໜ້າທີ່ພາລະບົດບາດ ພາຍໃຕ້ການຊີ້ນຳ-ນຳພາອັນເດັດດ່ຽວໜຽວແໜ້ນຂອງພັກປະຊາຊົນປະຕິວັດລາວ ແລະ ການອຸ້ມຊູຊ່ວຍເຫຼືອຈາກຫ້ອງການສະຫະພັນແມ່ຍິງກອງທັບ ເວົ້າລວມ, ເວົ້າສະເພາະກໍ່ຄືການເອົາໃຈໃສ່ຊີ້ນຳ, ສຶກສາອົບຮົມ ແລະ ເອື້ອອຳນວຍຄວາມສະດວກຂອງຄະນະພັກ-ຄະນະບັນຊາ ວິທະຍາຄານປ້ອງກັນຊາດ ໄກສອນ ພົມວິຫານ ເຮັດໃຫ້ອົງການສະຫະພັນແມ່ຍິງ ປະຕິບັດໜ້າທີ່ຢ່າງເຕັມເມັດເຕັມໜ່ວຍ ແລະ ໄດ້ຮັບໝາກຜົນຫຼາຍດ້ານ. ໂດຍສະເພາະກໍ່ແມ່ນ 10 ວຽກງານຂະບວນການທີ່ໄດ້ປະຕິບັດໃນໄລຍະທີ່ຜ່ານມາ ຕາມມະຕິຕົກລົງກອງປະຊຸມໃຫຍ່ຄັ້ງທີ III ຂອງພະແນກສະຫະພັນແມ່ຍິງ ວປກ (2019-2024) ໂດຍໄດ້ເອົາໃຈໃສ່ວຽກງານສຶກສາອົບຮົມການເມືອງ-ແນວຄິດ, ວຽກງານປັບປຸງ ແລະ ຂະຫຍາຍການຈັດຕັ້ງສະຫະພັນແມ່ຍິງ, ວຽກງານກໍ່ສ້າງພັກ-ພະນັກງານເພດຍິງ, ວຽກງານນະໂຍບາຍ-ຍ້ອງຍໍ, ວຽກງານປົກປ້ອງສິດຜົນປະໂຫຍດແມ່ຍິງ ແລະ ເດັກນ້ອຍ, ການສົ່ງເສີມຄວາມກ້າວໜ້າຂອງແມ່ຍິງ, ການສົ່ງເສີມຄວາມສະເໝີພາບຍິງ-ຊາຍ, ວຽກງານພັດທະນາຊີວິດການເປັນຢູ່ເພື່ອແກ້ໄຂຄວາມທຸກຍາກໃຫ້ແກ່ແມ່ຍິງ ແລະ ຄອບຄົວ, ວຽກງານຈັດຕັ້ງປະຕິບັດຂໍ້ແຂ່ງຂັນ 3 ດີ, ວຽກງານກອງທຶນ, ວຽກງານປຸກລະດົມແມ່ຍິງເຂົ້າຮ່ວມພາລະກິດປົກປັກຮັກສາ ແລະ ພັດທະນາປະເທດຊາດ, ວຽກງານກວດກາ, ວຽກງານພົວພັນ ແລະ ຮ່ວມມືກັບພາກສ່ວນທີ່ກ່ຽວຂ້ອງທັງພາຍໃນ ແລະ ຕ່າງປະເທດ. ການຈັດຕັ້ງພະແນກສະຫະພັນແມ່ຍິງ ວປກ ມີຈຳນວນ: 5 ສະຫາຍ, ມີ: 11 ໜ່ວຍ, ມີ: 12 ຈຸເອກະລາດ, ມີ: 36 ຈຸທີ່ຂຶ້ນກັບໜ່ວຍ, ມີສະມາຊິກທັງໝົດ: 357 ສະຫາຍ, ມະຫາຊົນ: 03 ສະຫາຍ, ມີສະມາຊິກພັກທັງໝົດ: 272 ສະຫາຍ ເທົ່າກັບ: 43,29%, ຊາວໝຸ່ມ: 175 ສະຫາຍ ເທົ່າກັບ: 49,15%, ມີນັກສຶກສາພາສາຕ່າງປະເທດ ຈຳນວນ: 15 ສະຫາຍ. ເຂົ້າຮ່ວມບໍລິຈາກເລືອດ ຈຳນວນ: 11 ຄັ້ງ, ມີທັງໝົດ: 81 ສະຫາຍ, ຈັດຕັ້ງຢຽມຢາມສະມາຊິກເຈັບປ່ວຍ, ເກີດລູກ, ນອນໂຮງໝໍ ຈຳນວນ: 62 ຄັ້ງ ເປັນເງີນສະຫວັດດີການຊ່ວຍເຫຼືອ ຈຳນວນ: 17.165.000 ກີບ, ມີສະມາຊິກເອື້ອຍນ້ອງແມ່ຍິງສ້າງເສດຖະກິດຄອບຄົວຕາມເງື່ອນໄຂຕົວຈິງ ໂດຍການຜະລິດນ້ຳກ້ອນຂາຍ, ຕ່ຳຫູກ, ປູກຝັງ, ລ້ຽງສັດ, ຂາຍເຄື່ອງຍ່ອຍ, ສານກະຕິບເຂົ້າ, ຍິບໝາກເບັງ, ຂາຍຜ້າໄໝ-ສີ້ນໄໝ ຈຳນວນ: 07 ສະຫາຍ ເຊິ່ງມີລາຍຮັບເຂົ້າຄອບຄົວຕໍ່ປີ ຈຳນວນ: 15-20 ລ້ານກີບ, ນອກຈາກນີ້ຍັງໄດ້ອຸປະຖຳຊ່ວຍເຫຼືອໃນຫຼາຍໆໂອກາດທີ່ສຳຄັນ ມອບເຄື່ອງອຸໂພກ-ບໍລິໂພກ ໃຫ້ອ້າຍນ້ອງປ້ອງກັນເວນຍາມ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນ ລາວ ຄົບຮອບ 75 ປີ ຈຳນວນ: 1.224.000 ກີບ, ປະກອບສ່ວນຊື້ກາດອກຈຳປາ ແລະ ເສື້ອຢືດສະຫະພັນແມ່ຍິງກອງທັບ ລວມເປັນເງີນທັງໝົດ: 110.224.000 ກີບ, ເຂົ້າຮ່ວມແຂ່ງຂັນແລກປ່ຽນບົດຮຽນ ກັບ 3 ວິທະຍາຄານ, ເຂົ້າຮ່ວມງານຕະຫຼາດນັດທີ່ທາງ ຫອ້ງການສະຫະພັນ ແມ່ຍິງກອງທັບຈັດຂຶ້ນ ສາມາດສ້າງລາຍຮັບຂອງບຸກຄົນ ແລະ ໜ່ວຍ ໄດ້ທັງໝົດ: 45.000.000 ກີບ, ຂາຍດອກໄມ້ໃນງານຮັບໃບປະກາດ ສົກຮຽນ 2022-2023 ຈຳນວນ: 5.624.000 ກີບ, ທາງດ້ານວຽກງານກອງທຶນຊ່ວຍເຫຼືອເຊິ່ງກັນ ແລະ ກັນແມ່ນໄດ້ລິເລີ້ມຂຶ້ນໃໝ່ໃນປີ 2024 ນີ້, ມີສະມາຊິກກອງທຶນ ຈຳນວນ: 229 ສະຫາຍ, ມີເງີນໝູນວຽນ ຈຳນວນ: 91.860.000 ກີບ, ຈາກການປະຕິບັດໜ້າທີ່ລວມຂ້າງເທິງຂອງອົງການສະຫະພັນແມ່ຍິງ ວປກ ສາມາດເຮັດໃຫ້ຫຼາຍພາກສ່ວນຫົວໜ່ວຍ, ຫຼາຍສະຫາຍຍາດໄດ້ຜົນງານດີເດັ່ນຫຼາຍດ້ານ ໄດ້ຮັບການຄົ້ນຄວ້າເຂົ້າພັກສົມບູນ ແລະ ສຳຮອງ ຈຳນວນ: 48 ສະຫາຍ, ເລື່ອນຊັ້ນ ພັ.ທ ຈຳນວນ: 29 ສະຫາຍ, ພັ.ຕ ຈຳນວນ: 52 ສະຫາຍ, ຮ.ອ ຈຳນວນ: 159 ສະຫາຍ ແລະ ນາຍສິບ: 65 ສະຫາຍ, ຍ້ອງຍໍຫຼຽນໄຊພິລະອາດຫານ ຊັ້ນ III ຈຳນວນ: 14 ສະຫາຍ, ຫຼຽນໄຊແຮງງານຊັ້ນ II ຈຳນວນ: 02 ສະຫາຍ, ຫຼຽນໄຊແຮງງານຊັ້ນ III ຈຳນວນ: 09 ສະຫາຍ, ຫຼຽນກາ ແຮງງານ ຈຳນວນ: 67 ສະຫາຍ, ໃບຍ້ອງຍໍລັດຖະບານ ຈຳນວນ: 82 ໃບ, ກະຊວງປ້ອງກັນປະເທດ ຈຳນວນ: 42 ໃບ ແລະ ກົມໃຫຍ່ການເມືອງກອງທັບ ຈຳນວນ: 02 ໃບ. ແມ່ຍິງ 3 ດີປະເພດ I ມີ: 238 ສະຫາຍ, ປະເພດ II ມີ: 72 ສະຫາຍ, ພົນລະເມືອງດີ ມີ: 354 ສະຫາຍ, ພັດທະນາດີ ມີ: 238 ສະຫາຍ, ສ້າງຄອບຄົວດີ ມີ: 238 ຄອບຄົວ, ໜ່ວຍ 3 ດີ ມີ: 10 ໜ່ວຍ, ຈຸເອກະລາດ 3 ດີ ມີ: 03 ຈຸ, ເປົ້າໝາຍສ້າງຄອບຄົວຕົວແບບດ້ານເສດຖະກິດ ມີ: 07 ຄອບຄົວ. ກອງປະຊຸມໄດ້ຜັດປ່ຽນກັນຂຶ້ນສັງເກດຕີລາຄາດ້ານດີ, ດ້ານອ່ອນໃສ່ແຜນພັດທະນາ ໄລຍະ 5 ປີຕໍ່ໜ້າໃຫ້ມີເນື້ອໃນຄົບຖ້ວນ, ສົມບູນຂຶ້ນ ແລະ ກອງປະຊຸມຍັງໄດ້ຮັບຟັງການຂຶ້ນລາຍງານຂອງຄອບຄົວຕົວແບບໃນການປູກຟັງ-ລ້ຽງສັດຕື່ມອີກ. ໃນຕອນທ້າຍຂອງກອງປະຊຸມ, ສະຫາຍ ພົນຕີ ຄຳຫລ້າ ພັນໄຊຍະສຸກ ກຳມະການຄະນະພັກກະຊວງປ້ອງກັນປະເທດ, ຫົວໜ້າການເມືອງ ວປກ ໄດ້ມີຄໍາເຫັນໂອ້ລົມພ້ອມທັງຊີ້ນໍາບາງບັນຫາທີ່ສໍາຄັນ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ. ພາບ-ຂ່າວ: ເຂັງພອນ ແກ້ວຄຳລຽງ

news to day and hot news