POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ກອງບັນຊາການທະຫານແຂວງຫຼວງນໍ້າທາ ເຊື່ອມຊຶມເອກະສານຂອງພັກ ແລະ ທາບທາມບຸກຄະລະກອນຮອບທີ1
ເວລາອອກຂ່າວ: 2024-05-06 15:02:45 | ຜູ້ຂຽນ : admin2 | ຈຳນວນຄົນເຂົ້າຊົມ: 1226 | ຄວາມນິຍົມ:

ວັນທີ2 ພືດສະພາ 2024 ນີ້, ກອງບັນຊາການທະຫານແຂວງຫຼວງນໍ້າທາໄດ້ເຜີຍແຜ່, ເຊື່ອມຊຶມເອກະສານເພື່ອກ້າວເຂົ້າສູ່ກອງປະຊຸມໃຫຍ່3 ຂັ້ນຂອງພັກ ແລະ ທາບທາມບຸກຄະລະກອນກະກຽມໃຫ້ແກ່ກອງປະຊຸມໃຫຍ່ຂອງກອງບັນຊາການ ຄັ້ງທີ 6 ຮອບທີ1 ໂດຍການເປັນປະທານຂອງ ສະຫາຍ ພົນຈັດຕະວາ ອິ່ນແກ້ວ ມະນີຈັນ ກໍາມະການປະຈໍາພັກແຂວງ ເລຂາພັກ ຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ ເປັນກຽດເຂົ້າຮ່ວມຂອງ ສະຫາຍ ພົນຕີີ ຈັນສະແຫວງ ທິບຄູນທອງ ຮອງເລຂາພັກແຂວງ ປະທານກວດກາພັກ-ລັດແຂວງ ມີພະແນກການກ່ຽວຂ້ອງຂອງແຂວງ, ຄະນະພັກກອງບັນຊາການ, ຄະນະພັກ-ຄະນະບັນຊາ, ພະນັກງານຫຼັກແຫຼ່ງອົງການ 5 ຫ້ອງ, 2 ກອງພັນ, ກົມກອງອ້ອມຂ້າງໂຮງຮຽນ, ໂຮງໝໍເຂົ້າຮ່ວມຢ່າງພ້ອມພຽງ. ໃນກອງປະຊຸມ, ຜູ້ແທນກອງປະຊຸມໄດ້ຮັບຟັງເຊື່ອມຊຶມເອກະສານ ຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່3 ຂັ້ນຂອງພັກ. ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ ຕັ້ງໜ້າຝຶກຝົນຫລໍ່ຫລອມຄຸນທາດການເມືອງ ແລະ ຄຸນສົມບັດສິນທໍາປະຕິວັດ ເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວພະນັກງານ, ສະມາຊິກພັກເພື່ອເຮັດໃຫ້ພະນັກງານ, ສະມາຊິກພັກມີຄວາມຮັບຮູ້, ເຂົ້າໃຈກ່ຽວກັບຄວາມໝາຍ ເເລະ ຄວາມສຳຄັນຂອງການດຳເນີນກອງປະຊຸມໃຫຍ່ 3 ຂັ້ນຂອງພັກ, ກຳເເໜ້ນໃນການດຳເນີນກອງປະຊຸມໃຫຍ່ 3 ຂັ້ນຂອງພັກ, ເປັນເຈົ້າການນຳເອົາມະຕິກອງປະຊຸມໄປຈັດຕັ້ງຜັນຂະຫຍາຍໃຫ້ເກີດຜົນເປັນຈິິງບົນພື້ນຖານຄວາມຮັບຮູ້, ເຂົ້າໃຈໃນການປັບປຸງພັກໃຫ້ມີຄວາມປອດໃສ, ເຂັ້ມເເຂງ, ໜັກເເໜ້ນຮັບປະກັນການກໍ່ສ້າງພັກຕາມ 5 ຫຼັກການ, 