ວັນອັງຄານ, ວັນທີ 03 ທັນວາ 2024
ກອງພົນທີ2 ຫັດແອບຍິງລູກປືນແທ້ໃຫ້ນັກຮຽນນາຍສີບຊຸດທີ VI
ເວລາອອກຂ່າວ: 2024-05-06 12:03:08 | ຜູ້ຂຽນ : admin2 | ຈຳນວນຄົນເຂົ້າຊົມ: 1510 | ຄວາມນິຍົມ: 
ໃນວັນທີ3 ພຶດສະພາ 2024ນີ້, ກອງພົນທີ2 ໄດ້ຫັດແອບຍິງລູກປືນແທ້ໃຫ້ນັກຮຽນນາຍຊຸດທີVI ຢູ່ທີສະໜາມຍິງປືນຂອງກອງພົນ ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ2 , ມີຄະນະພັກ-ຄະນະບັນກອງພົນ, ຄະນະຫ້ອງຫ້ອງ, ພະແນກການ, ຄະນະພັກ-ຄະນະບັນຊາ, ຄູ-ອາຈານ, ຄະນະຮັບຜິດຊອບ ແລະ ນັກຮຽນນາຍສີບຊຸດທີVI ເຂົ້າຮ່ວມ.
ການຈັດຕັ້ງຫັດແອບຍິງລູກປືນແທ້ໃນຄັ້ງນີ້ເພື່ອເປັນການທົດສອບຄວາມຮູ້ ຄວາມສາມາດຂອງນັກຮຽນນາຍສິບ ຊຸດທີVI ຜ່ານການຫັດແອບ ທາງດ້ານທິດສະດີຫຼັກການ ກໍ່ຄືການປະຕິປະຕົວຈິງຢູ່ໃນສະໜາມແອບ ແລະ ທັງເປັນການຕີລາຄາ ຜົນໄດ້ຮັບຂອງການຮໍ່າຮຽນໄລຍະຜ່ານມາ, ເພື່ອເຮັດໃຫ້ນັກຮຽນມີຄວາມຊໍານິຊໍານານ ກໍາໄດ້ລໍາດັບການເຮັດວຽກ ແລະ ວິທີບັນຊາຂັ້ນຂອງຕົນໃນເວລາເຮັດໜ້າທີ່ສູ້ຮົບຕົວຈິງ, ເປັນການເອກະພາບທາງດ້ານເນື້ອໃນບົດຮຽນທີ່ໄດ້ຮຽນມາ, ພ້ອມທັງທວນຄືນດ້ານສີລະປະຍຸດ-ຍຸດທະວິທີຂອງທະຫານຮາບ-ກໍາລັງໄຟແບກຮາບຢ່າງຖືກຕ້ອງ ແລະ ເປັນການປະສານສົມທົບລະຫວ່າງພາກທິດສະດີຫຼັກການ ກັບການເຄື່ອນໄຫວປະຕິບັດໜ້າທີ່ສູ້ຮົບຕົວຈິງຢູ່ສະໜາມໃຫ້ມີໄຫວພິກຄ່ອງແຄ້ວ ຮູ້ນໍາໃຊ້ອາວຸດສົມທົບບັນດາຮູບການຕໍ່ສູ້ຢ່າງຊໍານິຊໍານານ, ແກ້ໄຂສະພາບການທີ່ເກີດຂຶ້ນໃຫ້ໄດ້ທັນເວລາສາມາດເຮັດສຳເລັດໜ້າທີໃນພາລະກິດປົກປັກຮັກສາ ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ.
ໂດຍ ສຸວັນໂນ. ທະລັງສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