3 ທິດນໍາຂອງພັກ, ຄັດເລືອກບຸກຄະລາກອນທີ່ມີມາດຕະຖານ, ເງື່ອນໄຂຕາມທີ່ກຳນົດໄວ້ປະກອບເຂົ້າໃນການຈັດຕັ້ງເເຕ່ລະຂັ້ນໃນລະບົບການເມືອງ, ສາມາດຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ສ້າງຄວາມເຊື່ອໝັ້ນ, ສັດທາຂອງມະຫາຊົນຕໍ່ການນຳພາຂອງຄະນະພັກເເຕ່ລະຂັ້ນກໍ່ຄືພະນັກງານ, ສະມາຊິກພັກ, ເພື່ອຍົກສູງຄວາມສາມາດໃນການນຳພາ, ເປັນເເບບຢ່າງນຳໜ້າຂອງພັກເຮົາແມ່ນປັດໃຈຕັດສິນໄຊຊະນະຂອງພາລະກິດປະຕິວັດ ສະມາຊິກພັກ, ພະນັກງານຕ້ອງຝຶກຝົນຫຼໍ່ຫຼອມຕົນເອງໃຫ້ມີຄວາມສາມາດນຳພາ, ເປັນເເບບຢ່າງນຳໜ້າ ໃຫ້ສົມຄູ່ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ຂອງການປະຕິວັດ, ສາມາດນຳພາ ພາລະກິດປະຕິວັດໄປສູ່ຈຸດໝາຍທີ່ພັກເຮົາກຳນົດໄວ້, ກຳແໜ້ນເນື້ອໃນຂອງຄຸນທາດການເມືອງ ເເລະ ຄຸນສົມບັດສິນທຳປະຕິວັດ, ຕ້ອງເອົາໃຈໃສ່ຍົກສູງຄວາມເປັນເເບບຢ່າງນຳໜ້າໃນການຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທຳປະຕິວັດ, ມີຫຼັກໝັ້ນຊົນຊັ້ນທີ່ໜັກເເໜ້ນ, ເຂົ້າໃຈກ່ຽວກັບທັດສະນະຂອງພັກຕໍ່ກັບການເເກ້ໄຂປະກົດການຫຍໍ້ທໍ້, ການຝຶກຝົນຫຼໍ່ຫຼອມຕົນເອງ, ວິທີຈັດຕັ້ງປະຕິບັດຕໍ່ກັບການເເກ້ໄຂປະກົດການຫຍໍ້ທໍ້ສຳລັບພະນັກງານສະມາຊິກພັກ ເພື່ອປັບປຸງກໍ່ສ້າງພັກໃຫ້ໜັກເເໜ້ນ, ເຂັ້ມເເຂງ, ຮັກສາໄດ້ບົດບາດ, ຄວາມສາມາດອຳນາດຂອງພັກ, ເຮັດໃຫ້ພັກມີຄວາມເປັນເອກະພາບທາງດ້ານເເນວຄິດ ແລະການກະທຳ, ຮັບປະກັນໃຫ້ພັກ ສືບຕໍ່ນຳພາ ພາລະກິດປົກປັກຮັກສາ ເເລະພັດທະນາປະເທດຊາດໃຫ້ກ້າວເດີນໄປຕາມທິດທີ່ພັກໄດ້ກຳນົດໄວ້, ຍົກສູງຄວາມຮັບຜິດຊອບ ເເລະເປັນເເບບຢ່າງນຳໜ້າຂອງພະນັກງານທຸກລະດັບຕໍ່ການເເກ້ໄຂປະກົດການຫຍໍ້ທໍ້ຕ່າງໆໃນຖັນເເຖວພະນັກງານ, ສະມາຊິກພັກໃຫ້ໝົດໄປ ແລະ ພ້ອມທັງທາບທາມເອົາບຸກຄະລະກອນຜູ້ທີ່ມີມາດຖານເງື່ອນໄຂກະກຽມໃຫ້ແກ່ກອງປະຊຸມໃຫຍ່ຂອງຄະນະພັກກອງບັນຊາການ ຄັ້ງທີ 6 ຮອບທີ1ຕື່ມອີກ. ໂດຍ: ສົມສະນຸກ

news to day and hot news